Balmain გვკარნახობს, თუ როგორ ავაწყოთ თანამედროვე წარმატებული ქალის გარდერობი

power dressing-ს მთავარი წესები.

ოდესღაც მოდური ჟურნალების რედაქტორები საუბრობდნენ, რომ საქმიანი ქალების ცხოვრებაში თავისუფალი სტილის ორეულები, მასიური კოსტიუმები და შარვლები საპატიო ადგილს დაიკავებდნენ. Balmain-ის კრეატიულმა დირექტორმა კი თავისი კოლექციებით დაამტკიცა, რომ ეს არამარტო გარდერობში, არამედ ყოველდღიურობაშიც მყარად მოახერხებს დამკვიდრებას. მან მოახერხა და Balmain-ის მთელი არმია შექმნა საკუთარ თავში დარწმუნებული, ძლიერი და წარმატებული ქალებისგან, რომლებმაც იციან თუ რა სურთ ცხოვრებაში და რა არის მათი მიზანი.



მკვეთრი დეტალები


ბრენდის მიმდევრებმა იციან, რომ მკვეთრი, ფაქტურული დეტალები - ღილები, ლოგო, სარჭები - მთავარი საკვანძო ნაწილია
Balmain-ის სტილში. ოლივიე რუსტენმა ეს ტრადიცია მიიღო ბრენდის დამფუძნებლისგან პიერ ბალმანისგან, ხოლო ტანსაცმლის სტილი და მისი დეკორირებული ელემენტები ახალი კოლექციიდან, მოდის სახლის საარქივო ესკიზებზე დაყრდნობით შექმნა.



ბევრი სითეთრე


ოლივიე რუსტენი ექსპერიმენტების მომხრეა და შავ-თეთრ გამას ხშირად სრულიად თეთრით ანაცვლებს. ამ სეზონზე მოხარშული თეთრი და მარგალიტისფერი ფერთა გამები იქნება აქტუალური. არ შეუშინდეთ სადღესასწაულო სამოსის შერჩევისას ამ ტრენდის გათვალისწინებას, ამისათვის კი თეთრი ნახევრადჩექმა, შარვალი, ჩანთა, ჩვეულებრივი დენიმებიც კი გამოდგება.

ტყავის ლაბადა

სეზონის ერთ-ერთი ყველაზე მოდური ნივთი ტყავის ლაბადაა 1970-იანი ფილმების გმირების მსგავსად. ეს უნივერსალური ნივთი უხდება ნებისმიერი სიგრძის შარვალს, ქვედაბოლოს და აგრეთვე ტყავის ტანისამოსს, რაც სეზონის მეგამოდურ ტრენდად ითვლება.



მეტი ფერი


"კოლექციის შექმნისას ინსპირაციას ძლიერი, თამამი, ძალაუფლების მქონე ქალებისგან ვიღებ - ამბობს ოლივიე რუსტენი. გარეგნობა ხშირად მატყუარაა - ქალური ფუმფულა ქვედაბოლოები, ტოპები და ნივთები პასტელურ ფერში დღეს თავის როლს აქტიურად თამაშობს ლუქის აწყობისაში", რაშიც ვეთანხმებით ოლივიეს იმის გათვალისწინებით რომ პასტელური ფერები გამარჯვებული გოგონების გარდერობის ნაწილია, თუკი მათ მკევთრ ფერს შეუხამებთ.


კაბა-სმოკინგი

კიდევ ერთი უნივერსალური ნივთი, რომელიც შეგიძლიათ სამსახურშიც და საქმიან შეხვედრაზეც ჩაიცვათ, დაუმატეთ მკვეთრი სამკაული და კონტრასტული ფეხსაცმელი ქუსლზე. ასეთი კაბა უხდება ნებისმიერი აღნაგობის გოგონას და ტანზე გამოყვანილ შარვლებზეც იდეალურად მიდის.

ლიდია ამარიანი
like
0

კომენტარის დამატება
×
სახელი*
კომენტარი*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.