გაზრდილი წინამო - ახალი იმიჯი საშემოდგომოდ Prada-ს ჩვენებიდან

ვარცხნილობის ახალი ვარიაცია, რომელიც პოდიუმიდან დამკვიდრდება ყოველდღიურობაში.

Prada-ს გაზაფხული-ზაფხული 2021 კოლექციის ჩვენებას სიახლეების გარეშე რა თქმა უნდა არ ჩაუვლია, შოუს ფორმატი კლასიკურ სტილში მიმდინარეობდა, ჯანდაცვის საერთაშორისო ორგანიზაციის მიერ გაცემული დირექტივების მიხედვით, თუმცა ხალხისთვის მაინც უჩვეულო იყო - არავითარი სტუმრები, ცნობილი სახეები, მხოლოდ მოდელები დეფილეზე, რომელსაც კამერები ტრანსლირებდა პირდაპირ ეთერში. სამაგიეროდ დასასრულს დიზაინერის ხელის დაქნევის ნაცვლად, მცირე ინტერვიუს ნახვა გვხვდა წილად მიუჩა პრადასა და რაფ სიმონსისგან, რომელიც ჩვენებაში და კოლექციის მომზადებაში მეორე კრეატიული დირექტორის სტატუსით იყო მიწვეული.





თუმცა საინტერესო მთელ შოუში
იყო ახალი ვარცხნილობის ტრენდი გაზრდილი წინამოს სახით, რომლის დემონსტრირება მოდელებმა პოდიუმზე მოახდინეს. წინამო სტანდარტულ ზომაზე ბევრად გრძელი იყო და ერთგვარი „ფარდების“ ვიზუალსაც ქმნიდა. ამ სეზონზე ახალი იმიჯის გასამეორებლად დაგჭირდებათ იდეალურად შეჭრილი სწორი წინამო სიმეტრიულად შუაზე გაყოფილ მდგომარეობაში. როგორც ჩანს პრადას ექსპერიმენტები განსაკუთრებით წინამოებზე მოსწონს, ვინაიდან გასული წლის ჩვენებაზეც წინამოების მიკროვარიანტების დემონსტრირება მოახდინეს. ამ გარდასახვაზე პასუხისმგებელი პირი კი გასულ წელსაც და ამჟამადაც როგორც აღმოჩნდა Redken-ის კრეატიული დირექტორი გვიდო პალაუ გახლავთ.

ლიდია ამარიანი
like
0

კომენტარის დამატება
×
სახელი*
კომენტარი*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.

მსგავსი სიახლეები