საუკეთესო ლუქები და ყველაფერი მეთ გალას შესახებ

მოგეხსენებათ ყოველ წელს მაისის პირველ ორშაბათს, კოსტიუმების ინსტიტუტი ნიუ-იორკის მეტროპოლიტენ მუზეუმში იმართავს მოდის ყველაზე დიდ ივენთს MET GALA.
საღამოზე ცნობილი ვარსკცვლავები, რომლებიც მოღვაწეობენ მოდაში, კინოში, მუსიკასა და ხელოვნების სხვა დარგებში იკრიბებიან ერთად, რათა შეკრიბონ ფული Met-ის კოსტიუმების ინსტიტუტისთვის და იზეიმონ აალი, მასშტაბური გამოფენის გახსნა. ყოველ წელს იცვლება კოსტიუმების თემა იმის მიხედვით თუ რის შესახებ იხსნება ახალი გამოფენა.



წლევანდელი თემა იყო “ზეციური სხეული: მოდა და კათოლიკური წარმოსახვა“. 1995 წლიდან ივენთს სათავეში ჩაუდგა ამერიკული ვოგის მთავარი რედაქტორი ანა ვინტური.




წლევანდელი მასპინძლები და
მოდის ელჩები ცერემონიაზე ანასთან ერთად იყვნენ ვერსაჩეს სახლის კრეატიული დირექტორი დონატელა ვერსაჩე, მომღერალი რიანა და მსახიობი ამალ კლუნი. საღამოზე პერფორმანსი ჰქონდა პოპის დედოფალს მადონას, რომელმაც თავისი ჰიტი Like a Prayer შეასრულა.



გამოფენასთან ერთად მსოფლიო ყოველთვის ელოდება ვარსკვლავების ჩაცმულობას MET GALA-ს წითელ ხალიჩაზე. ალბათ თემიდან გამომდინარე არავის გაუკვირდება თუ ვიტყვით, რომ წითელ ხალიჩაზე ჭარბობდა ბრენდი VERSACE-ს სამოსი. ბრენდის სამოსი ეცვათ სუპერმოდელ ჯიჯი ჰადიდს, კიმ კარდაშიანს, ზენდაიას, კეტი პერის, ირინა შეიკს, სინდი კროუფორდს და სხვა. ვერსაჩეს ერთ-ერთი ყველაზე დასამახსოვრებელი ლუქი წითელი ხალიჩიდან კეტი პერის სამოსი აღმოჩნდა, რომელსაც უკვე „ვერსაჩეს ანგელოზად“ მოიხსენიებენ. მომღერალს 2,5 მეტრის სიმაღლის ხელნაკეთი ვერსაჩეს ფრთები ეკეთა, რომელიც მართლაც ერთ-ერთი ყველაზე დასამახსოვრებელი ლუქი გახლდათ.




ასევე აღსანიშნავია რიანას კოსტიუმი რომელიც ჯონ გალიანომ შექმნა. მომღერლის ლუქი რომის პაპის კოსტიუმის ინსპირაციით იყო შექმნილი და გაფორმებული უამრავი ძვირფასი თვალით.




ვოგის მთავარი რედაქტორი ანა ვინტური საღამოს შანელის ვერცხლისფერი კაბით მოევლინა, რომლზეც გრძელი ჯვარი ჰქონდა დაკიდებული. მომღერლები ლანა დელ რეი და ჯარედ ლეტო ტრადიციულად გუჩის კოსტიუმებში გამოცხადნენ ბრენდისვე კრეატიულ დირექტორთან, ალესანდრო მიკელესთან ერთად. ასევე აღსანიშნავი იყო მადონნას ჯან პოლ გოტიეს კოსტიუმი, რომელთანაც მომღერალს შავი ვარდების თაიგული ეჭირა.



მსახიობები ფრანცეს მაკდორმანდი და ენ ჰეთევეი გამოცხადნენ ვალენტინოს მაღალი მოდის კაბებით პიერპაოლო პიჩიოლისთან ერთად, რომელიც ვალენტინოს კრეატიული დირექტორია.

გთავაზობთ საუკეთესო ლუქებს მეთ გალადან:
like
0

კომენტარები

ბრრრ 2018-05-19 16:26
ლუქი არა ბეჭედი! სასაცილოები ხართ! ბომონდი კი არა ბომონძღია ეს!
nia 2018-05-18 15:43
დონატელა ამე რომ შეგხვდეს შეგაშინებს
ზურა 2018-05-15 17:42
"ლუქები"-ს ხმარება ძალიან მოდაში შემოვიდა, მაგრამ რეკორდი მაინც ბულინგს და სტიგმას ეკუთვნის.
lia 2018-05-11 11:47
ვარსკცვლავები, აალი, ივენთი, ლუქი... ამაზრზენია რა...

კომენტარის დამატება

სახელი*
აღწერა*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.