4 რამ, რაც ვარჯიშის შემდეგ არ უნდა გააკეთოთ

ნებისმიერი სახის ვარჯიშის შემდეგ კმაყოფილების განცდა გვეუფლება, თუმცა სიამაყის განცდა ჯერ ადრეა, რადგან არსებობს რისკი იმისა, რომ ნაყოფიერი ვარჯიშის შემდეგ, შესაძლოა, ყველაფერი წყალში ჩაგეყაროთ, თუ თავს იმის უფლებას მისცემთ, რაც ფიზიკური დატვირთვის შემდეგ კატეგორიულად დაუშვებელია.

ვარჯიშის 4 მტერი:

1. ძილი

ფიზიკური დატვირთვის დონის მიუხედავად, ვარჯიშის შემდეგ დაძინება არ შეიძლება. ორგანიზმს, განსაკუთრებით კი გულის რითმს, მოსვენების მდგომარეობაში უფრო ეტაპობრივი გადასვლა სჭირდება - ვარჯიშის შემდეგ მიეცით მას მინიმუმ ორი საათი დრო, ვიდრე დაიძინებთ.


2. ნაკლები სითხე

ვარჯიშის დროს წყლის დალევაზე მწვრთნელების აზრი
ორად იყოფა. მაგრამ ერთი რამ აშკარაა, რომ ფიზიკური დატვირთვის შემდეგ წყლის ბალანსის შევსება აუცილებელია. ვარჯიშის დასრულების შემდეგ მალევე წყლის დალევაზე ბევრი უარს ამბობს, რათა თავიდან აიცილონ შეშუპება. სინამდვილეში კი წყალი იმდენი უნდა დალიოთ, რამდენსაც ორგანიზმი ითხოვს. ეს მნიშვნელოვანია ჯანმრთელობისა და ვარჯიშის შედეგის შესანარჩუნებლად. უპირატესობა მიანიჭეთ სუფთა წყალს, გამორიცხეთ წვენები, გაზიანი ან ენერგეტიკული სასმელები.


3. შიმშილი


სპორტი ბევრ ენერგიას წვავს, რასაც შევსება სჭირდება, მაშინაც კი, თუ თქვენი მიზანია წონაში კლება. ვარჯიშის შემდეგ ხანგრძლივი შიმშილი სასურველ შედეგამდე ვერ მიგიყვანთ, თუმცა არც მაშინვე ჭამაა რეკომენდებული. ვარჯიშის პროცესში ირთვება ცხიმის დაჩქარებულად წვის მექანიზმი, რაც ფიზიკური აქტივობის შემდეგ კიდევ ერთ-ორ საათს გრძელდება. თუ ამ მომენტში ჭამას გადაწყვეტთ, მაშინ ორგანიზმს ენერგიის ალტერნატიულ წყაროს მისცემთ და კალორიების წვას შეაჩერებთ. ოპტიმალური ვარიანტია - მსუბუქად კვება ვარჯიშიდან 1,5-2 საათის შემდეგ. შესანიშნავი იქნება ბოსტნეულის სალათი ან ქათმის ფილე.


4. გაჭიმვების გამორიცხვა

როგორც წესი, ძალოსნური და აერობიკის ვარჯიშები 5-10 წუთიანი დაჭიმვებით სრულდება. ბევრი კი ამას უარყოფს - სულ ტყუილად. გაჭიმვა კუნთების დამატებითი დატვირთვისთვის არ სრულდება, არამედ პირიქით, მათი განტვირთვის, აღდგენისა და ელასტიურობისთვის. ვარჯიშის შემდეგ მალევე მათ დასამშვიდებლად, აუცილებელია მსუბუქად გაიჭიმოთ - ასე უკეთეს შედეგს მიიღებთ.

ანა ვერძაძე
like
0

კომენტარის დამატება

სახელი*
აღწერა*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.