50 წლის პამელა ანდერსონის ბედნიერების საიდუმლოებები

90-იანი წლების სექს-სიმბოლო და Playboy-ის საკულტო მოდელი კვლავ ყურადღების ცენტრშია.
ჯერ კიდევ 2 წლის წინ „მალიბუს მაშველების“ ვარსკვლავი და ლეგენდარული მსახიობი დეპრესიაში იყო და არ ჩანდა. 2017 წლის ზაფხულში კი, როგორც იქნა მის ცხოვრებაში ახალი ეტაპი დაიწყო: პამელა ანდერსონმა ფრანგი ფეხბურთელი, ადილა რამი გაიცნო, ვისთან ურთიერთობამაც მისი ცხოვრება თავდაყირა დააყენა.



მიუხედავად 18 წლიანი ასაკობრივი სხვაობისა, ადილი ამტკიცებს, რომ პამელა არამიწიერი ქალია, რომელსაც ასაკი არ აქვს. გარკვეული დროით წყვილი ერთმანეთისგან შორს ცხოვრობდა - პამელა ლოს-ანჯელესში, ადილა კი მარსელში. მაგრამ 2018 წლის
იანვარში მსახიობმა გადაწყვიტა ცხოვრება რადიკალურად შეეცვალადა საცხოვრებლად მარსელში გადავიდა.



ახლა პამელა ორსართულიან სახლში ცხოვრობს 32 წლის ფეხბურთელთან ერთად. დილაობით მარსელის ბაზარში საყიდლებზე დადის, საღამოობით კი საფეხბურთო მატჩებს ესწრება, სადაც მისი საყვარელი მამაკაცი თამაშობს. პამელა წიგნის დაწერას გეგმავს, სახელად: „ქალების გადარჩენა ფემინიზმისგან“. მისი თქმით, სწორედ საყვარელ მამაკაცთან ურთიერთობა დაეხმარა ასაკობრივი ცვლილებებისა და კრიზისის გადატანაში, ასევე გენდერული თანასწორობის პოპულარული თეორიების გატაცებისგან გაქცევაში.



შეგახსენებთ, რომ მსახიობი ფემინიზმის წინააღმდეგია და ფიქრობს, რომ ქალებმა მამაკაცებს უფლება უნდა მისცენ, რომ თავი ლიდერებად იგრძნონ ცხოვრების ყველა სფეროში.

საკუთარ ინტერვიუებში პამელა ამტკიცებდა, რომ ფემინიზმი ოდესღაც ადამიანებს სექსს დაავიწყებს. ასევე, ჰარვი ვაინშტეინის გარშემო ატეხილი სკანდალის დროს, ის ერთ-ერთი იყო იმ მცირერიცხოვან ვარსკვლავებს შორის, რომლებიც ორივე მხარის პასუხისმგებლობაზე საუბრობდნენ - მისი აზრით, მსახიობი, რომელიც პროდიუსერთან ნომერში მიდის და შემდეგ „ოსკარს“ იღებს, საკუთარ ქმედებაზე პასუხი უნდა აგოს.

ანა ვერძაძე
like
0

კომენტარის დამატება

სახელი*
აღწერა*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.