ფიტნესი

5 უცნობი ფაქტი ბექჰემების ყველაზე მორცხვ შვილზე - ვიღაცას ძალიან გაუმართლებს
1 სექტემბერს რომეო ბექჰემს 16 წელი შეუსრულდა. ახლობლებმა კი დღესასწაულის წინასწარ აღნიშვნა გადაწყვიტეს და რომეოს სიურპრიზი მოუწყვეს - იუბილარს რესტორანში ტორტი მიართვეს. მიუხედავად სახელგანთქმული გვარისა და ინსტაგრამზე 1.4 მლნ გამომწერისა, დევიდის შუათანა ვაჟზე ბევრი არაფერია ცნობილი. გაიგეთ მის შესახებ მეტი და ის, თუ რატომ დაიკავებს ძალიან მალე ბრიტანეთის ყველაზე სასურველი სასიძოს სტატუსს?

1. შესაძლოა ჩგბურთის მომავალი ვარსკვლავი

მამის შემდეგ, ბექჰემებს შორის ყველაზე სპორტული რომეოა. ადრეული ასაკიდან ის ჩოგბურთითაა დაკავებული და მწვრთნელები მას დიდ მომავალს უწინასწარმეტყველებენ. დევიდ ბექჰემი შვილის არჩევანის გამო განაწყენებული იყო, რადგან იმედი ჰქონდა, რომ რომეო ფეხბურთს აირჩევდა. ამბობენ, ბიჭს საოცრად სწრაფი რეაქციის უნარი აქვს. ახლა მოზარდი მთელ თავისუფალ დროს ჩოგბურთს უთმობს და ყოველდღე ვარჯიშობს. მისი ყველაზე დიდი ოცნებაა გახდეს უიმბილდონის გამარჯვებული. რომეოს კიდევ ერთი სპორტული გატაცებაა - ბოქსი.

2. მისი ნათლია ელტონ ჯონია

ლეგენდარული კომპოზიტორი და მუსიკოსი სერ ელტონ ჯონი უკვე მრავალი წელია ბექჰემების ოჯახთან მეგობრობს. მისი და დევიდის მეგობრობა კი 25 წელს ითვლის. ყოფილი ფეხბურთელი მუსიკოსს ხუმრობით ბიძია ელტონს ეძახის. ელტონი და მისი პარტნიორი დევიდ ფერნიში რომეოს ნათლიები არიან. ბიჭს დაბადების დღე პირველებმა სწორედ მათ მიულოცეს.

3. ის აღმერთებს თავის დას, ჰარპერს

დასთან ყველაზე მეტ დროს რომეო ატარებს. ეს ოჯახურ ფოტოებსა და ვიდეოებზეც ჩანს. ცოტა ხნის წინ ბექჰემების დასვენების პერიოდში გამოჩნდა ამაღელვებელი ფოტო, რომელზეც რომეო აუზში ჩახტომას დიდი სიმაღლიდან აპირებს, გოგონა კი ცდილობს ძმას ეს „საშიში“ იდეა გადააფიქრებინოს. აშკარაა, რომ რომეო მზრუნველი მამა და ქმარი იქნება, ქალებს ხომ ის განსაკუთრებული ყურადღებითა და სინაზით ეპყრობა.

4. უყვარს კერძების მომზადება

ცნობილ მამას რომეო ბევრ რამეში ჰგავს. მათ შორის კულინარიის მიმართ ინტერესში. ცოტა ხნის წინ მან მოამზადა პიცა, შოკოლადის პასტითა და ბანანით. მოზარდი სოც.ქსელში ხშირად აქვეყნებს მის მომზადებულ კერძებს და ცნობილ მზარეულსა და მამის მეგობარს ირონიით მიმართავს: ეს როგორ მოგწონს, გორდონ რამზი?

5. ის ბრიტანეთის ყველაზე სასურველი სასიძო იქნება

რომეო ვარსკვლავური წყვილის საუკეთესო ასლია. მოდური ჟურნალები მას უკვე მოიხსენიებენ, როგორც ქვეყნის ყველაზე გემოვნებიან მოზარდს. ამას დაუმატეთ კეთილი გული, მოკრძალებულობა, ხასიათი და მიზანსწრაფულობა. ვიღაცას ძალიან გაუმართლებს. ჯერჯერობით მოზარდის გულის საიდუმლოებებზე ცნობილი არაფერია, მაგრამ რომეოს ხშირი ურთიერთობა აქვს და დიდი ხანია მეგობრობს გორდონ რამზის ქალიშვილთან. ორივე ოჯახი არდადეგებს ერთად ხშირად ატარებს. ამიტომ, შესაძლოა ეს მეგობრობა უფრო დიდ გრძნობაში გადაიზარდოს.

ანა ვერძაძე
რა დაემართება სხეულს, თუ 14:00 სთ-ის შემდეგ ნახშირწყლების მიღებას შეწყვეტთ
ბევრმა ჩვენგანმა კარგად იცის, თუ რა არის საჭირო რამდენიმე კილოგრამის დასაკლებად: უარი უნდა ვთქვათ ცომეულზე, ტკბილეულზე, შემწვარზე და უნდა შევიყვაროთ სპორტდარბაზი. თუმცა ადამიანები, რომლებიც მკაცრად იცავენ დიეტებს, სპორტი კი ვერ შეიყვარეს, ჯერ კიდევ გახდომის სურვილი აქვთ, მაგრამ არ იციან ეს როგორ გააკეთონ. ჩვენ გადავწყვიტეთ გავერკვეთ, თუ რა მოუვა ადამიანის სხეულს, რომელიც სრულად არ იტყვის უარს ნახშირწყლებზე, მაგრამ უარს იტყვის იმ ნახშირწყლებზე, რომლებსაც 14:00 სთ-ის შემდეგ იღებს.

1. ადამიანი განთავისუფლდება სისხლში შაქრის შემცველობისგან

ნახშირწყლების მიღება სისხლში შაქრის დონეს ზრდის. ეს ინსულინის გამომუშავებას ასტიმულირებს, რომელიც გლუკოზის დონეს ამცირებს. მცირე დოზით ნახშირწყლებს ინსულინი უმკლავდება, მაგრამ თუ „მძიმე“ სამუშაო მოუხდა, ზედმეტ შაქარს ცხიმად აქცევს, რომელიც ძალიან რთულად გადაიქცევა ენერგიად.



2. გახდება

რაც უფრო ხშირად და მეტ ნახშირწყლებს ვიღებთ, განსაკუთრებით საღამოობით, მით უფრო მეტად ვიმატებთ წონაში.

3. კუჭქვეშა ჯირკვალზე დატვირთვას შეამცირებს

ინსულინის მომატებული დონე ორგანიზმისთვის ძალიან მნიშვნელოვანი, ზრდის ჰორმონის, სომატოტროპინის გამომუშავებას არღვევს.

4. შეამცირებს კუჭ-ნაწლავში ფერმენტაციას, რაც ძილის დროს მიმდინარეობს

ეს შეამცირებს ურგანული მჟავებისა და სპირტის წარმოქმნას, რაც გამაღიზიანებლად მოქმედებს კუჭ-ნაწლავის კედლებზე და ხელს უწყობს ანთებითი პროცესების ჩამოყალიბებას.



5. სხვა ცდუნებებზე მარტივად იტყვის უარს

მსგვასი კვებიდან ერთი თვის შემდეგ გაცილებით მარტივად ამბობენ უარს ტკბილზე და სხვა მავნე ჩვევებზე. 14 სთ-ის შემდეგ ნახშირწყლებზე უარის თქმიდან გამომდინარე, ფსიქოლოგიურად ადამიანს რაციონის გამრავალფეროვნების სურვილი უჩნდება, ამიტომ იწყებს ახალი საინტერესო პროდუქტებისა და რეცეპტების ძიებას.


ანა ვერძაძე
როგორ უნდა ვირბინოთ სწორად?

რა არის სირბილი? სირბილი არის კონტროლირებული ვარდნა, ამიტომ, უმჯობესი იქნება, თუ სარბენად გრუნტიან საფარს, ბალახს ან სხვა რბილ ზედაპირს შეარჩევთ, რადგან სახსრები და მალათაშუა დისკები განიცდიან დარტყმას (სარბენი ბილიკს აქვს ამორტიზაცია, რაც არეგულირებს ვარდნას).

3 მარტივი და საუკეთესო ვარჯიში ცელულიტის მოსაშორებლად

იმისათვის, რომ იდეალური თეძოები და ლამაზი ბარძაყები დაიყენოთ, თქვენ "ფოამ როლერი" და დღეში 10 წთ დაგჭირდებათ. 

"სილამაზის" მოკლე ისტორია
სილამაზის ძიება ყოველთვის დიდ რისკს უკავშირდებოდა. მაკიაჟის ტრადიცია უძველესი დროიდან არსებობდა. ძველი ეგვიპტელები მიხვდნენ, რომ თავის მოვლა და მაკიაჟი აუცილებელი იყო. ისინი სახის მოვლის საშუალებად, არც მეტი, არც ნაკლები, სირაქლემის კვერცხის, ნიანგის ექსკრემენტებისა და ღვიის ფოთლების ნიღაბს იკეთებდნენ. ბოლო 4000 წლის განმავლობაში დიდად არ შეცვლილა ჩინელი ქალების მაკიაჟიც. ისინი დაფქული ბრინჯისა და მარგალიტის ფერ-უმარილით უხვად იფარავდნენ სახეს და მცენარეების ექსტრაქტისგან დამზადებულ ტუჩსაცხს ისვამდნენ.



სხვადასხვა სტილური მიმდინარეობა მაკიაჟმა უკვე გასული საუკუნის დასაწყისში შეიძინა. 1930 წელს „ლაშ რულმა“ მომწამვლელი ნივთიერებები წამწამების საღებავში გამოიყენა, რომელიც დიდხანს ძლებდა და ფერს ინარჩუნებდა. იმდროინდელი ქალები აქტიურად იყენებდნენ ამ კოსმეტიკას, რის შედეგადაც სიბრმავის 16 და სიკვდილის რამდენიმე შემთხვევაც დაფიქსირდა. მხოლოდ ამის შემდეგ აკრძალეს ამ ნაწარმის გაყიდვა. ალბათ, ყველასთვის არ არის ცნობილი, რომ პირველი დეპილატორი კრემი „კარემლუ“ ვირთხების საწამლავის გარკვეულ რაოდენობას შეიცავდა. ეს ფაქტები უფრო ამყარებს ყველასთვის ცნობილ მოსაზრებას, რომ „სილამაზე მსხვერპლს მოითხოვს!“ 1760 წელს ირლანდიელი დიდგვაროვანი მარია განინგი ბევრი პუდრის წასმის გამო სისხლის მოწამვლით გარდაიცვალა. პრესამ მას „კოსმეტიკის მსხვერპლი“ უწოდა.



თანამედროვე ადამიანი ხშირად იცვლის ვარცხნილობას, დღეს ეს უფრო მარტივი და ხელმისაწვდომია. ხანგრძლივი და ეფექტიანი სტილის შექმნა დიდ ძალისხმევას მოითხოვს. სტილსა და თავის მოვლაზე საუბრისას, პირველ რიგში, ალბათ გასული საუკუნის ვარსკვლავები, ერთი ეპოქის სრულიად განსხვავებული ქალები გაგვახსენდება – მერილინ მონრო, გრეის კელი, ოდრი ჰეპბერნი, რომლებმაც თავის მოვლისა და სტილის საკუთარი ნიშა შექმნეს.



როდესაც სრულყოფილ პროპორციებზე ვლაპარაკობთ, ყველას უჩნდება დიეტის, პლასტიკური ქირურგიის ან სპორტული დარბაზის ასოციაცია. ფიზიკური სრულყოფისკენ სწრაფვამ, XIX საუკუნის ბოლოს ტრენაჟორების გამოგონებას, უამრავი სამედიცინო პროცედურის დანერგვას დაუდო სათავე. დღესდღეობით თანამედროვე მედიცინა სხეულის ყველა ნაწილის სრულყოფილ კორექციას უზრუნველყოფს. მიუხედავად ამდენი შესაძლებლობისა, სასიხარულოა, რომ ფიზიკური ვარჯიში კვლავაც ტენდენციურია.




ივანე ქეშიკაშვილი
იდეალური სხეული 30 წლის შემდეგ: დოუტცენ კროსის სილამაზის საიდუმლოებები
რამდენიმე დღის წინ დოუტცენ კროსი 33 წლის გახდა - ის თანამედროვეობის მოდის ინდუსტრიაში ერთ-ერთი ყველაზე ლამაზი სხეულის მფლობელია.
აკვა აერობიკა - როგორ დავხარჯოთ 1000-მდე კალორია 1 საათიანი სასიამოვნო პროცედურით
სილამაზე და ჯანმრთელობა - ეს აკვა აერობიკაა, უკანასკნელი წლების ტრენდული აქტივობა, რომელიც განსაკუთრებით რეკომენდებულია ორსულებისთვის.
რა დაემართება სხეულს, თუ ამ ვარჯიშს ყოველდღე გააკეთებთ?
ბიკინის სეზონისთვის მოსამზადებლად საკმარისია დღეში 5 წუთი გამოყოთ. მხოლოდ ერთი ნიუანსია: ამ ვარჯიშით უნდა დაკავდეთ ყოველდღიურად.
რატომ ირჩევენ მოდელები კრივს და რატომ უნდა მიჰყვეთ მათ მაგალითს
ბოლო დროს, მოდელებს შორის დიდი პოპულარობით სარგებლოს სრულიად არაქალური სპორტის სახეობა - კრივი.
ეს ვარჯიში 51 წლის სინდი კროუფორდს ეხმარება ტონუსში ქონდეს ფეხების, ხელებისა და მუცლის კუნთები
51 წლის სინდი კროუფორდი ბევრ ახალგაზრდა მოდელს შეეჯიბრება უნაკლო აღნაგობითა და მკვრივი სხეულით.
თინა კანდელაკის თამამი ფოტოსესია და მოულოდნელი აღიარება
ბოლო დროს რუსული ტელევიზიის ვარსკვლავი, 42 წლის თინა კანდელაკი სულ უფრო ხშირად აქვეყნებს საცურაო კოსტიუმში გადაღებულ ფოტოებს.
ივარჯიშე, როგორც Victoria's secret-ის ანგელოზები (აერობიკა გიფებით)
ერთ-ერთი ყველაზე ლამაზი შოუ, რომელსაც მთელი მსოფლიო მოუთმენლად ელის, 20 ნოემბერს გაიმართება.