„Jacquemus“-მა ჩვენება პირდაპირ ლავანდების მინდორში მოაწყო

სად აღარ მოუწიათ წელს დიზაინერებსა და მოდის რედაქტორებს, ვარსკვლავებთან ერთად ყოფნა, იმისათვის, რომ ენახათ და შეეფასებინათ მსოფლიოს წარმატებული ბრენდების ჩვენებები. მათთან ერთად მოგვიწია ჩვენც გვემოგზაურა მარაქეშში, შანხაიში, პარიზის ულამაზეს ბაღებში, თუმცა „Jacquemus“-მა ყველა ლოკაცია უკან მოიტოვა: სიმონ პორტ ჟაქმუსიმ მოაწყო შოუ პირდაპირ ლავანდების მინდორში, საფრანგეთის აღმოსავლეთით. ამ ფორმით დიზაინერმაგადაწყვიტა ბრენდის ათწლედის აღნიშნვა.

ტრენდი

კოლექცია სახელწოდებით „Coup de soleil“, პირდაპირ ფრანგულიდან ითარგმნება, როგორც „მზის დარტყმა“, დავეთანხმებით სიმონს, თუმცა ეს ჩვენება მზის დარტყმის ნაცვლად პირდაპირ გულში დარტყმის ტოლფასი იყო.



ჟაქმუსი ამტკიცებს, რომ
მისი სიძლიერე არამარტო მიკროჩანთებშია, არამედ უზარმაზარ ჩალის ქუდებშიც: კოსტუმები შარვალი-ბერმუდის ორეულით, ფართე ტოტებით, ვარდისფერი პიჯაკით, გამჭვირვალე ტოპები და მრვალიარუსიანი ქვედაბოლოები იმდენად ორგანულად გამოიყურებოდა, რომ ვისაც არ უყვარს შეუყვარდა, ხოლო ვისაც უყვარდა უფრო გაუმძაფრდა „Jacquemus“-სადმი სიყვარული.

დეტალი





გამჭვირვალე სათვალეები, ჩალის პანამები თასმებით, შემკული „Swarovski“-ს კრისტალებით, მასიური მონოსაყურეები და დენიმები სიმინდის სტილში.

მოსაწვევი





მზის დარტყმა და დამწვრობა სტუმრებმა პირდაპირი მნიშვნელობით არ მიიღეს, თუმცა შეიძლება პირდაპირადაც, იმის გათვალისწინებით რომ ტემპერატურა მინდორში 40 გრადუსზე ნაკლები ნამდვილად არ იყო. სიმონ პორტმა იზრუნა ყველა სტუმარზე და ჩვეულებრივი მოსაწვევის ნაცვლად მათ გაუგზავნა მზისგან დამცავი საცხი ქილაში „SPF 50“.


ლიდია ამარიანი
like
0

კომენტარის დამატება

სახელი*
აღწერა*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.