ქართული ტრადიციული კერძებისა და მსოფლიო სამზარეულოს კომბინაცია - თბილისში გასტროპაბი GOYA გაიხსნა

ქართული ხაჭაპური პიცის ინტერპრეტაციით და სოკოს ხინკალი პესტოს სოუსით - ამ უნიკალურ გემოებს მხოლოდ გასტროპაბ GOYA -ში შეიგრძნობთ.

გასტროფაბ GOYA-ს შემქმნელები მსოფლიო სტუმართმოყვარეობის ბიზნეში 40 წლიანი გამოცდილების მქონე ჯგუფი Mint Leaf Group –ია, რომელიც რესტორნებს ფლობს და მართავს ლონდონსა და დუბაიში. Mint Leaf Group-ის პირველი ინვესტიცია საქართველოში სამ მილიონ ლარს შეადგენს.

GOYA-ს გახსნის ღონისძიებაზე მოწვეული იყვნენ ცნობადი სახეები და კულინარიის ექსპერტები. GOYA-ში სტუმრებს პოპულარული შეფ-მზარეული, პრდიფ ჰულარი გაუმასპინძლდა. კულინარიული შეთავაზება ასევე მოიცავს ინოვაციურ ტრადიციულ ქართულ კერძებს. როგორც შეფ-მზარეული ამბობს, GOYA-ში
ყველა კერძს თავისი ინსპირაციის წყარო და ისტორია აქვს.

„ჩვენ გვინდოდა, რომ ჩვენი ხაჭაპური განსხვავებული ყოფილიყო, ამიტომ ხაჭაპურის ტრადიციულ ინგრედიენტებს დავამატეთ ძეხვი და წიწაკა, რომლებიც თქვენთან კლასიკურ პიცასთან ასოცირდება. თუმცა, ეს მხოლოდ ერთ-ერთი კერძია ჩვენი საინტერესო მენიუდან. თქვენ ასევე დააგემოვნებთ ისეთ ინოვაციურ კერძებს, როგორიცაა „ლობიო კარი“, „სულგუნი ხაჭაპური პიცა“, სოკოს ხინკალი პესტოს სოუსით, გრილზე შემწვარი ბატკნის ქაბაბი აჯიკით და ა.შ.

რაც შეეხება სასმელს, ის მოიცავს როგორც უახლეს მსოფლიო ინგრედიენტებს, ასევე ტრადიციულ ქართულს. GOYA-ში დაგხვდებათ ქართული ჭაჭა და ქინძმარაულის ღვინო ადგილობრივ ლუდთან ერთად. შეგიძლიათ ისიამოვნოთ ისეთი კოქტეილებით, როგორიცაა “ქართული ატმის ჯულეპი“, “ჭაჭა მჟავე” ან “გოიას არომატები“. ასევე, ჩვენთან დააგემოვნებთ ისეთ ინოვაციურ დესერტს, მაგალითად, როგორიცაა თაფლის ნამცხვარი ჩურჩხელასთან ერთად,“- აღწერს შეფ-მზარეული.

როგორც რესტორნის წარმომადგენლები აღნიშნავენ, მთელს მსოფლიოში გასტროპაბის კონცეფცია ძალიან საინტერესო და მიმზიდველია. ისინი იმედოვნებენ, რომ საქართველოში როგორც სტუმართმოყვარეობით გამორჩეულ ქვეყანასა და ისეთ საინტერესო ქალაქში, როგორიც თბილისია, სტუმრები GOYA-ს კარგად მიიღებენ.

„ჩვენი მიზანია, გასტრონომიულ ბიზნესში ინვესტირებითა და საქართველოში ადამიანებისთვის ახალი ტიპის კერძებისა და სასმელის შეთავაზებით, გავაუმჯობესოთ საინტერესო ბიზნეს-კონცეფცია და ხელი შევუწყოთ ადამიანების ცხოვრების სტილის შესაბამისი მოთხოვნების დაკმაყოფილებას,“-ამბობს გასტროპაბ GOYA-ს ბრენდ-მენეჯერი სობჰაგ ვეერი.

გასტროპაბი წარმოადგენს მაღალი ხარისხის რესტორნისა და პაბის ჰიბრიდულ შენაერთს, რომელიც მორგებულია მომხმარებლის მოთხოვნებზე, სადაც მომხმარებელს შეუძლია მიირთვას განსხვავებული და უნიკალური საკვები, დესერტები, ალკოჰოლური და გამაგრილებელი სასმელები.



like
0

კომენტარის დამატება

სახელი*
აღწერა*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.