ბრენდები, რომლებმაც ნატურალური ბეწვის გამოყენებაზე უარი თქვეს

დიდი ხნის განმავლობაში, ფრაზა „ფუფუნება მსხვერპლს მოითხოვს“ საკმაოდ კარგად აღწერდა მოდის ინდუსტრიას. ეს მეტ-ნაკლებად დღესაც ასეა, თუმცა შეხედულებები მაინც შეიცვალა. ცხოველთა დამცველების არა ერთი აქცია ვიხილეთ მოდის დედაქალაქებში და როგორც ჩანს, მათი მოთხოვნილებები ნელ-ნელა კმაყოფილდება. ვერც კი ვივარაუდებთ იმ რიცხვს, რომელიც გვეტყვის, თუ რამდენი ცხოველი შეიწირა მოდის ბიზნესმა ბეწვის გამო. 2017-18 წლებიდან ბევრმა ბრენდმა გადაწყვიტა ნატურალური ბეწვის ჩანაცვლება ხელოვნურით. თანამედროვე ტექნოლოგიების წყალობით, დღეს თითქმის შეუძლებელია ხელოვნურისა და ნატურალურის გარჩევა ერთმანეთისგან, ამიტომ ვეგანური ბრენდების სია საგრძნობლად იზრდება. დღევანდელ სტატიაში გაეცნობით იმ
წამყვან მოდის სახლებს, რომლებმაც ცხოველთა მოკვლაზე უარი თქვეს.

1. GUCCI

GUCCI-მ ნატურალური ბეწვის გამოყენება 2017 წლის დასასრულს შეწყვიტა. როგორც გუჩის პრეზიდენტმა, მარკო ბიზარმა განაცხადა, ეს მასალა უკვე ძველმოდურია. გუჩის კრეატიული დირექტორი, ალესანდრო მიკელე კი ცხოველთა დამცველების აქციებს ეხმიანება: „მოდა ყოველთვის ტრენდებზე, საზოგადოების ემოციებსა და მოთხოვნილებებზე იყო დაფუძვნებული.“

2. VERSACE

ცნობილმა ბრენდმა ბეწვის გამოყენებაზე უარი ახლახანს განაცხადა. „ბეწვი? მას აღარ ვიყენებ. არ მინდა, რომ ცხოველები მოვკლა მოდის გამო.“-აცხადებს დონატელა ვერსაჩე. მიუხედავად იმისა, რომ ნატურალური ბეწვისგან შექმნილი სამოსი და აქსესუარები ჯერ კიდევ ბრენდის საიტზე დევს და გაყიდვაშია, ვერსაჩეს ახალ კოლექციებში მხოლოდ ხელოვნურ ბეწვს ვნახავთ.

3. CHANEL

წამყვანმა მოდის სახლმა ბეწვის გამოყენება 2018 წელს შეწყვიტა. ამასთან ერთად, ანელი აღარ ქმნის სამოსს ნიანგისა და გველის ტყავით. როგორც ბრენდის განცხადებაში წერია, ნატურალურ ბეწვსა და ტყავზე უარის მიზეზი ეთნიკური სტანდარტებია.
  • წინა
like
0

კომენტარის დამატება

სახელი*
აღწერა*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.