საუკეთესო ფილმები სტივენ ჰოკინგზე

მსოფლიოში ცნობილ ინგლისელ ფიზიკოსს, სტივენ ჰოკინგს ხშირად მეცნიერების როკ-ვარსკვლავს უწოდებენ.
მისმა თამამმა იდეებმა შავი ხვრელების ცხოვრებასა და დიდ აფეთქებაზე ნამდვილი ფურორი მოახდინა და მეცნიერებისგან ძალიან შორს მდგარი ადამიანებიც კი კოსმოსით დააინტერესა. 14 მარტს სტივენ ჰოკინგი 77 წლის ასაკში გარდაიცვალა, მაგრამ მისი წვლილის შეფასება რთულია. Vogue.ua-მა სტივენ ჰოკინგზე გადაღებული საუკეთესო ფილმები შემოგვთავაზა, რომლებიც დაგეხმარებათ მეტი გაიგოთ არა მარტო მის სამუშაოზე, არამედ პირად ცხოვრებაზეც:

„ყველაფრის თეორია“, 2014 წ



2014 წელს ტორონტოს კინოფესტივალზე მელოდრამის „ყველაფრის თეორია“ პრემიერა შედგა, რომელიც მეცნიერის ცოლის, ჯეინ ჰოკინგის
მემუარების მიხედვითაა გადაღებული. ისტორია სტუდენტობის წლებიდან და მათი კემბრიჯში გაცნობიდან იწყება. მოგვიანებით მათ ცხოვრებაში ჰოკინგის დაავადება ჩნდება.



- ამიოტროფიული სკლეროზი, რომელიც მას 21 წლის ასაკში დაუდგინდა. ექიმები ამბობდნენ, რომ ის მაქსიმუმ 2-3 წელიწადს იცოცხლებდა, მაგრამ ახლობლების მხარდაჭერით მან ცხოვრება ახლიდან შეიცნო და მეცნიერებაზე მუშაობა განაგრძო.
ფიზიკოსის როლს შესანიშნავად გაართვა თავი ბრიტანელმა მსახიობმა, ედი რედმეინმა, რისთვისაც „ოსკარი“ დაიმსახურა, მისი ცოლის როლი კი ფელისიტი ჯონსს ანდეს.

„ჰოკინგი“, 2005 წ.
თავის დროზე სტივენ ჰოკინგის როლი ბენედიქტ კამბერბეტჩმაც განასახიერა. 



ამ როლს მსახიობმა არანაკლები წარმატებით გაართვა თავი. ეს ფილმი ფიზიკოსის ცხოვრების ადრეულ წლებსა და მის კარიერას ეძღვნება, ასევე მის პროგრესირებად დაავადებასთან ბრძოლას.



„დროის მოკლე ისტორია“, 1991 წ
მეცნიერის ცხოვრებაზე კიდევ უფრო მეტ ინფორმაციას, მასზე გადაღებული დოკუმენტური ფილმები იძლევა.




მათ შორის ერთ-ერთი ყველაზე ცნობილია „დროის მოკლე ისტორია“, რომელიც 1991 წელს რეჟისორმა, ეროლ მორისმა გამოუშვა. მნიშვნელოვანია, რომ რეჟისორი მხოლოდ ფიზიკოსის პროფესიული საქმიანობით არ შემოიფარგლა და დრო მის პირად ცხოვრებასაც დაუთმო.



„ჰოკინგი“, 2013 წ
2013 წელს ჰოკინგმა გადაწყვიტა თავად ესაუბრა საკუთარ ცხოვრებასა და საქმიანობაზე. ამ დოკუმენტურ ფილმში ის გვიზიარებს, თუ როგორ იქცა ბავშვური ოცნებები რეალობად, როგორ შეიტყო საკუთარ დაავადებაზე და ისწავლა მასთან ერთად ცხოვრება, ამასთან მეცნიერების გარეშე საკუთარი თავი ვერ წარმოედგინა. ფილმში შესაძლებელია მისი ოჯახის წევრების აზრის მოსმენაც.



ანა ვერძაძე
like
0

კომენტარის დამატება
×
სახელი*
კომენტარი*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.