"წინ! ოცნებების ასრულებისკენ!" - გაზაფხული-ზაფხული 2020 Anouki-ის სტილში

თბილისის მოდის კვირეული დასრულდა, რაც თამამად შეიძლება ითქვას, რომ ყოველწლიურად წინ გადადგმული კიდევ ერთი დიდი ნაბიჯია მოდის ინდუსტრიაში.

წარმატებული დიზაინერების რიცხვიც წინა წლებთან შედარებით საკმაოდ მაღალ ნიშნულს მიუახლოვდა, რაც ნიშნავს იმას, რომ თბილისის მოდა არაერთი ცნობილი უცხოელი ბლოგერის, ვლოგერის, ჟურნალისა და მოდის ექსპერტების ყურადღების ცენტრში მოექცა.

წლევანდელი გაზაფხული-ზაფხული 2020-ის ჩვენება საკმაოდ წარმატებული, მკვეთრი, ამავდროულად ნაზი და ჰაეროვანი, ქალურ მოტივებზე აგებული აღმოჩნდა ქართველი დიზაინერისთვის- ანუკი არეშიძისთვის, რომელსაც თანამედროვე მოდის სამყაროში, წლიდან წლამდე მთელი მსოფლიოს მასშტაბით არაერთი ცნობილი დიზაინერი და მოდის ექსპერტი ელოდება.

სწორად შერჩეული ლოკაცია ეკო მოტივებზე, ნაძვების გარემოცვაში, მომაჯადოვებელი მუსიკა და მსოფლიო მაესტროს გია ყანჩელის სიმღერის ფონზე დასრულებული ჩვენება კიდევ დიდხანს იქნება მთელი მსოფლიოს განხილვის საგანი.

გაზაფხული-ზაფხული 2020, ანუკის სტილში ნიშნავს სინაზეს, ელეგანტურობას, ქალურობასა და ჰაეროვნებას. თეთრი ფერის ორეულები, სალათისფერი, ფოსფორისფერი და ყვითელი საღამოს კაბები, ვარდისფერი პრინტებით გაწყობილი ჰაეროვანიკოქტეილის კაბები,დიზაინერმა მოდელებს მასიურბაფთებიანფეხსაცმელებზე მოარგო, ხოლო აქსესუარის სახით თვლებით გაწყობილი ყელსაბამები შეურჩია.

2020 წლის აქტუალური ტრენდი ყველასათვის უკვე მარტივი მისახვედრია: სრული სითეთრე, მკვეთრი ფოსფორი, მასიური ზომის ბაფთებიდა თვლები. მოდის მიმდევარ გოგონებს კი ისღა დაგვრჩენია ჩავინიშნოთ და გარდერობი მოვამზადოთ აქტუალურ ტენდენციურ ლუქებზე დაყრდნობით.

ლიდია ამარიანი
like
0

კომენტარის დამატება
×
სახელი*
კომენტარი*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.