რომელი პლასტიკური ოპერაციები და პროცედურები დგას ვარსკვლავების მარადიული სილამაზის უკან: ექსპერტები საუბრობენ

ჰოლივუდის ვარსკვლავების უმრავლესობა 40-50 წლის ასაკში 10-20 წლით ახალგაზრდულად გამოიყურებიან.
რაშია ისეთი ლამაზმანების მარადიული სილამაზის საიდუმლო, როგორებიც არიან მელანია ტრამპი, ჯენიფერ ენისტონი, შერონ სტოუნი და ნიკოლ კიდმანი, განმარტავენ ექსპერტები. „პლასტიკური
ქირურგიისა და კოსმეტოლოგიის ინსტიტუტის“ პლასტიკურმა ქირურგებმა ვარსკვლავების ბოლო ფოტოები გააანალიზეს და ვერდიქტი გამოიტანეს.

მელანია ტრამპი, 47 წლის


პლასტიკური ქირურგი: „ მის შემთხვევაში გამაახალგაზრდავებელ პლასტიკურ ოპერაციებზე საუბარი ნაადრევია, რამდენადაც ჯანსაღი კვების საკმაოდ მკაცრმა კონტროლმა, სხეულისა და კანის მოვლამ აშშ-ს პირველ ლედის შესანიშნავი გარეგნობა შეუნარჩუნა. ლედი ტრამპის ახალგაზრდობის ფოტოების დათვალიერებისას მიხვდებით, რომ მას გადიდებული აქვს მკერდი, ასევე გაკეთებული აქვს ცხვირის წვერის მცირე კორექცია“.

ნიკოლ კიდმანი, 50 წლის


პლასტიკური ქირურგი: „დეტალური დათვალიერებისას ცხვირის პლასტიკურ ოპერაციაზე ჭორები არ მართლდება, თუმცა შესრულებულია მკერდის გადიდების ოპერაცია, რაც პირველჯერზე წარუმატებლად დასრულდა, ამიტომ ქირურგს მსახიობისთვის განმეორებითი ოპერაციის ჩატარება დასჭირდა. რა თქმა უნდა, ნიკოლი კოსმეტოლოგების მომსახურებით სარგებლობს: ტუჩის კონტურის საინექციო პლასტიკა, ბოტულოტოქსინი, მეზოთერაპია და კანის გასაუმჯობესებელი ლაზერული თერაპია. ამასთან არსებობს ნიუანსები, რაზეც ყურადღებას ცოტა თუ ამახვილებს, მაგრამ ეს ასაკს ამხელს - კისერი, ხელები, ყურის ბიბილო“.

ჯენიფერ ენისტონი, 48 წლის


„ერთხმად შეიძლება ითქვას რინოპლასტიკა და თანაც არაერთი. ფართო, მაგრამ ამავდროულად მოხდენილი ცხვირი, რომელიც დროთაგანმავლობაში უფრო დაიხვეწა. ცხვირის პლასტიკა ერთ-ერთი ყველაზე გავრცელებული და თანაც რთული ოპერაციაა, სადაც მილიმეტრებსაც დიდი მნიშვნელობა აქვს. ჯენიფერის შემთხვევაში კი ეს ოპერაცია პროფესიონალურად შესრულდა.ბრედ პიტის ყოფილი ცოლი არ უარყოფს, რომ კოსმეტოლოგის მომსახურებით სარგებლობს, რეგულარულად იღებს ინექციას ბოტულოტოქსინის პრეპარატებით და 50 წლის შემდეგ აპირებს პლასტიკურ ქირურგიას მიმართოს“.

შერონ სტოუნი, 59 წლის


„ჰოლივუდის ლეგენდარული ქერა ლამაზმანი, საკუთარი ასაკისთვის შესანიშნავად გამოიყურება. ახალგაზრდობაში შერონმა რინოპლასტიკა გაიკეთა - ეს სახეზე მისი ერთადერთი ოპერაციაა. თუმცა ქუთუთოების ზედმეტი კანი, სახის რბილი კანის ჩამოწელა და გამოფიტვა, სახის ჩონჩხის დათხელება ასაკის მატებასთან ერთად გარდაუვალია, ამიტომ უდავოა, რომ ის პერიოდულად ნაოჭის საწინააღმდეგო ბოტულოტოქსინის ინექციებს იკეთებს შუბლსა და თვალების გარშემო. ასევე მიმართავს კანის მოვლის რეგულარულ პროცედურებს: მეზოთერაპია,ბიორევიტალიზაცია, პილინგი“.


ანა ვერძაძე


ასევე დაგაინტერესებთ:

მელანია ტრამპი - ამერიკელი პლასტიკური ქირურგების ახალი ეტალონი

მონიკა ბელუჩი პლასტიკური ოპერაციებისა და ფოტოშოფის დასაცავად გამოვიდა

ვარსკვლავები, რომელთა კარიერა პლასტიკური ოპერაციის შემდეგ დასრულდა

like
0

კომენტარები

თბილისელი 2018-04-17 20:44
პლასტიკური ჩარევა ვიცი მაშინ,როცა ნაოჭებს იქრობ ისე,რომ სახე არ კარგავს ბუნებრიობას და მელანიას რა აქვს ბუნებრივი? მელასავით დაწვრილებული თვალები,თუ გარმონივით დანაოჭებული სახის კანი?
მეგი 2018-03-22 13:00
პირის დაბანის მეტს არაფერს ვაკეთებ მაგრამ 40 წლის ადამიანები შვილოს მეზახიან 20 წლის გოგოს კანი მაქვს ამ დროს 54წლის ვარ,ზემოთ აღნიშნულ ლამაზ ქალებს 10წლით მეტი შეხედულება აქვთ ვიდრე არიან,ასე რომ თუ ბუნებამ არ გიშველა სხვა ყველაფერი თავის მოტყუებაა.

კომენტარის დამატება

სახელი*
აღწერა*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.