ნოსტალგიის დროა! Ralph Lauren-მა კოლექცია სერიალ "მეგობრების" 25 წლის იუბილეს მიუძღვნა

22 სექტემბერი მნიშვნელოვანი თარიღია სერიალ "მეგობრების" თაყვანისმცემლებისთვის, სწორედ ამ დღეს 25 წლის წინ საკულტო სიტკომის პირველი სერია გავიდა ეკრანებზე, რომელმაც მთელი მსოფლიოს მასშტაბით მაყურებლების გული მოიგო.

ახლა კი შეკითხვა: გახსოვს, სად მუშაობდა ჯენიფერ ენისტონის გმირი რამდენიმე სეზონის მანძილზე? დიახ, სწორია, Ralph Lauren-ში და სწორედ ახლახანს ამერიკულმა ბრენდმა ახალო კოლექციის გამოსვლა დააანონსა, რომელიც სერიალის იუბილეს და განსაკუთრებით რეიჩელ გრინის გმირსეძღვნება.

ბრენდის ოფიციალურ ვებ-გვერდზე გამოჩნდა კადრები მოდური ფოტოსესიიდან, რომელშიც მოდელები ყველასათვის კარგად ნაცნობ ინტერიერში პოზირებენ. აქვეა ცნობილი " ცენტრალური ყავის კაფე" და
შადრევანი, რომელშიც გმირები ცეკვავენ და რა თქმა უნდა მონიკას მყუდრო ბინა.

ცნობილია, რომ რალფ ლორენი თვითონ კურირებდა კოლექციის შექმნას, რაც საერთოდ არ არის გასაკვირი - შენ დიდი ალბათობით გემახსოვრება მისი როლი სერიალის ერთ-ერთი ეპიზოდიდან. მან ეპიზოდური როლი შეასრულა მეექვსე სეზონის მერვე სერიაში - იმ ეპიზოდში, როცა რეიჩელი ცნობილ დიზაინერთან რომანში შენიშნეს.

ახალ ხაზში შევიდა საქმიანი ლუქები, რომელიც იდეალურად უხდება სამსახურს - კოსტიუმები შალისგან და ველვეტისგან, ტყავის შარვლები, მინი და მიდი-ქვედაბოლოები, ლეოპარდის პრინტიანი ტანსაცმელი. მოკლედ ახალი კოლექცია სერიალის ყველა გმირის იმიჯს იმეორებს.

ყველა ეს მოდური ტანსაცმელი ხელმისაწვდომია ბრენდის ოფიციალურ გვერდზე, ხოლო 21 სექტემბრიდან კოლექცია ნიუ-იორკის უნივერმაღში Bloomingdale-ში არის წარმოდგენილი, სადაც მუშაობა სერიალის მიხედვითენისტონის გმირი.

სხვათაშორის, მაღაზიაში მისულ ყველა მომხმარებელს გაუმასპინძლდებიან ყავით და მიიპატიჟებენ ექსკურსიაზე რეიჩელ გრინის სტილიზებურ ოფისში. როგორი სიმბოლურია!


ლიდია ამარიანი
like
0

კომენტარის დამატება
×
სახელი*
კომენტარი*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.