რატომ არ შეიძლება ავოკადოს მირთმევა - მოდაში ავოკადოზე უარის თქმა შემოდის

ავოკადო ბლოგერი კულინარების, ვეგანებისა და სწორი კვების ექსპერტებისთვის ყველაზე პოპულარული ხილია. სასარგებლო და გემრიელია, თანაც ძალიან უხდება ფიტნესის თაყვანისმცემელთა საყვარელ კვერცხს.

თუმცა, ვიდრე ზოგიერთებს ამ მწვანე ხილის გარეშე ცხოვრება ვერ წარმოუდგენია, დიდ ბრიტანეთში მენიუდან მისი ამოღება დაიწეს.



რატომ? საქმე იმაშია, რომ ხილზე დიდი მოთხოვნის გამო ცენტრალურ და სამხრეთ ამერიკაში ტყის გაჩეხვა და მათ ნაცვლად ავოკადოს დარგვა დაიწყეს. თანაც, ავოკადო ზედმეტად ნოტიო ნიადაგზე ვერ ხარობს, რის გამოც მიწას ხელოვნურად აშრობენ.გარდა ამისა, ავოკადოს ხე არ უნდა გაიზარდოს ძალიან მაღალი, რადგან ასე ნაკლებს
ისხამს. ხე 4-5 მ-ზე მაღალი რომ არ გაიზარდოს, მათ ძლიერი ქიმიკატებით ამუშავებენ.

კიდევ ერთი მინუსი: ცენტრალური და სამხრეთ ამერიკიდან ევროპაში ავოკადოს ტრანსპორტირება ბევრ დროსა და რესურსებს მოითხოვს



უამრავ კაფეს შორის, რომლებმაც ავოკადოს მოხმარებაზე თქვეს უარი, ბრისტოლის ერთ-ერთი კაფეს დამფუძნებლის, ადამ უაიტის განცხადება ასეთია:
„ავოკადო გვიყვარს, მაგრამ ეთიკური საკითხები ჩვენთვის ყოველთვის უფრო მნიშვნელოვანი იყო. ყიდდე ხილს და იცოდე, თუ რამდენად დიდსოციო-ეკონომიკურ ზიანს აყენებს ის ხალხს, უბრალოდ არასწორია“.

როგორც ჩანს, მალე ავოკადოზე უარის თქმის ტენდენცია გავრცელდება. ბუნებისა და ეკოლოგიის დაცვა ხომ, ჩვენი დროის კაცობრიობისთვის ყველაზე სასარგებლო ტრენდია.

ანა ვერძაძე
like
0

კომენტარის დამატება
×
სახელი*
კომენტარი*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.