ქართველი დიზაინერის წარმატება ლოს-ანჯელესის მოდის კვირეულზე - TAKO MEKVABIDZE

თაკო მექვაბიძე სტერეოტიპების შემცვლელ დიზაინერად სწორედ იმ თამამი ხასიათიდან გამომდინარე ითვლება, რომელიც მას ჩვენთვის საინტერესო მიმართულებას აძლევს.

მათ, ვინც არ იცნობდა ადრე თაკოს, უკვე იცის თუ ვის მოუხადოს მადლობადამახასიათებელი ტყავის ტანსაცმლისათვის, კოსტიუმებისა და პატარა ზომის მზის სათვალეებისათვის, რომელიც არაერთმა ცნობილმა სახემ მოირგო.

ეს არის ბრენდი, რომელიც კენდალ ჯენერის განსაკუთრებულ სიმპატიებს იმსახურებს. თუ თაკოს გასული სეზონის კოლექციაზე დაყრდნობით ვიმსჯელებთ, ყველასთვის ნათელი იყო თუ საით ჰქონდა დიზაინერს გეზი აღებული ლოს-ანჯელესის მოდის კვირეულისთვის.

თაკო მუშაობის პროცესში თავის წარმომავლობას ყოველთვის ითვალოსწინებს. მის კოლექციებში ჩანს ინსპირაციები, რომელსაც
მდიდარი კულტურის მქონე ქვეყანა აძლევს.

დიზაინერის თაბრუდამხვევად ელეგანტური, ქარიზმატული და მომნუსხველი კოლექციის ჩვენება სწორედ ოქტომბრის თვეში LA Fashion Week-ზე მოეწყო.

თაკოს „ლოს ანჯელესურ“ წარმატებაში დიდი წვლილი ცნობილი სააგენტოს „TATA LA PR AGENCY“ -ს დამფუძნებელს თათა ქართველიშვილის მიუძღვის.

ჩვენებიდან გამომდინარე ხაზგასმით შეგვიძლია არჩევანი შევაჩეროთ პასტელურ ფერებზე, მკვეთრ ფორთოხლისფერ ორეულებზე, ჰაეროვან ცისფერ კაბებსა და მამაკაცური სტილის „ოვერსაიზ“ მოსაცმელებზე.

„ბომონდი“ გიზიარებთ თაკო მექვაბიძის კოლექციის ფოტოებს, მოდური სამყაროს მიმდევარ გოგონებს კი ისღა დაგვრჩენია ჩავინიშნოთ და ვიხელმძღვანელოთ ახალი თაბრუდამხვი ტენდენციებით.


ლიდია ამარიანი
like
0

კომენტარები

რუსა
უდიდესი წარმატება თაკოს
2019-10-17 07:11

კომენტარის დამატება
×
სახელი*
კომენტარი*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.