ტუჩის სკრაბი სახლის პირობებში კორტნი კარდაშიანის რეცეპტით

სამი ნატურალური ინგრედიენტი რბილი და დატენიანებული ტუჩებისთვის.
კარდაშიან-ჯენერების კოსმეტიკის ჩანთებში ბევრი საყვარელი ნივთი იმალება, თუმცა სხვა ცნობილების მსგავსად ინსტაგრამის მთავარ გმირებს მოსწონთ საკუთარი ხელით თავის მოვლის საშუალებების დამზადება. უფროსი და - კორტნი კარდაშიანი უპირატესობას სახლში დამზადებულ ტუჩის სკრაბს ანიჭებს, მის მოსამზადებლად კი სამი ინგრედიენტია საჭირო, რომელიც ნებისმიერ ჩვენგანს მოეპოვება სამზარეულოში.



"მიყვარს სახლში ტუჩის სკრაბის დამზადება, განსაკუთრებით მაშინ როცა მიწევს მკვეთრი ან მუქი ტუჩსაცხის წასმა, მისი გამოყენების შემდეგ ტუჩები ნამდვილად უფრო რბილი ხდება" - აღნიშნავს კორტნი.


მის დასამზადებლად დაგჭირდებათ თაფლი, ქოქოსის
ზეთი და ორგანული შაქარი. ყველა ინგრედიენტი ერთნაირი რაოდენობით აურიეთ ერთმანეთში და ნაზად დაიტანეთ ტუჩზე. "მე ყველა საჭირო ინგრედიენტს აბაზანაში ვინახავ, იმისათვის რომ ნებისმიერ დროს სწრაფად დავამზადო სკრაბი" - განმარტავს კარდაშიანი.



ნატურალური კომპონენტებისადმი სიყვარულით გამოირჩევა სარა ჰაფიც, რომელიც ტუჩის მოვლის საშუალებების წარმოებაზეა ორიენტირებული. "ქოქოსი ატენიანებს ტუჩებს, ასევე შეიცავს ომეგა მჟავებს და გააჩნია ანტიბაქტერიალური ეფექტი" - განმარტავს სარა.

"თაფლი სკრაბის შემადგენლობაში მდიდარია ანტიოქსიდანტებით, ის ამშვიდებს დამსკდარ კანს ტუჩებზე და მშვენივრად ატენიანებს მას, მთავარი პლიუსი სახლის სკრაბის, მისი ნატურალური შემადგენლობაა, რომელიც საერთოდ არ არის საზიანო მაშინაც კი თუკი შემთხვევით პირში მოგხვდათ" - ამატებს სარა ჰაფი, თუმცა არსებობს ერთი მნიშვნელოვანი რამ: რამდენადაც შემადგენლობაში შაქრის ნაწილაკებია, ფრთხილად უნდა დაიტანოთ, იმისათვის რომ არ დაზიანდეს ტუჩის ზედაპირი.

ლიდია ამარიანი
like
0

კომენტარის დამატება
×
სახელი*
კომენტარი*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.