კინო

ძველი ჰოლივუდის გლამური - ივანე ქეშიკაშვილის ბლოგი
ზოგადად, როცა საუბარს ვიწყებთ კინოზე, სხვადასხვა ცერემონიასა ან დაჯილდოებაზე, პირველ რიგში, გვახსენდება ესა თუ ის პერსონაჟი თავისი დაუვიწყარი ჩაცმულობითა და სტილით. შესაძლოა დავივიწყოთ არაჩვეულებრივი დადგმა, მონტაჟი, მახვილგონივრული დიალოგები, თვით მსახიობების გენიალური შესრულება, მაგრამ მეხსიერებაში სამუდამოდ რჩება ამა თუ იმ ვარსკვლავის წარუშლელი გამოსახულება. კოსტიუმს შეუძლია ყოველთვის მეტად დასამახსოვრებელი გახადოს ესა თუ ის მოვლენა. ალბათ, ყველას კარგად გვახსოვს ოდრი ჰეპბერნის დაუვიწყარი ჩაცმულობა, თეთრი პერანგი, ყელზე შეკრული შარფი, ქვედაბოლო წელზე ქამრით, რომელითაც იგი წარმოგვიდგა ფილმში „რომაული არდადეგები“, გრეის კელის მოცისფრო-მომწვანი აბრეშუმის კაბა, რომელიც ოსკარის იმ დაჯილდოებაზე ამშვენებდა, სადაც საუკეთესო ქალი მსახიობის ნომინაციაში გაიმარჯვა, ან გლორია სვენსონის ლეოპარდის პრინტიანი სამოსი, სათვალე “Cat eye” და ფართო ფარფლებიანი ჩალის ქუდი.



ეს ძალიან მცირე ჩამონათვალია იმ დასამახსოვრებელი მოვლენებისა, როდესაც ესა თუ ის ვარსკლავი ატარებდა სხვადასხვა დაუვიწყარ სამოსს. განსაკუთრებით კი, უნდა აღინიშნოს გასული საუკუნის შუა პერიოდი. ამ ეპოქის ფილმების ყურებისას, მსახიობების ნიჭის გარდა, ჩემში უდიდეს ყურადღებასა და აღფრთოვანებას იწვევს ის კოსტიუმები, რომლებიც მათ ამშვენებს. სამწუხაროდ, დღეს ყველაფერი შეიცვალა და XXI საუკუნეც ელოდება ედიტ ჰედის მსგავს დიზაინერს. ქალი, რომელმაც მთელი თავისი ცხოვრება კინოკოსტიუმებს მიუძღვნა, ხუთი ათწლეულის მანძილზე ქმნიდა დაუვიწყარ სამოსს ჰოლივუდის ოქროს ეპოქის ვარსკლავებისთვის და თვითონაც ლეგენდად იქცა. მას დღეს ძველი ჰოლივუდის გლამურად მოიხსენებენ. ჯამში ათასზე მეტი ფილმი, ორმოცდასამი წამყვანი ქალი მსახიობისთვის შექმნილი კოსტიუმები, როგორებიც იყვნენ ელიზაბეტ ტეილორი, გრეის კელი, ოდრი ჰეპბერნი, ჯინჯერ როჯერსი, ბეტ დევისი, სოფი ლორენი. ეს არასრული ჩამონათვალი მოწმობს იმას, რომ ედიტ ჰედი, ოცდათხუთმეტი ნომინაციით და რვა გამარჯვებით, ყველაზე მეტჯერ ნომინირებული ქალია ოსკარების ისტორიაში. საბოლოო, მერვე ქანდაკება კი მან 1973 წელს მოიპოვა მამაკაცის სამოსისთვის ფილმში „აფერა“, მთავარ როლებში პოლ ნიუმენი და რობერტ რედფორდი.



ედიტ ჰედი 1897 წელს დაიბადა კალიფორნიაში. 1918 წელს საუკეთესო შედეგებით დაამთავრა ბერკლის უნივერსიტეტის ფრანგული ენის ფაკულტეტი და სწავლა განაგრძო სტენფორდის უნივერსიტეტში რომანული ენების მაგისტრის ხარისხის მოსაპოვებლად. დასრულების შემდეგ მუშაობა დაიწყო ფრანგული ენის პედაგოგად გოგონათა სკოლაში. მისი შეხება შემოქმედებით სამყაროსთან სრულიად შემთხვევით მოხდა. თავადაც ვერ წარმოიდგენდა, რომ უცხო ენის მასწავლებელს ხელოვნების გაკვეთილების წარმართვასაც შესთავაზებდნენ. იგი საკუთარი ცოდნის გასაღრმავებლად ჩაეწერა Chouinard Art Gollege-ში.





მის მოსწავლეებს შორის იყვნენ ჰოლივუდელი დივას სესილ ბი დე მილის ქალიშვილები, რომელთაც დამატებითი ანაზღაურებით რეპეტიტორობასაც უწევდა. სწორედ მათ ოჯახში გაიცნო Paramount Pictures-ის კოსტუმების სტუდიის ხელმძღვანელი და შეიტყო სამსახურში არსებული ვაკანსიის შესახებ. იქ მუშაობის სურვილი იმდენად დიდი იყო, იმ ფაქტმაც ვერ შეაჩერა, რომ ხატვა არ იცოდა. კოლეჯის სხვა სტუდენტების ესკიზებით შეკრა ისეთი პორტფელიო, რომლითაც აღტაცებაში მოიყვანა “Mr. Dress oh Hollywood”-ად წოდებული ჰოვარდ გრირი. სამსახურის მიღებიდან მეორე დღესვე კი აღიარა, რომ არასდროს სჭერია ხელში ფანქარი. ხელმძღვანელი მის ამგვარ საქციელს იუმორითა და გაგებით მოეკიდა და პირველი ესკიზების კეთებაც თვითონ შეასწავლა ასისტენტ ტრევის ბენტონთან ერთად. შრომისმოყვარეობისა და მიზანდასახულობის წყალობით, ედიტმა უმოკლეს დროში შეძლო გაეარა გზა ელემენტარული მონახაზიდან თავის პირველ სერიოზულ დამოუკიდებელ ნამუშევრამდე ფილმში “She done him wrong”, რომელშიც მთავარ როლებს მსახიობი-ენიგმა მეი უესტი და 30-იანი წლების სექს-სიმბოლო კერი გრანტი განასახიერებდნენ. მთავარი გმირის საღამოს კაბამ ქალთევზას ფორმის შლეიფით, საყოველთაო აღიარება და მოწონება დაიმსახურა საფრანგეთშიც კი.



სამკერვალოები გაივსო მსგავსი შეკვეთებით, ყველას უნდოდა ყოფილიყო, როგორც მეი. გარკვეულწილად ჰედის დამსახურებით, ფილმმა მოხსნა ყველა ფინანსური რეკორდი და იხსნა Paramount-ი გაკოტრებისგან. მოპოვეული დიდი წარმატების შემდეგ, ჰოვარდ გრირმა ედიტი ახალ თანამდებობაზე, სრულმეტრაჟიანი ფილმების კოსტუმების მთავარ მხატვრად გადაიყვანა. ამას მოჰყვა ფილმი „ყველაფერი ევას შესახებ“, მთავარ როლებში ჰოლივუდის ვარსკვლავი ბეტ დევისი, რომლისთვისაც ედიტმა შექმნა გასაოაცრი საღამოს კაბა მოშიშვლებული მხრებით და დებიუტანტი მერილინ მონრო, ქათქათა თეთრი და თავისი გმირის მსგავსად დამაინტრიგებელი და ამავე დროს უნაზესი კაბით. 1950 წელს ამ კოსტიუმებმა ოსკარი დაიმსახურა.



იმავე წელს ჰედმა მეორე ოსკარიც მიიღო სამოსისთვის ფილმში „სამსონი და დალილა“. მომდევნო წელს კი, მისთვის სათაყვანებელი ელიზაბეტ ტეილორისთვის შექმნილ კაბაში, ფილმისთვის „ადგილი მზის ქვეშ“. ჰედს შეეძლო შეექმნა ისეთი სამოსი, რომელსაც საკუთარი კანივით ირგებდა მსახიობი და იქცეოდა მის მეორე როლად. მას ენდობოდნენ წამყვანი რეჟისორები. მხოლოდ ალფრედ ჰიჩკოკთან 11 ფილმში ითანამშრომლა.



ედიტი თვლიდა, რომ საკუთარი გარდერობის შექმნა იგივე სახლის შენებაა, რადგან მასში უნდა იცხოვრო და შესაბამისად, ის უნდა იყოს კომფორტული და პასუხობდეს პატრონის მოთხოვნებს.
მან, როგორც კინოინდუსტრიის წამყვანმა და გამორჩეულმა კოსტიუმების მხატვარმა, მიიღო დიზაინერთა გილდიის უმაღლესი ჯილდო და შემდეგ ამ ორგანიზაციის პრეზიდენტიც გახდა. იგი მოდის სფეროში უდიდესი რეპუტაციით სარგებლობდა ჰოლივუდის გარეთაც. CBS Radio-ზე უძღვებოდა გადაცემას Edith Head`s Fashion Notes, ხშირად ჩნდებოდა ტელევიზიით, აკეთებდა ესკიზებს მოდური ჟურნალებისთვის და ავტორია ორი წიგნისა, რომლიდანაც ერთი The Dress Doctor /1959/ ბესტსელერად იქცა.



ჰედი საკმაოდ დახურული ადამიანი იყო, მის პიროვნულობას კარგად ახასიათებდა შავი სათვალე, რომელიც მის საფირმო ნიშნად იქცა. სინამდვილეში ლინზები მუქი ცისფერი იყო და იმიტომ იყენებდა, რომ მიმხვდარიყო როგორ გამოიყურებოდა ფერადი ტანსაცმელი შავ-თეთრ ეკრანზე. თავის თავზე კი ამბობდა, რომ ის არ იყო შემოქმედებითი გენია და დიპლომატიაში უფრო ძლიერი იყო, ვიდრე ესკიზებში. ამ ფრაზით ბევრის გაგება შეგვიძლია ქალბატონზე, რომელმაც ჰოლივუდი მოახვედრა მოდის სამყაროს რუკაზე და რომელიც შურითა და ინტრიგებით სავსე კინოინდუსტრიის სამყაროში, ახერხებდა ყველასთან ჰარმონიული ურთიერთობის შენარჩუნებას.



ედიტი 44 წლის მანძილზე, დღე-ღამეში 16 საათი აქტიურად მუშაობდა და წელიწადში 50 ფილმისთვის ქმნიდა კოსტიუმებს Paramount Pictures-ში. 1967 წელს, 70 წლის ასაკში, გააფორმა კონტრაქტი სტუდია Universal-თან, სადაც იმუშავა სიცოცხლის ბოლომდე. ედიტ ჰედი 1981 წლის 24 ოქტომბერს ძილში გარდაიცვალა. ეკრანზე ბრწყინვალე ქალებისა და ელეგანტური მამაკაცების დიდებული ეპოქა თითქოს დასრულდა მის შემქმნელთან ერთად.


ტექსტი: ივანე ქეშიკაშვილი
ტოპ 5 სერიალი, რომელიც ერთ სეზონში დასრულდება!
გთავაზობთ ტოპ 5 ყველაზე რეიტინგულ სერიალს, რომლის დამთავრებამდეც ერთი სეზონი დარჩა. სექტემბრიდან სხვადასხვა სერიალის ახალი სეზონები გამოვა, რომლების პრემიერაც 2019 წლის ზაფხულამდე გასტანს. ამ სერიალის მაყურებლები და გულშემატკივრები სულმეუთმენლად ელოდებიან ახალ საფინალო სეზონს და იმედოვნებენ, რომ სერიალის შემქმნელები მალე მათ ახალ სატელევიზიო შოუებს შესთავაზებენ.

The Affair - სერიალი დასრულდება მე-5 სეზონის დასრულების შემდეგ 2019 წელს.



The Big Bang Theory - 
სერიალი დასრულდება მე-12 სეზონის პრემიერის შემდეგ 2019 წელს.



Game Of Thrones - 
სერიალი დასრულდება მე-8 სეზონის შემდეგ 2019 წელს



Homeland -  
სერიალი დასრულდება მე-8 სეზონის შემდეგ 2019 წელს



House of Cards - 
სერიალი დასრულდება მე-6 სეზონის პრემიერის შემდეგ 2018 წელს.

ემა სთოუნის საუკეთესო კინო როლები

 

გთავაზობთ მსახიობის კარიერის მანძილზე ყველაზე დასამახსოვრებელ ეპიზოდებს:


1. „ზომბილენდი“ , 2009 წ.



პირველად სთოუნი ამ უჩვეულოდ სასაცილო კომედიაში გამოჩნდა, სადაც ჯესი აიზენბერგთან, ვუდი ჰარელსონთან და ბილ მიურთან ერთად ითამაშა.



2. „მსუბუქი ყოფაქცევის ფრიადოსანი“ , 2010 წ.



ემამ ამ თინეიჯერულ კომედიაში მთავარი როლი შესანიშნავად შეასრულა. ფილმი ნამდვილი ფილმი გახდა. ამ როლმა „ოქროს გლობუსზე“ „საუკეთესო კომედიური მსახიობის“ ნომინაცია მოუტანა.



3. „ეს სულელური, უაზრო, სიყვარული“ , 2011 წ.



რაიან გოსლინგისა და ემა სთოუნის რომანტიკული ტანდემი იმდენად მხურვალე აღმოჩნდა, რომ მათი ეკრანული რომანები ტრადიციად იქცა და მათმა მეორე გაერთიანებამ წლევანდელ ზამთარს, ნამდვილი ფურორი მოახდინა.



4. „მოსამსახურე ქალი“ , 2011 წ.



სთოუნისთვის პირველი დრამატული როლი, რომანის „მოსამსახურე ქალი“ ძალიან წარმატებულ ეკრანიზაციაში თამაში გახდა, სადაც ემას გმირი, სამხრეთ ამერიკელი, თეთრკანიანი გოგონაა, რომელიც შავკანიან მოსამსახურეებზე წიგნის დაწერას გადაწყვეტს.



5. „ბერდმენი“ , 2014 წ.



ამჯერად ემა სთოუნს, ალეჰანდრო გონსალეს ინიარიტუს ფილმში, „ბერდმენი“ მოუწია თამაში. ფილმმა უამრავი ჯილდო მიიღო, ემა სთოუნს კი ამ როლისთვის განსაკუთრებულად მოიხსენიებდნენ.



6. „ირაციონალური ადამიანი“ , 2015 წ.



„ოსკარის“ ნომინაციაზე არანაკლები ჯილდო, სთოუნისთვის ვუდი ალენის მორიგ მუზად ყოფნა გახდა. ცნობილი რეჟისორის ამ სასიამოვნო ტრაგიკომედიაში, ემა მსახიობ ხოაკინ ფენიქსთან ერთად თამაშობს.



7. „ლა ლა ლენდი“ , 2016 წ.



ემა სთოუნის საუკეთესო ნამუშევარი სწორედ „ლა ლა ლენდში“ განსახიერებული როლი გახდა. მიუზიკლი, სასიყვარულო დრამა, რომელიც ჯაზ პიანისტისა (რაიან გოსლინგი) და დამწყები მსახიობის (ემა სთოუნი) ოცნებებსა და სიყვარულზე გვიამბობს. 26 თებერვალს, „ოსკარის“ დაჯილდოვებაზე კი ფილმი კინოაკადებიის რეკორდის მოხსნის მოლოდინშია. 

კირა ნაიტლის 10 საუკეთესო კინოროლი!

26 მარტს, ჰოლივუდის ვარსკვლავს - კირა ნაითლის 33 წელი შეუსრულდა. მან, თავისი ცხოვრების დიდი ნაწილი კინოს მიუძღვნა. დღეს კი ერთ-ერთი ყველაზე მოთხოვნადი მსახიობია ჰოლივუდში. 
წარმოგიდგენთ კირა ნაითლის ყველაზე გამორჩეულ და დასამახსოვრებელ კინო როლებს.

ალისია ვიკანდერი - ოსკაროსანი შვედეთიდან

ალისია ვიკანდერი შვედური წარმოშობის მსახიობია, სკანდინავიური და ჰოლივუდური კინოს ამომავალი ვარსკვლავი, რომლის დებიუტი დაიწყო დრამით - "ჩემი ბალზამირებული დედა". 2015 წლიდან, ტომ ჰულერის ფილმის, "გოგონა დანიიდან" პრემიერის შემდეგ, რომელმაც მას მეორეხარისხოვანი როლისთვის "ოსკარი" მოუტანა, მსახიობის პოპულარობა ერთიორჯერ გაიზარდა - უამრავ საინტერესო როლზე მიიღო შემოთავაზება.

ალისია დაიბადა 1988 წლის 3 ოქტომბერს, გოტებურგში, მრავალშვილიან ოჯახში. დედა, მარია ფალ-ვიკანდერი გოტებურგის თეატრის წამყვანი მსახიობია, მამა სვანტე ვიკანდერი კი - ფსიქიატრი. მარია მისი მეორე მეუღლე გახლდათ, პირველისგან ხუთი შვილი ჰყავს. სამწუხაროდ, სვანტე მეორე ცოლსაც გაშორდა, სწორედ მაშინ, როცა ალისია ხუთი თვისაც არ იყო.



შვედი ლამაზმანის აზრით, მას შესანიშნავი ბავშვობა ჰქონდა. დედის მხრიდან იგი ერთადერთი შვილი იყო, ამიტომ დედა ქალიშვილს უარს არაფერზე ეუბნებოდა. არც მამა აკლებდა ყურადღებას და როცა მის მრავალშვილიან ოჯახში სტუმრად ჩადიოდა, დიდი სიხარულით ხვდებოდნენ.

დედამ ადრეულ ასაკშივე შეაფასა ქალიშვილის მონაცემები - იგი არტისტული ნიჭით გამოირჩეოდა, ამიტომ ალისია შვედეთის სამეფო საბალეტო სკოლაში მოაწყო. გოგონა გულმოდგინედ სწავლობდა ბალეტს, მაგრამ რამდენიმე ტრავმის შემდეგ იძულებული გახდა, მიეტოვებინა. ამის მერე ჩააბარა სამართლის სკოლაში იურისპრუდენციის შესასწავლად, მაგრამ გული ვერ დაუდო, ამიტომ მალევე გადაწყვიტა, თავის ოცნებას გაჰყოლოდა და მსახიობი გამხდარიყო. თავიდან შვედურ მოკლემეტრაჟიან ფილმებში თამაშობდა, შემდეგ ითამაშა ერთ-ერთ შვედურ სერიალში, "დეკემბრის ოცნება", რომლის წყალობითაც, სკანდინავიაში ცნობილი გახდა. მაშინ ალისია 13 წლის იყო.
საბალეტო სკოლამ უდიდესი გავლენა მოხდინა გოგონაზე - მისი ბუნება გამოაწრთო.



2007 წელს ალისიამ ზედიზედ სამ მოკლემეტრაჟიან ფილმში ითამაშა: "სიბნელის ჭეშმარიტება", "წვიმა" და "ევა ჰიიოკი". ამ სურათებმა ამომავალ ვარსკვლავს ფართომასშტაბიანი პოპულარობა ვერ მოუტანა და შვედეთის ფარგლებს ვერ გასცდა, თუმცა მის კარიერაზე მაინც მნიშვნელოვნად იმოქმედა.

სამი წლის შემდეგ, ძველ მეგობართან შეხვედრის შემდეგ, რომელიც დამწყები რეჟისორი გახლდათ, დრამაში - "სისუფთავე" მთავარი როლი მიიღო. როლმა პირველი სერიოზული წარმატება მოუტანა - ჯილდო "ოქროს ხოჭო" - შვედური კინემატოგრაფის ყველაზე პრესტიჟული პრემია ნომინაციაში "წლის საუკეთესო მსახიობი".



2012 წელს ერთ-ერთ ევროპელ ამომავალ ვარსკვლავად დაასახელეს. ყურადღება მიიპყრო კირა ნაითლისა და ჯად ლოსთან ერთად "ანა კარენინაში" თამაშითაც, სადაც თავისი მსახიობური მონაცემები კიდევ ერთხელ გამოავლინა. სწორედ მაშინ მიიქცია ბრიტანული აკადემიის ყურადღება, როგორც მრავლისმეტყველმა ახალგაზრდა მსახიობმა და იგი სამუშაოდ ლონდონში გადავიდა. იმავე წელს ორ ფილმში ითამაშა - "სამეფო რომანი" და "სამეფო ძვირფასეულობა", რომლებშიც დედოფალ კეროლაინ მატილდეს როლი შეასრულა. ამ როლისთვის ალისიამ დანიური ენა შეისწავლა და ბერლინის კინოფესტივალის პრიზი დაიმსახურა.



2013 წელს ითამაშა ფილმში, "მეხუთე ძალაუფლება", სადაც მთავარი როლი ბენედიქტ კამბერბეჩთან ერთად შეასრულა. მოგვიანებით კიდევ ერთ შვედურ ფილმში, "ოტელი" გამოჩნდა.

2014 წელს ივენ მაკგრეგორთან ერთად მოუწია თამაშმა, ხოლო 2015 წელს ზედიზედ 6 ფილმში გადაიღეს. მისმა თამაშმა დიდი მოწონება დაიმსახურა. ითამაშა ასევე ჯეფ ბრიჯესა და ჯულიანა მურთან ერთად ფილმში, შევენტჰ შონ. დასამახსოვრებელი იყო X Machine, რომელმაც წარმატება მოუტანა და "ოქროს გლობუსის" ნომინაცია დაიმსახურა. შემდეგ ითამაშა გაი რიჩის, The Man From U.N.C.L.E.-ში, ეს გახლდათ 1964 წლის სერიალზე დაფუძნებული ფილმი.



2015 წელს ასევე მონაწილეობდა ფილმში,  Burnt -  ბრედლი კუპერთან ერთად. სცენარი მისთვის დაიწერა, ვინაიდან ფილმის პროდიუსერს ძალიან მოსწონდა ალისია ვიკანდერი.

ნახეთ სრულად ჟურნალი "ბომონდის" ივნისის ნომერში.

10 ფილმი, რომლითაც დეპრესიას თავს დააღწევთ

თუ შავი მელანქოლიით ხარ შეპყრობილი და გრძნობ, რომ დეპრესია გიახლოვდება – კეთილი და სასაცილო ფილმები ვერ დაგეხმარებათ.

ცნობილი ვარსკვლავების ლეგენდარული „ლუქები“ ჩვენი საყვარელი ფილმებიდან
ფილმის ყურებებისას ყურადღება ხშირად არა მარტო შინაარსზე, არამედ პერსონაჟიების სტილისა და ხასიათის სწორად შეთავსებაზეც მახვილდება.
ტოპ 7 ფილმი რომელიც სექტემბერში უნდა ნახო!
სამწუხაროა, რომ ზაფხული ასე მალე დასრულდა, მაგრამ მოსაწყენად ნამდვილად არ ღირს, ვინაიდან შემოდგომაზე უამრავი ფილმის ცხელი პრემიერა გველოდება კინოთეატრებში, თუმცა სანამ ეკრანებზე ახალ სხვადასხვა ნომინაციებზე ორიენტირებულ ფილმების სანახავად გავეშურებით, „ბომონდმა“ უქმეებზე სანახავ ტოპ 7 ფილმს მოუყარა თავი, შედეგად კი კარგი განწყობა გარანტირებულია.
7 ცნობილი ფილმი, სადაც მსახიობებს რეალურად ჰქონდათ სექსი
მსახიობობა მოითხოვს, იყო მზად ნებისმიერი ტიპის სიგიჟისთვის.
მოგზაურობა კვენტინ ტარანტინოსთან ერთად ერთხელ, ნამდვილ ჰოლივუდში
მდიდ­რუ­ლი ცხოვ­რე­ბა, სა­ხე­ლი, დი­დე­ბა, უამ­რა­ვი თაყ­ვა­ნის­მცე­მე­ლი, ლა­მა­ზი და ყოვ­ლის­შემ­ძლე ადა­მი­ა­ნე­ბი, დი­დე­ბუ­ლი წვე­უ­ლე­ბე­ბი, გარ­თო­ბა და სა­ოც­ნე­ბო სახ­ლე­ბი - ასე გა­მო­ი­ყუ­რე­ბა ჰო­ლი­ვუ­დუ­რი ცხოვ­რე­ბა ერთი შე­ხედ­ვით... თუმ­ცა, რა იმა­ლე­ბა მის უკან?
5 ყველაზე ცნობილი ქალი სუპერგმირი
სუპერმენი, ადამიანი ობობა, ბეტმენი და ასე შემდეგ-ყველა ჩვენგანს გვსმენია მათ შესახებ, ყველას უნახავს მათი ფილმები და ანიმაციები, მაგრამ რამდენად კარგად იცნობთ ქალ სუპერგმირებს? დღევანდელ სტატიაში გაგაცნობთ ყველაზე ცნობილ ქალებს, რომლებიც სოპერგმირების კოსტიუმებს ირგებენ.
Top 5 სერიალი რომელიც რეალობას დაგავიწყებთ
წარმოგიდგენთ ტოპ 5 სერიალს, რომელიც რეალობას დაგავიწყებთ და მუდმივად განვითარებადი სცენარით თავს დაგამახსოვრებთ.