დემნა გვასალიას ახალი ერა: „მისთვის მოდა სარკეა, დემნა ასახავს, იმას რაც ჩვენს გარშემო ყოველდღიურად ხდება“

2015 წელს ვეტმანის 2016 წლის შემოდგომა/ზამთრის სენსაციური ჩვენების შემდეგ ბრენდის კრეატიული დირექტორი, წარმოშობით ქართველი დიზაინერი, დემნა გვასალია გაცილებით დიდი გამოწვევის წინაშე დგება და 2015 წლის ოქტომბერში ლეგენდარული ფრანგული მოდის სახლის Balenciaga-ს სადავეებს იღებს ხელში.


მოლოდინი საკმაოდ დიდია, ალექსადერ ვენგის შემდეგ დემნა გვასალიამ ბრენდში საკუთარი ხმამაღალი სიტყვა უნდა თქვას. პირველმა 2016 წლის შემოდგომა/ზამთრის Ready To Wear კოლექციამ საკმაოდ დიდი აღიარება და მოწონება დაიმსახურა.

პარალელურად მუშაობს საკუთარ საავტორო ბრენდში, ქმნის მასშტაბურ, ჰიტად ქცეულ კოლექციებს, რომლებსაც ვარსკვლავები როგორც წითელ ხალიჩაზე ისე ყოველდღიურად აქტიურად
იცვამენ.

4 წლის გასვლის შემდეგაც კი ბალენსიაგას ჩვენების მიმართ ინტერესი და ყურადღება არასდროს წყდება. გამომდინარე იქიდან, რომ არც ერთი კოლექცია არ ჰგავს სხვა დანარჩენს, თითოეული მათგანი მდიდარი, ღრმა შინაარსისა და იდეის მატარებელია, ეხმიანება თანამედროვე ჩვენს გარშემო არსებულ რეალობას, ამას ემატება განსაკუთრებული, გამორჩეული ლოკაციაც, ამიტომ ყოველთვის ისმის კითხვა რა იქნება შემდეგი?

დემნა გვასალიას შემოქმედების ხელწერა საკმაოდ განსხვავებულია, შეუძლებელია პროგნოზირება თუ სად, რა გარემოში, რა სტილისა და ხასიათის კოლექციას უნდა ველოდოთ. 


დეა კოლოტაურის
ბლოგი

2020 წლის გაზაფხული/ზაფხულის კოლექციის ჩვენება პარიზის მოდის კვირეულის დასკვნით დღეს 29 სექტებერს დაიგეგმა, პარალელურად რამდენიმე კვირით ადრე ინტერნეტსივცრე საკმაოდ უცნაურმა და მოულოდნელმა სიახლემ მოიცვა - დემნა გვასალიამ საკუთარი ბრენდი ვეტმანი დატოვა, მიზეზად კი საკუთარი მისიის შესრულება დაასახელა.

ბალენსიაგას ჩვენების მიმართ მოლოდინი გაორმაგდა. ლოკაცია საკმაოდ უცნაურია, ლურჯ ფერში გადაწყვეტილი ინტერიერი და მოწვეული სტუმრების განლაგება ჰიპნოზის იმიტაციასაც ქმნიდა. წარმოდგენილი 91 ლუქიდან 42 მამაკაცის ტანისსამოსი იყო. დემნა გვასალია ერთადერთი დიზაინერია, რომელმაც ბრენდისთვის მამაკაცის ხაზი შექმნა, ამ ნაბიჯმა მოდის სახლის ფინანსურ მდგომარეობაზე საკმაოდ პოზიტიური გავლენა იქონია, ამიტომ აშკარაა რომ დღევანდელი კოლექციის უდიდესი ნაწილი სწორედ კომერციული მიზნით დაეთმო მამაკაცების ტანისსამოსს. მიუხედავად იმისა, რომ თითოეული ჩვენება მუდმივი სიახლითა და ეპატაჟური ცვლილებებითაა დატვრთული, დიზაინერი არ ღალატობს საკუთარი შემოქმედების ძირითად დეტალებს, რომლებიცაა: კაბებისა და ქურთუკებისათვის დამახასიათებელი,ძველებური ტანისსამოსის მსგავსი მხრები, დიდი ზომის სამოსი. დემნა გვასალია ყოველთვის აძლვს შანსს ქართველ მოდელებს, გამონაკლისი არც ეს შემთხვევა ყოფილა.

ჩვენებაზე მოხვდნენ: ვახო კედელაძე და ანი გავა. კულმინაცია საკმაოდ მოულოდნელი გამოვიდა, ჩვენება მომენტის იტ გოგომ და ტოპ მოდელმა ბელა ჰადიდმა დახურა.შეიძლება ითქვას, რომ ნებისმიერი ტოპ მოდელისთვის ბალენსიაგას ჩვენებაზე მოხვედრა ნამდვილიი ოცნებაა, მის პოდიუმზე ვერ ვნახავთ სხვა ბრენდებისათვის მოთხოვნად მოდელებს, მაგრამ ბელა გამონაკლისი აღმოჩნდა და შინდისფერი ბარხატის კაბით ფურორი მოახდინა კოლექციის ჩვენების ბოლოს.

საბოლოოოდ თამამად შეგვიძლია ვთქვათ, რომ დემნა გვასალიამ გააერთიანა ვეტმანისა და ბალენსიაგას საუკეთესო ელემენტები და შექმნა ის, რაც სჭირდება თანამედროვე მოდის სამყაროს: მრავალფეროვნება. მისთვის მოდა სარკეა, იმის ასახვა რაც ჩვენს გარშემო ყოველდღიურად ხდება, ამიტომ დემნა გვასალია მომენტის დიზაინერია, დიზაინერი რომელიც ქმნის ჩვენთვის ახლობელსა და ნაცნობს, იმას რაც გვაერთიანებს მთელს სამყაროს.

  • წინა
like
1

კომენტარის დამატება

სახელი*
აღწერა*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.