რა უნდა ჩაიცვათ ქორწილში? - საუკეთესო საქორწილო კაბები

ქორწილი და მისი სამზადისი ერთ-ერთი ყველაზე ამაღელვებელი პროცესია ჩვენს ცხოვრებაში.

ეს განსაკუთრებით ქალებს ეხებათ, რადგან სწორედ მათ უწევთ ქორწილის მთავარი დეტალის, კაბის არჩევა. დროთა განმავლობაში დედოფლის ჩაცმულობის სტილთა რაოდენობა საგრძნობლად გაიზარდა- დღეს უკვე შეგიძლიათ ქორწილში თეთრი შარვლით, მოკლე კაბით ან კომბინიზონით მიხვიდეთ. ეს ფაქტი იმაზე მიგვითითებს, რომ ქალბატონებს აღარ გეძლევათ საზღვრები, რომლებშიც უნდა ჩაჯდეთ, არამედ პირიქით, ქორწილის დღეს შეგიძლიათ ნებისმიერი ტიპის სამოსი შეარჩიოთ. დღევანდელ სტატიაში გაჩვენებთ უახლეს საქორწილო სამოსებს, რომლებმაც შესაძლოა შთაგაგონონ საკუთარი ქორწილის სამზადისისთვის.

1. Zuhair Murad

ლებანელი დიზაინერის
საქორწილო კაბებზე მილიონობით გოგონა ოცნებობს მსოფლიოს მასშტაბით. მისი ბოლო, გაზაფხული 2020-ის კოლექცია ესპანეთში გვამოგზაურებს. ესპანური კულტურის ზეგავლენით შექმნილი კოლექცია მოიცავს მასიურ თეთრ კაბებს, გაფორმებული ბუმბულებითა და ორნამენტებით. მურადის ნამუშევრებში ასევე შეხვდებით მოსასხამებს, საკმაოდ თამამ, გამჭირვალე კაბებს, რომლებიც ორნამენტებითაა გაწყობილი.


2. Danielle Frankel

თუ ტრადიციული, გრძელი და ფრიალა თეთრი კაბები თქვენთვის შეუფერებელია, მაშინ გეტყვით, რომ ამ დიზაინერს თქვენთვის საინტერესო სამოსი აქვს გამზადებული. ფრანკელი 2020 წლის კოლექციაში საკმაოდ მასკულინურ პატარძალს გვაცნობს. უხეში ფორმებით გადაწყვეტილი პიჯაკები ძლიერ ქალზე მიგვანიშნებენ, ღრმა დეკოლტიანი სვიტრები კი დედოფალს საკმაოდ უცხო, მაგრამ მიმზიდველ ლუქს უქმნიან. მიუხედავად იმისა, რომ გრძელმკლავიანი კაბების ნაჭრები საკმაოდ რბილი და ნაზია, კაბის დეტალები მაინც მასკულინურ, უხეშ ფორმებშია გადაწყვეტილი.


3. Oscar de la Renta

შეუძლებელია საქორწილო სამზადისსზე ამ სახელის გარეშე ვისაუბროთ. ოსკარ დე ლა რენტას პატარძლები მართლაც რომ ზღაპრულები არიან და მოდის სახლმა არც წელს არ გაგვიცრუა იმედი. კოლექცია მინი კაბით იწყება, რომელიც მხიარული, ახალგარზდული ხასიათისაა. შემდეგ გვხვდება გრძელი, უზარმაზარი ბანტებით გაწყობილი თეთრი კაბები, საკმაოდ ფემინურ ფორმებში გადაწყეტილი ჭრილები და გამჭირვალე ნაჭრები. დე ლა რენტას ყვავილებით გაწყობილი კაბები თავს ნამდვილ დედოფლად გაგრძნობინებთ. აღსანიშნავია, რომ მურადი და რენტა წელს ახალ ტრენდს, ბუმბულებს ამკვიდრებენ.


4. Vera Wang

მოდის ინდუსტრიის ერთ-ერთი ყველაზე საპატიო წარმომადგენელი მომავალ წელს მესამოცე საპატარძლო კოლექციას წარადგენს, ამიტომ წინასწარ იცოდეთ, რომ მას კაბების წარმოუდგენლად დიდი გამოცდილება აქვს. ვენგის პროფესიონალურ ხედვას კარგად აღვიქვამთ მის ახალ კოლექციაში, რომელიც გასაოცარი საქორწილო კაბებისგან შედგება. პირველ რიგში უნდა აღინიშნოს ის, რომ ვერას სურდა, მისი კაბები ყველა მხრიდან სხვანაირი ყოფილიყო, ამიტომ მისი დედოფალი სიურპრიზებითაა სავსე. ასიმეტრიული, მაგრამ წარმოუდგენლად ნაზი, ზღაპრული კაბები მთლიანად ხელითაა შექმნილი და მათზე ასობით საათია დახარჯული. კოლექციაში ვხვდებით უზარმაზარ ყვავილებსა და საკმაოდ განსხვავებულ, საქორწილო კაბებისთვის უჩვეულო ფერებს.


5. Marchesa

წელს ამ ბრენდის საპატარძლო კოლექციის დებიუტი შედგა და უნდა ვთქვა, რომ დიზაინერებმა ყოველგვარ მოლოდინს გადააჭარბეს. მოდის სახლის დედოფალი ძალიან ფემინური, ნაზი და არააქვეყნიურად მშვენიერია. კოლექცია ჰაეროვანი ნაჭრებითა და დეტალებითაა გაფორმებული. გვხვდება თავსაბურავები და მოსასხამებიც. დიზაინერებმა დიდი ყურადღება დაუთმეს კომფორტს, ამიტომაც კაბების ნაწილი აწყობადია- ზოგიერთ მათგანს შეგიძლიათ მკლავები მოხსნათ, ან ქვედაბოლო დაამოკლოთ. ეს კოლექცია არ მოითხოვ მასკულინურ დეტალებს, არამედ პირიქით, ნამუშევრების მთავარი შთაგონება პრინცესები და ზღაპრული ქორწილებია.


ბაკა ალავიძე
like
0

კომენტარის დამატება

სახელი*
აღწერა*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.