ჟიზელ ბუნდჰენი ჰოროსკოპზე, მედიტაციასა და მაკდონალდსზე - რამდენიმე ფაქტი მოდელზე, რომლებიც შესაძლოა არ იცოდით

37 წლის ბრაზილიელმა მოდელმა, ორი შვილის დედამ ჟიზელ ბუნდჰენმა კარიერა 1995 წელს დაიწყო და დღემდე საკუთარ პროფესიაში მოღვაწეობს.
ამის დასტური ამერიკული Vogue-ის ახალი ნომრის ყდაა, რომელზეც ჟიზელი ტროპიკული ტყეების ფონზე პოზირებს. თუმცა კამერების მიღმა დღეს ბუნდჰენის მთავარი მოღვაწეობა არ დგას: მისი დროის უმეტეს ნაწილს საქველმოქმედო საქმიანობასა და ბუნების დაცვას უთმობს. ამაზე, მედიტაციაზე, სილამაზესა და სიყვარულზე მოდელი Vogue-ს პირადად უყვება.




მაკდონალდსზე

ამჟამად ბუნდჰენი სწორად იკვებება - მისი დიეტისა და ველნესზე საკუთარი წიგნის გამოცემის შემდეგ რთული წარმოსადგენია, რომ ჟიზელს შესაძლოა მაკდონალდსში შეხვდეთ.
თუმცა პირველ აგენტს ის სწორედ აქ შეხვდა, როცა 13 წლის იყო - აგენტმა ჟიზელი 55 გოგონას შორის შენიშნა, რომლებსაც ერთნაირი სპორტული სამოსი ეცვათ. მაშინ მოდელი ფრენბურთს თამაშობდა და არც უფიქრია, რომ ცხოვრებას მოდას დაუკავშირებდა - მანამდე გოგონას მოდური ჟურნალები არც კი ენახა.




ქორწინებაზე

2005 წლის წლის დეკემბერში მოდელი მსახიობ ლეონარდო დიკაპრიოს დაშორდა. მაშინ ჟიზელს New England Patriots გუნდის მცველი ტომ ბრედლი გააცნეს. ცოტა მოგვიანებით მან ერთ-ერთ ინტერვიუში განაცხადა: „ტომი საყვარელია, მაგრამ მას უკვე ჰყავს მეგობარი გოგონა. მსოფლიოში უამრავი მამაკაცია იმისათვის, რომ დაინტერესდე მათთით, ვისაც მეორე ნახევარი უკვე ჰყავს. ცხოვრება ზედმეტად ხანმოკლეა“. თუმცა ყველაფერი ისე განვითარდა, რომ ტომი ძველ მეგობარ გოგონას დაშორდა, ამიტომ დაბრკოლებები აღარ ოყო. ახლა ჟიზელი ამბობს, რომ ეს ერთი ნახვით სიყვარული იყო.




ჰოროსკოპზე

„ მე კირჩხიბი ვარ“ - ამბობს ჟიზელი ამერიკულ Vogue-თან. „მიყვარს სახლი - ჩემი თავშესაფარი, სიმყუდროვე. ასე, რომ მოდის ინდუსტრიაში პირველ რიგში თეთრი ყვავი ვიყავი. სახლი ყოველთვის მიხმობდა“.




სილამაზეზე

„მოზარდობისას ბევრი გამონაყარი მქონდა. ყოველჯერზე, როცა ვინმე სახეზე მიყურებდა, ასე მეგონა ის ადამიანი ყველა ჩემს ნაკლს ხედავდა. თიხის ნიღბებს ვიკეთები მათ გამოსაშრობად და ეს მოქმედებდა“ - ამბობდა ბუნდჰენი Vogue-თან ჯერ კიდევ 2010 წელს. „მინდოდა სხვა გოგონებისთვის მესწავლებინა საკუთარი თავის სიყვარული და სხეულზე ზრუნვა. რას ხედავდ პირველს ყოველ დილით? საკუთარ სახეს. და რა უნდა გამოიყენოთ? რა თქმა უნდა, კრემი. მე ყველაზე მარტივი და ეფექტური საშუალება შევქმენი - ბრენდ Sejaa-ს სახელით“.

ბუნდჰენი მედიტაციას ყოველდღე ატარებს - მას შემდეგ, რაც 20 წელი შეუსრულდა. ახლა მოდელი 37 წლისაა. ის ამით მხოლოდ თვითონ არ არის დაკავებული, არამედ სკოლისთვის მედიტაციის პროგრამის შემუშავებაში მიიღო მონაწილეობა, სადაც მისი შვილები - ბენჟამინი და ვივიანი სწავლობენ.



ანა ვერძაძე
like
0

კომენტარის დამატება
×
სახელი*
კომენტარი*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.