#CHEF მარკეტერის ფინალური ღონისძიება რესტორანში "უბანი"

ჟურნალ "გემრიელიას" მიერ ორგანიზებული კულინარიული პროექტის, #CHEF მარკეტერის ფინალს "M GROUP"-ის რესტორანმა, "მეტეხის უბანმა" უმასპინძლა, რომელმაც სასიამოვნო ატმოსფერო შეუქმნა სტუმრებს.

მონაწილეები რთული გამოწვევის წინაშე აღმოჩნდნენ: 20 წუთის განმავლობაში უნდა მოესწროთ ტრადიციული ხინკლისა და ორიგინალური სალათის მომზადება. შეზღუდული დროის მიუხედავად, ყველა მონაწილემ დრო ოპტიმალურად გამოიყენა და საკმაოდ მაღალი ხარისხის კერძებიც წარმოადგინა. კონკურსში მონაწილეობდნენ მარიამ გოგოჭური - "ამბასადორი", თამთა ასლანიშვილი - "მიკრო ბიზნეს კაპიტალი" (MBC), ნატო დიდებულიძე- "შალვინო", თამთა ფხაკაძე- "პანე", თინათინ ჯაფარიძე "ჰუავეი", თამუნა როსტიაშვილი - "ალტაოქეი" და გვანცა ღვედაშვილი -
"თეგეტა მოტორსი".

ჟიურიმ დიდი ხნის მსჯელობის შემდეგ გამარჯვება "თეგეტა მოტორსის" წარმომადგენელს, გვანცა ღვედაშვილს მიანიჭა, რომელმაც მეორე ადგილზე გასულს სულ ორი ქულით აჯობა. ჟიურის შემადგენლობაში იყვნენ: იტალიელი შეფმზარეული – ენცონერი, ჟურნალ "გემრიელიას" რედაქტორი – ქეთი ადეიშვილი, რესტორნის "მეტეხის უბანი" შეფმზარეული – კახა გიორგაძე და რესტორნის "ფუდ ენდ ბევერიჯის" და შესყიდვების ხელმძღვანელი, ვალერი შენგელია.

გამარჯვებულს გადაეცა ორკაციანი საგზური ყვარლის ტბაზე, 10%-იანი ფასდაკლების ბარათი "ემ გრუპის" ყველა რესტორანში, ერთი წლის განმავლობაში და რესტორან "უბნის" სუვენირები, სპეციალური პრიზი სტამბისგან "კოლორი" და კომპანიისგანG"გაგრა+".

ყველა მონაწილე დაჯილდოვდა სხვადასხვა კომპანიის მიერ დაწესებული საჩუქრებით. მათ გადაეცათ რესტორან "უბნის" სუვენირები; ფარმაცევტულმა კომპანიამ, "ჯი პი სიმ" ყველა მონაწილეს გადასცა ფრანგული ბრენდის, "NUXE"-ის სასაჩუქრე ნაკრები, "პალიტრა L-მა" თითოეული კონკურსანტი კულინარიული წიგნებით დაასაჩუქრა.

კონკურსის პარალელურად სტუმრებისთვის გაიმართა გათამაშება, სადაც გამარჯვებულებს გადაეცათ სპონსორი კომპანიების: "პანდორას", "ორგანიკლაბის", "სოლო პერტესა" და "თორელის" მიერ წარმოდგენილი საჩუქრები.


გვანცა ღვედაშვილი, "თეგეტა მოტორსის" მარკეტინგის მენეჯერი:

– "შეფმარკეტერში" არაერთხელ მიმიღია მონაწილეობა და ძალიან მომწონს. მინდა, დიდი მადლობა გადავუხადო იმ ადამიანებს, რომლებიც ამ პროექტს აკეთებენ, ორგანიზატორებს, პარტნიორ კომპანიებს და მონაწილეებს, ჩემს კოლეგებს, მათთან ერთად, ეს დღე ძალიან საინტერესოა ხოლმე. Gამარჯვებას ნამდვილად არ ველოდი, რადგან ეს კერძები აქამდე არ მომიმზადებია და ხინკალიც პირველად მოვახვიე. ზოგადად, მიყვარს კერძების მომზადება, ეს ჩემი მცირე ჰობია.

ენცონერი, შეფმზარეული, ჟიურისწევრი:

–გარემო ძალიან თბილი იყო, თვითონ შეჯიბრების მიმდინარეობა დინამიკური და საინტერესო. Mოხარული ვარ, რომ მსგავსი ტიპის ღონისძიებები ტარდება. ჭარმატებებს ვუსურვებ თითოეულ მათგანს და რესტორანს – "მეტეხისუბანი".

ნათია მეტრეველი, "ემ-გრუპის" წარმომადგენელი:

- "შეფმარკეტერის" ღონისძიებები ძალიან მოგვწონს, ყოველთვის მხარში ვუდგავართ და გვინდა, რომ მსგავსი ტიპის პროექტი ხშირად ჩატარდეს, რადგან საქართველოს მასშტაბით მის პოპულარიზაციას შევუწყოთ ხელი. ამიტომაც, ჩვენს ახალგახსნილ რესტორანში – "უბანი", სიამოვნებით ვუმასპინძლეთ სტუმრებს და ძალიან სახალისო დღე გამოვიდა.

თამთა დადეშელი
like
0

კომენტარები

იუზერი
ახალი კომენტარი
2019-10-31 13:34
თამარელლა
დიდი არფერი შოუა. რატომღაც არ მომწონს, მაგრამ გემოვნებაზე არ დაობენ
2019-10-31 13:08
asdf
sdfgsdfhsdfhsdfh
2019-10-31 10:15
იოჰან კასრული
ვერი ნაის!
2019-10-31 08:32
შვანგირ ფრიდონაძე
იმ დღეს პინკ ფლოიდის სიმღერას ვუსმენდი, აი ის ჩაქუჩები რომ დადიან: "პარარარა"
2019-10-31 06:13

კომენტარის დამატება
×
სახელი*
კომენტარი*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.