ბრედლი კუპერისა და ირინა შეიკის დრამა გრძელდება - ლედი გაგას გულახდილი საუბარი

სულ რამდენიმე დღეა გასული მას შემდეგ, რაც ტაბლოიდებმა ცნობილი წყვილის, ირინა შეიკისა და ბრედლი კუპერის დაშორების შესახებ გაავრცელეს ინფორმაცია, მაგრამ ახალი ჭორები არ წყდება.

ლედი გაგას გულახდილი საუბრებიდან დაწყებული, შეიკის ახალი სექსუალური ფოტოებით დამთავრებული, მედიას განსახილველად ნამდვილად ბევრი ინფორმაცია დაუგროვდა.

დავიწყოთ 5 დღის წინ პაპარაცების მიერ გადაღებული ფოტოებიდან, რომელზეც ირინა სამოგზაურო ჩანთით კუპერის სახლს ტოვებს. როგორც ამბობდნენ, ამ დროს ცნობილი მოდელი საბოლოოდ ტოვებდა ყოფილი პარტნიორის სახლს და საკუთარი ნივთები ახალ სახლში გადაჰქონდა.



მალევე გაირკვა, რომ შეიკი რეალურად ისლანდიაში მიდიოდა ფოტოსესიისთვის. მალევე მოდელის ინსტაგრამ გვერდზე ისლანდიაში გადაღებული ფოტო აიტვირთა, რომელშიც მას საცურაო კოსტუმი აცვია. ხალხის ყურადღება მიიქცია იმ ფაქტმა, რომ ირინას ეს ფოტო ლედი გაგას ყოფილმა ქმარმა, ქრისტიან კარინომ მოიწონა, რომელიც მომღერალს ბრედლი კუპერთან დაკავშირებული ჭორების გამო დაშორდა.



ლედი გაგა ქრისტიან კარინოსთან ერთად

ამ ყველაფრის პარალელურად, ლედი გაგა პირველად ალაპარაკდა ქრისტიანთან დაშორების შესახებ. როგორც მომღერალი ამბობს, მას დიდი ხნის განმავლობაში ჰყავდა პარტნიორი, მრავალი წელი თავის გრძნობებს სხვას უზიარებდა და ახლა თავს მარტოსულად გრძნობს. მომღერლის ფანები უცნაურ დამთხვევასაც პოულობენ: მას შემდეგ, რაც კუპერისა და შეიკის დაშორების შესახებ გავრცელდა ინფორმაცია, გაგა კონცერტებზე განსაკუთრებულად ბედნიერია.



მართალია ჰოლივუდმა კიდევ ერთი ვარსკვლავური წყვილი დაკარგა, მაგრამ თავად სელებრითებმა საკმაოდ დიდი ყურადღება დაიმსახურეს: ირინას ახალი ჟურნალის გარეკნები სწორედ მაშინ გამოქვეყნდა, როდესაც დაშორებაზე ჭორები გავრცელდა. მის ფოტოებზე მოწონებები თითქმის გაორმაგდა და ყველა ბრენდის კამპანია, რომელშიც შეიკი იღებს მონაწილეობას, ძალიან დიდ ყურადღებას იქცევს პუბლიკისგან. რაც შეეხება ბრედლის და გაგას, მათი სიმღერა “Shallow” ჩარტებში საოცარი სისწრაფით ბრუნდება მოწინავე პოზიციებზე. ასევე, ზუსტად ჭორების გავრცელების დღეს ტელევიზიაში პირველად გაშუქდა კუპერის ბოლო ფილმი “A Star is Born”. საბოლოოდ, დაშორება ცნობილი სახეებისთვის დიდი მარკეტინგული წინსვლის საბაბი აღმოჩნდა.

ბაკა ალავიძე
like
0

კომენტარის დამატება

სახელი*
აღწერა*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.