VETEMENTS-ის ახალი მიმართულება: ბრენდი ახალგაზრდების მხარდასაჭერი პლატფორმის შექმნას გეგმავს

16 სექტემბერს დემნა გვასალიას ვეტმანიდან წასვლის შემდეგ ბრენდის შესახებ მასშტაბური სიახლე აღარ გავრცელებულა.

თუმცა ცოტახნის წინ ბრენდის დამფუძნებელმა გურამ გვასალიამ ნიუ-იორკში გამართულ WWD Appareal& Retail CEO სამიტზე ახალ იდეასა და გეგმებზე ისაუბრა. როგორც ცნობილი გახდა 2020 წელს ბრენდი ახალგაზრდების მხარდასაჭერი პლატფორმის შექმნას აპირებს.

გეგმა მოიცავს მსოფლიოს გარშემო მოგზაურობას და სტუდენტებთან საუბარს მოდის ინდუსტრიისა და აქტუალურ ტენდენციებზე.

გურამმა ასევე ისაუბრა, თუ რამდენად მნიშვნელოვანი და წარმატების მომტანია კოლექტიური მუშაობა.

„უმეტესად ერთი ადამიანი არასდროს ქმნის დიზაინს ბრენდისთვის. დიდ ბრენდეში ერთ დიზაინერს დაახლოებით 60
დიზაინერი ჰყავს“.

„გჭირდება დიზაინერები, დეველოპერები - ეს საქმეა, რომელსაც რეალურად არავინ ასწავლის, მაგრამ ძალიან მნიშვნელოვანია. ძალიან ბევრი რამ ერთად ქმნის ბრენდს. კომპანიის მუშაობისათვის ჩვენ საქმეში უნდა ჩავრთოთ ნიჭიერი ადამიანები და ჩვენ ვაძლევთ მათ შესაძლებლობას, რომ შექმნან რაიმე ისეთი, რაც აქამდე ჯერ არ შექმნილა- რაღაც რაც არის თანამედროვე, ახალი და ძალიან კარგი.“

თუ ყველაფერი გეგმის მიხედვით წავა, გურამ გვასალიას მიერ გაჟღერებული იდეა 2020 წელს განხორციელდება. ვეტმანი ახალგაზრდა ტალანტების „მფლობელი“ არ იქნება, ბრენდი მათთვის ისე იქნება, როგორც „უფროსი ძმა“, რომელიც მიხედავს და დაიცავს ახალგაზრდა ტალანტს.

ამასთან ერთად ვეტმანი, როგორც კომპანია სხვადასხვა მიმართულებითაც აპირებს გაზრდას. ბრენდი აპრებს განაცალკევოს ფეხსაცმლისა და სათვალის ბიზნესი, რომლებსაც საკუთარი სადისტრიბუციო არხები ექნებათ.

„ასე, რომ იღებ შენს კომპნიას და ქმნი პატარა კომპანიებს მის გარშემო“ - გურამ გვასალია.

დეა კოლოტაური
like
0

კომენტარის დამატება
×
სახელი*
კომენტარი*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.