ჯიჯი ჰადიდმა საკუთარ სიგამხდრეზე კრიტიკას უპასუხა

2015 წელს ჯიჯი ჰადიდს ზემდეტი წონისთვის ხშირად მოდის ინდუსტრიისთვის შეუფერებლად მიიჩნევდნენ.

მაშინ მოდელმა კრიტიკას Instagram-ის საშუალებით უპასუხა და განაცხადა, რომ მისი სექსუალურობით ამაყობს და საკუთარი სხეულით კმაყოფილია. 3 წლის მანძილზე
კი ჯიჯიმ წონაში საგრძნობლად დაიკლო, თუმცა ამჟამად მას სიგამხდრის გამო აკრიტიკებენ. პასუხად ჰადიდმა Twitter -ზე ღია წერილი გამოაქვეყნა, სადაც მისი სხეულის მოულოდნელი ცვლილების მიზეზი განმარტა.



„მათთვის, ვინც მადანაშაულებს, რომ წლებთან ერთად ჩემი სხეული შეიცვალა. ჩემი კარიერა 17 წლის ასაკში დაიწყო, როცა ჩემს დიაგნოზზე - აუტოიმუნურ თირეოიდიტზე ანუ ჰაშიმოტოს დაავადებაზე არაფერი ვიცოდი. თქვენ ხომ მაშინ „მოდის ინდუსტრიისთვის ზედმეტად მსუქანს“ მიწოდებდით. შემდეგი რამდენიმე წლის მანძილზე, ექიმის მეთვალყურეობით ქრონიკულ დაღლილობასა და მეტაბოლიზმის პრობლემას ვებრძოდი. მკურნალობის კურსი ჩავიტარე, რომელიც ჯირკვლის ჰორმონების დონეს სწორად აბალანსებს.



სტრესი და ხშირი ფრენა ასევე ჩემს მდგომარეობაზე გავლენას ახდენს. ყოველთვის კვების ერთსა და იმავე სქემას მივმართავდი. შესაძლოა თქვენთვის „ზედმეტად გამხდარი“ ვარ და გამოგიტყდებით, რომ სიგამხდრე ჩემთვის სასურველი სულაც არ არის, მაგრამ თავს ჯანმრთელად ვგრძნობ. ჩემი სხეულისთვის თავის მართლებას აღარ ვაპირებ, როგორც სხვა ნებისმიერი გოგონა, რომელთა სხეულის ფორმები სხვა ადამიანებისთვის სილამაზის სტანდარტებს არ შეესაბამება.


სოციალური ქსელის მომხმარებლებო და ზოგადად ადამიანებო, ისწავლეთ სხვებს სხვა თვალით შეხედოთ და გახსოვდეთ, რომ თქვენ მათ ისტორიას სრულად ალბათ ვერასდროს გაიგებთ. თქვენი ენერგია აღფრთოვანებისთვის გამოიყენეთ, იმისთვის, რაც მოგწონთ, ნაცვლად იმისა, რომ ასეთი სასტიკი იყოთ იმის მიმართ, რაც არ იცით“

ანა ვერძაძე


ასევე დაგაინტერესებთ:

ჯიჯი ჰადიდი იმდენად შეიცვალა, რომ ვერ იცნობთ (ფოტო)

პოდიუმი კლავს: ჯიჯი ჰადიდი Moschino-ს ჩვენებაზე კინაღამ წაიქცა (ვიდეო)

ჯიჯი ჰადიდი "პიკანტურ" საცურაო კოსტიუმში (ფოტო)
like
0

კომენტარის დამატება

სახელი*
აღწერა*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.