როგორ დავწვათ ცხიმი? რას ვაკეთებთ არასწორად? ფიტნეს-ინსტრუქტორი წონაში კლების პრინციპების შესახებ

ალბათ გაინტერესებთ, თუ სად მიდის ცხიმი გახდომისას?


1 გრ ცხიმი = 9კკალ-ს, ეს არ გულისხმობს, რომ ცხიმი გარდაიქმნება ენერგიად.
რა თქმა უნდა, ცხიმი არ აორთქლდება, ცხიმი იწვება შემდეგი რეაქციის დროს: „სწორი სუნთქვა“ ანუ ჟანგბადი ( O2 ) + ცხიმი (c55h10406) = წყალს და ნახშიროჟანგს, აქედან გამომდინარე, ცხიმის წვის შედეგად მივიღეთ ნახშიროჟანგი და წყალი.


1). წყალი გამოიდევნება ორგანიზმიდან ოფლისა და შარდის სახით.


ხშირად, დარბაზში დამწყები მოვარჯიშე ადამიანები მეკითხებიან, რატომ ვაქცევ დიდ ყურადღებას მათ სუნთქვას. პასუხი მარტივია:


2). ნახშიროჟანგი გამოიდევნება ამოსუნთქვისას.


ადამიანების

უმეტესობას ჰგონია, რომ თუ შემოიკრავენ ცელოფანს და ა.შ ისინი დაწვავენ მეტ ცხიმს. ეს მცდარი შეხედულებაა. ამ შემთხვევაში ოფლი გამოიყოფა დახუთულობისა და უჰაერობის ხარჯძე და არა ცხიმის წვის ხარჯზე.
კიდევ ერთი პრინციპი, 160გრ წყალი + 840გრ ნახშიროჟანგი = 1 კგ დამწვარ ცხიმს. ანუ 1 კგ დამწვარი ცხიმიდან 84% ნახშიროჟანგია, ხოლო 16 % წყალი.


ესე იგი, სწორი სუნთქვა, ფიზიკური აქტივობა, სწორი კვება არის შედეგის გარანტი. ამ შემთხვევაში ვარჯიში და სწორი კვება დაგვეხმარება უჯრედებიდან ცხიმის გამოყოფაში და შემდგომ დაიწყება მისი წვა, სხვა შემთხვევაში, შედეგი ან ძალიან მცირეა, ან საერთოდ არ არის.


რა დროსაც ცხიმი გამოედინება უჯრედებიდან, ის უერთდება სისხლს და იწყებს ორგანიზმში მოძრაობას სისხლთან ერთად. ამ შემთხვევაში, უმჯობესია ფიზიკური აქტივობა და კუნთოვანი სისტემის დატვირთვა, რადგან ამ დროს ძლიერდება სისხლის და ჟანგბადის მიწოდება. წინაამღდეგ შემთხვევაში, ცხიმი დაბრუნდება საწყის ეტაპში, რადგან ცხიმის გამოყოფა არ ნიშნავს უჯრედების შემცირებას, ცხიმი, რომელიც გამიზნულია დასაწვავად უნდა გამოვიდეს ღვიძლის გავლით და ამ დროს დატვირთვას განიცდის ღვიძლი.


თუ ჩვენ ამ ყველაფერს არ დავურთავთ ფიზიკურ აქტიურობას, ამ შემთხვევაში დიდი ზიანი მიადგება ღვიძლს, ამიტომ მე გამუდმებით ვეწინაამღდეგები კონკრეტული სახელწოდებით გავრცელებულ ე. წ. დიეტებს და სხვადასხვა სახის დაუბალანსებელი კვების რაციონებს.

პირველ ეტაპზე ცხიმი დაშლას იწყებს იქ, სადაც უკანასკნელად დაგროვდა და მხოლოდ ამის შემდგომ იწყება იმ ცხიმის დაშლა, სადაც ის დიდი ხნის განმავლობაში გროვდებოდა, ამიტომ ჩემი რჩევა იქნება, რომ კარდიო, აერობიული წრიული, სუპერსეტური (მაღალი პულსაციის ქვეშ შესრულებული დატვირთვების) დრო არ იყოს 50 წთზე მცირე და არ აღემატებოდეს 1 საათს.


ზოგადად, 2 სახის პრობლემა გვხვდება ყველაზე ხშირად. ეს არის გარე (კანქვეშა) ცხიმგროვა და შიდა ცხიმგროვა, რომელიც მოდებულია შიდა ორგანოებზე და ხშირად იწვევს სხვა და სხვა სახის დავადებებს, რადგან ის აწვება შიდა ორგანოებს და ამით დიდი ზიანის მომტანია ჩვენთვის.


შიდა, ანუ (ვისცერული) ცხიმი მჟავების გამოგდებით დიდ ზიანს აყენებს ღვიძლს, იწვევს სისხლში ქოლესტერინის დონის მკვეთრ მატებას, ირღვევა ინსულინის გამომუშვაბის პროცესი, საფრთხის წინაშე დგას გული და არის ღია საშიშროება გულსისხლძარღვთა დაავადებების.


ყველაზე ეფექტურია, თუ ჩვენ დავურთავთ ბალანსირებულ (ჯანსაღ) კვებას და ვარჯიშს ერთმანეთს, რადგან გარე ცხიმ გროვების მოცილებაში დაგვეხმარება ვარჯიში, ხოლო შიდა ცხიმგროვების მოცილებაში სწორი ბალანსირებული დიეტა.

ავტორი: ანტონ ლაშქარაშვილი (ქალთა ფიტნეს-ინსტრუქტორი)

like
1

კომენტარები

madona
qutaishia es fitves klubi?
2016-12-11 19:44
მარი
სწორად როგორ ვისუნთქოთ?პცვირიდან ჩავისუნთქოთ და პირით ამოვისუნთქოთ?
2016-10-07 08:31
ლენა
დიდი მადლობა სწორი რჩევებისთვის, რამდენჯერ მივარჯიშია ცელოფანშემოხვეულ მდგომარეობაში, მაგრამ ეფექტი ნოლი. ახლა კი ამას გავითვალისწინებ აუცილებლად.
2016-08-26 10:22
ანტონ ლაშქარაშვილი
მოგესალმებით, შედეგი ინდივიდუალურია და ორგანიზმიდან გამომდინარეობს, მაგრამ შედეგი უახლოესი 2 კვირის მანძილზე უნდა იქნას შესამჩნევი თუ რათქმაუნდა კონცენტრირებულად და მონდომებულად მოეკიდებით საქმეს .
2016-07-30 14:24
ლანა
განსხვავებული და საინტერესო დარიგებებია და მომეწონა, რადგან მექანიზმია ახსნილი და შესაბამისად უფრო დამარწმუნებელია. გმადლობთ
2016-07-28 15:48

კომენტარის დამატება
×
სახელი*
კომენტარი*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.

მსგავსი სიახლეები