ეშლი გრეჰემი პლიუს ზომის ქალბატონებისთვის საქორწილო კოლექციას უშვებს

როდესაც საუბარი პლიუს ზომის ქალბატონების კაბებს ეხება, სამწუხაროდ მრავალ პრობლემას ვაწყდებით წინ.Zapatillas hombre

 

 

საქმე იმაშია, რომ მოდის სამყაროში სამოსის ზომები საკმაოდ მცირე რიცხვებით შემოიფარგლება, ამიტომ პლიუს ზომის გოგონებს დიდი არჩევანი არ აქვთ, განსაკუთრებით მაშინ, როდესაც ისინი საქორწილო კაბებს არჩევენ.


ამ პრობლემას გადააწყდა ცნობილი მოდელი, ეშლი გრეჰემიც. როგორც იგი ინტერვიუში ამბობს, გაუჭირდა ისეთი კაბის პოვნა, რომელიც ამ მნიშნველოვან დღეს თავს განსაკუთრებულად აგრძნობინებდა. „კაბის საყიდლად ნებრასკაში წავედი, დედასთან და ბებიასთან ერთად და კაბა,

რომელიც მომეწონა, მხოლოდ 10 ზომა იყო, კორსეტით. მისი მთლიანად გადაკეთება დაგვჭირდა იმისთვის, რომ ქორწილის დღეს ჩამეცვა.“-ამხელს პლიუს ზომის მოდელი ინტერვიუში.


სწორედ ეს გამოცდილება გახდა შთამაგონებელი გრეჰემისთვის, საკუთარი საქორწილო კაბების კოლექცია შეექმნა, ამიტომაც მან ითანამშრომლა ბრენდთან, სახელად Pronovias. „ქალბატონებს უნდა ჰქონდეთ საშუალება, რომ ყველაზე თავდაჯერებულად იგრძნონ თავი საკუთარ ქორწილში. ზუსტად ამიტომ არის მნიშვნელოვანი, ბრენდებმა შექმნან კაბები ყველა ზომის გოგონასთვის.“Ashley Graham x Pronovias კოლექციაში შეხვდებით მრავალი სტილის საქორწილო კაბას და რაც ყველაზე მნიშვნელოვანია, მომხმარებლებს ზომაში შეზღუდვა არ ექნებათ.

like
0