NASOMATTO და OrtoParisi - მისტიკაში დამალული სიამოვნება

თუ სუნამოები თქვენი გატაცებაა, მაშინ აუცილებლად უნდა იცნობდეთ იტალიელ პარფიუმერს, სახელად ალესანდრო გუალტიერს, რომელსაც წვლილი მიუძღვის ისეთი ბრენდების ლეგენდარული სუნამოების შექმნაში, როგორიცაა ვერსაჩე, ფენდი, ვალენტინო, დიზელი და სხვა.

ალესანდრო გამოირჩევა გასაოცარი, მაგრამ საკმაოდ არასტანდარტული იდეებით, ამიტომ დიდ ბრენდებთან თანამშრომლობისას საკუთარ თავს მაქსიმალურად ვერ ავლენდა და საკუთარი ბრენდის შექმნა გადაწყვიტა.

NASOMATTO- ამ სახელით გააცნო ალესანდრომ საზოგადოებას თავისი ბრენდი, რომელიც 2007 წელს ამსტერდამში დააარსა. ამავე წელს ნასომატომ ხუთი სუნამო ჩაუშვა გაყიდვაში: Hindu Grass, Duro, Narcotic Venus, Silver Musk, და Absinth. მათი მეშვეობით
ბრენდმა სახელი გაითქვა მთელს მსოფლიოში. შემდეგ წლებში სუნამოების სერია გაგრძელდა და ალესანდრომ ხალხს წარუდგინა China white, Black Afgano, Nuda, Pardonდა Blamage. ბრენდის საბოლოო სუნამო Nudiflorum-ია, რომელიც გათვლილია როგორც ქალებისთვის, ასევე მამაკაცებისთვის.




როგორც გუალტიერი ამბობს, თავის სუნამოებს პიროვნულობა გააჩნიათ, ცოცხალი არსებები არიან: „როდესაც სუნამოს შექმნას ვიწყებ, აუცილებლად არის მომენტი, როდესაც ჩემი ქმნილება თავისით მიმითითებს, თუ საითკენ უნდა წავიყვანო სამუშაო პროცესი.“

„ნასომატო მოკვდა, იბადება ორტო პარისი!“-სწორედ ამ სიტყვებით გამოჩნდა ბაზარზე ალესანდროს ახალი ბრენდი.



OrtoParisi ძალიან საინტერესო და დამაინტრიგებელი იდეების მატარებელია, რადგან მისი სუნამოების იგრედიენტები ჩვენთვის უცნობია. თითოეულ მათგანს ბრენდის საიტზე ახლავს ფოტოები, რომლის მეშვეობითაც სუნამოსთან ასოცირებულ ემოციებს ვიგებთ: ისტერია, ნოსტალგია, სიმშვიდე და ა.შ.

ბაკა ალავიძე
like
0

კომენტარის დამატება

სახელი*
აღწერა*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.