მარიშა ურუშაძე NEXT-ის ქართველი მოდელი (+ ფოტოპროექტი)

მოდელობაზე არასდროს უოცნებია. თუმცა, 14 წლის გოგონას ყველა მოდელის კარიერას ურჩევდა. ერთ დღესაც მამიდამ სამოდელო სააგენტოში მიიყვანა და ასე აღმოჩნდა სამოდელო ბიზნესში.

 

 

მოდელის პროფესიაში სიახლეები იზიდავს. ბევრს მოგზაურობს და საინტერესო ადამიანებთან ურთიერთობს. არ უყვარს ერთფეროვნება და მიაჩნია, რომ გაუმართლა.
გაუმართლა, რომ სამოდელო სააგენტო Look Models-ის მოდელია, რომელმაც მსოფლიო პოდიუმისკენ გაუხსნა გზა. მალევე პარიზში სამუშაოდ მიიწვიეს. პარიზმა როგორც პროფესიული, ასევე პირადი გამოცდილება მოუტანა. შემდეგ იყო მილანი... და მიხვდა, რომ ეს პროფესია აინტერესებდა და სანამ ასაკი ხელს შეუწყობდა, ამ გზას გაჰყვებოდა.


ბევრ საინტერესო

პროექტში მიუღია მონაწილება. რომელიმეს გამოყოფა უჭირს. ყოველი მათგანი განსხვავებული იყო და მისთვის მიმზიდველი. ერთ დღეს რომ თოჯინა ან პრინცესაა, მეორე დღეს სრულიად განსხვავებული ქალის იმიჯს სთავაზობენ.
საზღვარგარეთ ბევრჯერ უმუშავია. ბევრ ცნობილ კომპანიასთან, მაგალითად, GIVENCHY, ELLE, MARGIELA, DIESEL...  ადგილობრივი გამოცემებისგან ბევრჯერ ჰქონია შემოთავაზებები. მოდელისთვის მნიშვნელოვანი წინსვლაა, რომელიც წარმატებულ კარიერაში ეხმარება.


მარიშა აქტიურად თანამშრომლობს უცხოურ სააგენტოებთან. ევროპული სააგენტოები მეტს ითხოვენ მოდელისგან. ამ პროფესიის მიმართ საკმაოდ მკაცრი მოთხოვნები აქვთ. მოდელი ყოველთვის ფორმაში უნდა იყოს, რაც მთავარი ფაქტორია, რომ ვიღაცას სჭირდება და ყოველთვის მზად უნდა იყოს მოულოდნელი ზარისთვის. სამუშაო ბევრია და დღის განმავლობაში ბევრი მოძრაობა უწევს. ამისთვის კი არა მარტო მორალურად, არამედ ფიზიკურად უნდა იყოს მზად.


ცნობილ სააგენტო NEXT-ში რომ მიიწვიეს, ცოტა შეეშინდა. სააგენტოს გუნდს არ იცნობდა და არ იცოდა, რა მოთხოვნები ექნებოდათ. მალე შეეჩვია ახალ მდგომარეობას და სააგენტოს წარმომადგენლებიც კმაყოფილები არიან მარიშას მუშაობით. NEXT-მა დიდი შესაძლებლობები შესთავაზა. სააგენტოს გავლით, მსოფლიოში ყველაზე წარმატებულ დიზაინერებთან მოუწია ურთიერთობამ. შეხვდა ცნობილ ფოტოგრაფებსა და წარმატებული მოდის სახლების დირექტორებს.


მარიშა ახლა "ბომონდის" სტუმარია. როგორც თავად აღნიშნავს, მოეწონა გადაღებების პროცესი, ბევრი იმხიარულა და ეს გადაღებები ყოველთვის თბილად გაახსენდება. მიაჩნია, რომ არც ისე მარტივი დავალება, სასიამოვნო გარემოში წარმატებით შეასრულა.

ქეთი დარჩია

ჟურნალი ”ბომონდი”

like
2

კომენტარები

თამუნა 2016-01-19 10:24
მშვენიერი მოდელები გვყავს

კომენტარის დამატება

სახელი*
აღწერა*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.