სილამაზის 100 წელი - როგორ იცვლება ქალის ფიგურის "იდეალურობა"

მოდა გამუდმებით იცვლება. ზოგჯერ ძველი სტილი ბრუნდება და ახლიდან გვახსნებს თავს. წლების წინ მიმზიდველ სხეულად მრგვალი ფორმები ითვლებოდა, შემდეგ ის კაცურმა აღნაგობამ შეცვალა. განიერი თეძოები კი გამხდარმა სხეულმა.. მოკლედ, იმისთვის,

რომ გავიგოთ, თუ რატომ და როგორ იცვლებოდა შეხედულებები იდეალურ ქალზე, წარსულში მოგზაურობა მოგვიწევს.


1915 - მებრძოლი გოგონები



კაცები ფრონტზე წავიდნენ, მსოფლიო ყველაზე საშინელი ომის მომსწრე გახდა. ქალებს ბევრი მუშაობა უწევდათ, ამ ყველაფერზე კი საზოგადოების აზრმა და მოდამ რეაგირება მოახდინა. მოდაში მოკლე ვარცხნილობა, მაღალწელიანი, შედარებით თავისუფალი სტილის კაბები შემოვიდა. იმ დროს ფიგურაზე თითქმის არავინ ფიქრობდა. ფორმაში ყოფნა აუცილებელ პირობადაც კი ითვლებოდა, თუმცა ოდნავ მომრგვალებულ ფორმებსაც არ თვლიდნენ ნაკლად. ეს ის დროა, როდესაც ლეგენდარულმა კოკო შანელმა ძალიან ჩვეულებრივი და მოსახერხებელი კაბები ჩააცვა ქალებს, რითაც დიზაინერმა კომფორტის პროპაგანდას შეუწყო ხელი. 

1920 გოგონა - „ემანსიპე“



გამხდარი სხეული, სპორტული აღნაგობა, ფართო მხრები, საშუალო ზომის მკერდი, წვრილი წელი და გრძელი ფეხები - კაცის სილუეტთან გაიგივებული ქალის სხეული ამ პერიოდის ახალი ტრენდია. ყველაზე მოდური ქალბატონები ხშირად იკრავდნენ მკერდს, რომ შემთხვევით ქალური ფორმები არ დატყობოდათ. მეტი ეფექტისთვის გოგონები სახეს ითეთრებდნენ და თვალებს მუქად იხატავდნენ (ზუსტად მაშინ დაიწყო smoky eyes-ს როგორც ტრენდის ჩამოყალიბება). მოდის მიმდევრები ცდილობდნენ ტრაგიკული იმიჯი შეექმნათ და მამაკაცებისთვის მიუღწეველები ყოფილიყვნენ.

1930- „არა მხოლოდ თოჯინა“



ეს არის პერიოდი, როდესაც წითელი პომადა აქტუალური გახდა და მას შემდეგ არც დაუკარგავს პოპულარობა. მკაცრი სტილის შემდეგ, მოდაში მეტი ქალურობა შემოვიდა. თოჯინას იმიჯი: საშუალო ზომის მკერდი, თხელი წელი, მრგვალი თეძო, ღია ფერის ხვეული თმა, ბაფთის ფორმის ტუჩები, ოდნავ გაკვრივებული გამომეტველება-მომენტალურად იპყრობდა კაცების გულს, მთელი 10 წლის მანძილზე. 

1950- მერლინის ეპოქა



დიორის new look იპყრობს მსოფლიო მოდის სტანდარტებს. იდეალური ფორმები, სავსე მკერდი, დაშვებული ქვედა ბოლო, რომელშიც ნებისმიერი ფეხი უფრო ლამაზი და თხელი ჩანს. დიდი ტუჩები, გრძელი წამწამები და მკვეთრი წითელი ტუჩის საცხი - ქალი რომელიც ამ ყველა მოთხოვნას აკმაყოფილებდა დამსახურებულად იყო აღიარებული სილამაზის ეტალონად. 
ამ პერიოდში იდეალური ქალის სტატუსი დღემდე ბევრისთვის საყვარელმა მსახიობმა - მერილინ მონრომ მოიპოვა, რითაც დაამწუხრა ყველა, ვინც ბუნებამ სავსე ფორმებით არ დააჯილდოვა. 

  • წინა
like
0

კომენტარის დამატება

სახელი*
აღწერა*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.