ჯორჯ მაიკლის უკანასკნელი შობა

ბედის ირონიაა, რომ იგი შობა დღეს, 25 დეკემბერს გარდაიცვალა, მისი ცნობილი სიმღერა Last Christmas  ყველაზე პოპულარული საახალწლო-საშობაო ჰიტია მსოფლიოში.


ბრიტანელი მომღერალი, მეგა ვარსკვლავი, ჯორჯ მაიკლი, 53 წლის ასაკში გარდაიცვალა. მომღერალი ბრიტანეთში, ოქსფორდშირის საგრაფოში, საკუთარ სახლში იპოვეს გარდაცვლილი.
"ღრმა მწუხარებით ვადასტურებთ, რომ ჩვენი საყვარელი შვილი, ძმა და მეგობარი, ჯორჯ მაიკლი, მშვიდად გარდაიცვალა საკუთარ სახლში შობის დღესასწაულზე", - ნათქვამია განცხადებაში, რომელიც პოპვარსკვლავის წარმომადგენელმა იმავე დღეს გაავრცელა. პოლიციამ ინფორმაცია მომღერლის გარდაცვალების შესახებ ოფიციალურად დაადასტურა და განაცხადა, რომ იგი მოულოდნელად, მაგრამ არასაეჭვო ვითარებაში გარდაიცვალა. შესაძლებელია,

სიკვდილის მიზეზი გულის უკმარისობა ყოფილიყო.


იორგიოს კირიაკოს პანაიოტუ - ჯორჯ მაიკლის ნამდვილი სახელი და გვარი ასე ჟღერს. მამა კვიპროსელი ბერძენი ჰყავდა, დედა - ინგლისელი, დაიბადა 1963 წლის 25 ივნისს, ლონდონში. მუსიკალური კარიერა 80-იან წლებში დაიწყო. თავდაპირველად, მუსიკოსი დუეტში wham - კლასელთან, ენდრიუ რიჯლისთან ერთად მღეროდა. სოლო კარიერა ჯგუფის დაშლის შემდეგ, 1986 წელს ააწყო.


მუსიკოსმა ექვსი სოლო ალბომი გამოუშვა. ცნობილია, რომ უკანასკნელ თვეებში დიჯეისთან Naughtly Boy ახალ ალბომზე მუშაობდა.
თავისი კარიერის მანძილზე ჯორჯ მაიკლმა 110 მილიონი ჩანაწერი გაყიდა, მათ შორის 12 ბრიტანული №1 სინგლი, 7 ბრიტანული №1 ალბომი, 10 აშშ №1 სინგლი და 2 აშშ №1 ალბომი. მისი 1987 წლის სადებიუტო ალბომი Fაიტჰ ყველა დროის ერთ-ერთ გაყიდვად დისკად იქცა, რომლის წარმატებაც აშშ-ში გამოცემულმა ხუთმა სინგლმა განაპირობა. ალბომი 20 მილიონი ასლის ოდენობით გაიყიდა.

ჯორჯ მაიკლს სამჯერ აქვს მოპოვებული "გრემის" პრემია და MTV-ის ხუთი ჯილდო.
ჯორჯ მაიკლის ოთხი სოლო ალბომი სხვადასხვა დროს ბრიტანული ჩარტების პირველ ადგილზე იყო. ასევე, ოთხივემ საერთაშორისო აღიარება მოიპოვა.
მისი უკანასკნელი ალბომი შყმპჰონიცა 2014 წელს გამოვიდა, ხოლო სინგლი Fრეედომ 90-იანების საკულტო ჰიტად რჩება.

ჟურნალი ”ბომონდი”

იანვრის ნომერი

like
0

კომენტარის დამატება
×
სახელი*
კომენტარი*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.