მოემზადეთ Wings for Life World Run-ში მონაწილეობისთვის კეთილი ნების ელჩების რჩევებით

Wings for Life World Run - ამ უნიკალურ გლობალურ რბენაში უკვე მესამე წელია საქართველოც მონაწილეობს. რბენა საქველმოქმედო არის და რეგისტრაციის საფასურიდან შემოსული თანხა მთლიანად ირიცხება ზურგის ტვინის დაზიანების კვლევით ფონდში.

Nike Air Force 1


საქართველოში, ისევე როგორც მთელს მსოფლიოში, რბენას ყავს თავისი ამბასადორები, ანუ კეთილი ნების ელჩები. ესენი არიან საზოგადოებისთვის ცნობილი ადამიანები, სპორტსმენები, ტელეწამყვანები, მომღერლები და მსახიობები: მაია აზარაშვილი, ნიკა გრიგოლია, ელენე კალანდაძე, კოტე ტუღუში, დავით ქაცარავა, მანიკა ასათიანი, მარიამ სანოგო, ბაჩო

კოლელიშვილი და სხვა ყველასათვის კარგად ნაცნობი ადამიანი.

რამდენიმე ამბასადორს ვესაუბრეთ კვებაზე, ვარჯიშსა და, ზოგადად, ჯანსაღ ცხოვრებაზე, რაც ადამიანის გარეგნობაზეც აისახება და შინაგან განწყობაზეც.

ქეთი ხატიაშვილი, მხატვრული ტანმოვარჯიშე და ტელეწამყვანი:

2 დღის წინ გავიკეთე ოპერაცია მოტეხილ კუდუსუნზე და რეაბილიტაციისთვის დრო მჭირდება. თუმცა აუცილებლად ჩავდგები ფორმაში და 8 მაი ვიქნები სრულ მზადყოფნაში. ამას დამპირდა ჩემი ქირურგი. ის თურმე ასევე დარბის მსოფლიო რბენაზე და მისი მიზანია ირბინოს 10 კმ. ასეთი მაგარი ქირურგია ირაკლი ვარძუკაშვილი. 

საერთოდ კი ჩემი ვარჯიში ცეკვაა, რაც დიდ სიამოვნებას მანიჭებს. ამ დროს ვფიქრობ მხოლოდ საუკეთესო შესრულებაზე და თუ ეს გამომდის, ძალიან ბედნიერი და კმაყოფილი ვარ. დარბაზში კვირაში ოთხჯერ დავდივარ და ასევე დავრბივარ ღია ცის ქვეშ. სირბილი ყველაზე ძალიან ბუნებაში მიყვარს, იქ დაღლილობის ნაცვლად, თითქოს პირიქით, ვიმუხტები ენერგიით.
სილამაზის რეცეპტი ესეთი მაქვს: მეტი ღიმილი, სიყვარული და ჯანსაღი ცხოვრების წესი”.


თამარ გელაშვილი, ყველაზე სწრაფი ქართველ ქალ მორბენლებს შორის. შარშან მსოფლიო რბენაზე მეორე ადგილი დაიკავა და წელს რეზულტატის გაუმჯობესებას აპირებს. თამარი არ არის პროფესიონალი მორბენალი და ამიტომ მისი რჩევები ყველასათვის საინტერესო იქნება:

მომზადების პერიოდი ყველაზე სასიამოვნოა. დაისახეთ მიზანი. დაიწყეთ მომზადება შეჯიბრებამდე 10-12 კვირით ადრე. დაიწყეთ მოკლე დისტანციით და ყოველ კვირა გაზარდეთ კილომეტრაჟი. იგრძენით კომფორტი სირბილის დროს. ასევე ძალიან მნიშვნელოვანია სწრაფი აღდგენა და დასვენება. არ მიიყვანოთ ორგანიზმი გადაღლამდე და გამოფიტვამდე. აუცილებლია სწორი კვება, ძილი და მასაჟი.”




ნინუცა მაყაშვილი, რუსთაველის თეატრის მსახიობი:

პირველ რიგში უნდა განთავისუფლდეთ მავნე ჩვევებისგან და შეიძინოთ ახალი, ჯანმრთელობისთვის სასარგებლო ჩვევები. მაგალითად დღეში 3-4 ლიტრი წყლის დალევა აუცილებელია. ძალიან კარგია ფეხით სიარული. შეარჩიეთ ისეთი ვარჯიში, რომელიც თქვენს სხეულს უხდება და პირადად თქვენთვის კომფორტულია. ეს შეიძლება უბრალოდ პარკში სირბილიც იყოს.
ჩემთვის აღმოჩენა გახდა კრივი. კრივის ვარჯიშისას მთელი ორგანიზმი ტონუსშია. სხეულის გარდა გონებაც უკეთ იწყებს მუსაობას. ხდება განტვირთვა ყველანაირი სტრესისგან.
ასევე მნიშვნელოვანია კვება: კარგი იქნება თუ მავნე საკვებზე იტყვით უარს. მე პირადად ძირითადათ ბოსტნეულზე ვარ გადასული და თავს ძალიან მსუბუქათ ვგრძნობ”.




მსოფლიო რბენის ამბასადორების ძირირთადი მიზანია, რომ ბევრ ადამიანს შეატყობინონ ამ საქველმოქმედო რბენის შესახებ, გაუჩინონ სურვილი, რომ 8 მაისს კახეთში ირბინონ მთელს მსოფლიოსთან ერთად. ნამდვილად კარგ მაგალითს გვაჩვენებენ კეთილი ნების ყველაზე მშვნიერი ელჩები. მხოლოდ 8 მაისს არა, კარგი იქნება თუ ყოველდღიურად მივბაძავთ მათ ჯანსაღი ცხოვრების სტილს.

like
2

კომენტარის დამატება
×
სახელი*
კომენტარი*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.

მსგავსი სიახლეები