ლაშა უჩავა: „კანის, თმისა და ფრჩხილების პრობლემები შესაძლოა პათოლოგიური პროცესების გამოვლინება იყოს!“

ადამიანის ყველაზე დიდ ორგანოს, კანს განსაკუთრებული მოფრთხილება სჭირდება. მასთან ერთად, რა თქმა უნდა, თმა და ფრჩხილებიც მოიაზრება.

 

ეს სამი კომპონენტი, როგორც წესი, ყველაზე ადრე მიგვანიშნებს ორგანიზმში მიმდინარე პათოლოგიურ პროცესებსა და საჭირო ნივთიერებების დეფიციტზე. ეს უკანასკნელი განსაკუთრებით შესამჩნევი გაზაფხული-ზაფხულის პერიოდში ხდება. ორგანიზმისთვის მნიშვნელოვანი ნივთიერებების დეფიციტით გამოწვეული პრობლემები ხშირად მწირი რაციონით, არასრულფასოვანი კვებით და არაჯანსაღი ცხოვრების წესით არის გამოწვეული. საბედნიეროდ, არსებობენ სპეციალისტები, რომლებიც ძალიან დროულ და საჭირო რეკომენდაციებს გასცემენ. ენდოკრინოლოგი ლაშა უჩავა დეტალურად განიხილავს იმ აუცილებელი ნივთიერებების მოქმედებას, რომელთა დეფიციტმაც შესაძლოა კანის,

თმისა და ფრჩხილების სტრუქტურის გაუარესება გამოიწვიოს. 

- რა ფაქტორები ახდენს გავლენას კანის, თმის და ფრჩხილების სიჯანსაღეზე?


- კანი, თმა და ფრჩხილები ყველაზე ხილვადია და ხშირ შემთხვევაში, ორგანიზმში მიმდინარე დარღვევები, ყველაზე უფრო თვალსაჩინოდ სწორედ მათზე აისახება. აზიურ მედიცინაში კანს ხშირად მოიხსენიებენ, როგორც ორგანიზმის სარკეს. თმის ცვენა, ფრჩხილების მტვრევადობა/აქერცვლა და კანის სტრუქტურის დაზიანება შესაძლებელია იყოს პათოლოგიური პროცესების გამოვლინება. კანის, თმისა და ფრჩხილების დაზიანების მიზეზი შესაძლოა იყოს ჰორმონალური დისბალანსი და საკვები ნუტრიენტების (კალციუმი, მაგნიუმი, თუთია, სელენი, ვიტამინი D) დეფიციტი. ეს კი, შეიძლება გამოწვეული იყოს როგორც კუჭ-ნაწლავის ტრაქტში მიკრობიომის დაზიანებით, ასევე არასწორი, დაუბალანსებელი, არარაციონალური კვებით.


- რა ფუნქცია აკისრიათ ნუტრიენტებს ადამიანის ჯანმრთელობისა და სილამაზისთვის?


- სრულყოფილი ცხოველმყოფელობისთვის, ანუ ჯანსაღი ორგანიზმისთვის, ნუტრიენტებს უდიდესი როლი აკისრიათ. ისინი დიდი დოზით არიან ჩართულები კანის, თმისა და ფრჩხილის გაჯანსაღებაში, ამავდროულად, დადებითად მოქმედებენ ჰორმონალურ ბალანსზე. ზოგიერთი ჰორმონის წარმოქმნისთვის ორგანიზმში საჭიროა სხვადასხვა მიკრო-მაკრო ელემენტი თუ ვიტამინი. მაგალითად, ჰიპოთირეოზით (ფარისებრი ჯირკვლის დისფუნქციით) გამოწვეული გართულებების პრევენციისთვის სასურველია ისეთი მიკროელემენტები როგორიცაა: თუთია, სილიციუმი, სელენი და ა.შ.

 

- შესაძლებელია და საკმარისია თუ არა საკვების გზით საჭირო ნუტრიენტების მარაგის მიღება?


- ამას შეიძლება ვუწოდოთ ”XXI საუკუნის საფრთხე,” რაც მოიტანა ჩვენმა ცივილიზაციამ, გენური ინჟინერიისა და ტექნოლოგიების განვითარებამ. რას ვჭამთ და რას ვაჭმევთ მომავალ თაობას? არის თუ არა დღევანდელი საკვები ჯანსაღი? რა პრობლემის წინაშე შეიძლება დავდგეთ და ვუქმნით თუ არა საფრთხეს ჩვენ სიცოცხლეს? ეს კითხვები ხშირად დაუსვამთ ჩემთვის. რამდენიმე ათეული წელია, ბაზარზე გამოჩნდა სხვადასხვა ფირმის და ქვეყნის წარმოებული მრავალფეროვანი ძეხვეული, წვენები (პაკეტებში თუ ბოთლებში), შოკოლადები, სწრაფი კვების ობიექტები და ტკბილი, გაზიანი სასმელები. ისინი ერთი შეხედვით ლამაზი და გემრიელია, მაგრამ, არის კი სასარგებლო? სამწუხაროდ, მსგავსი პროდუქტების არსებობამ და გენური ინჟინერიის განვითარებამ (რასაც დაემატა ეკოლოგიური პრობლემები) საკვებში ნუტრიენტების დეფიციტი გამოიწვია, რამაც ნუტრიენტების, როგორც საკვები დანამატების ყოველდღიურ რაციონში დამატება რეკომენდებული და რიგ შემთხვევებში, აუცილებელიც კი გახადა. ჩემს პრაქტიკაში ხშირად ვიყენებ ნუტრიკოსმეტიკა “ვიადერმს,” რომელიც ჩემს ყურადღებას იპყრობს თავისი შემადგენლობით. რა თქმა უნდა, ექიმისთვის მნიშვნელოვანია ამა თუ იმ ბრენდის უსაფრთხოებისა და ეფექტიანობის ხარისხი. „ვიადერმის“ მიმართ ნდობას განაპირობებს მწარმოებელი ევროპული კომპანია „Walmark,” რომელსაც ევროპულ ფარმაცევტულ კომპანიებს შორის ერთ-ერთი ლიდერი პოზიცია უკავია.


- რა ნივთიერებებისგან შედგება „ვიადერმი“ და რით არის გამორჩეული?


- „ვიადერმი“ საქართველოში ერთადერთი საკვები დანამატია, რომლის შემადგენლობაშიც სილიციუმი შედის. როგორც ცალკე დანამატი სხვა მიკროელემენტებთან კომბინაციის გარეშე მსოფლიო ბაზარზე არ არსებობს. სისხლში სილიციუმის შემცველობა ძალიან მცირეა, თუმცა მისი როლი სილამაზისა და ჯანმრთელობისთვის ძალიან დიდია. ადამიანის ორგანიზმში სილიციუმის ყველაზე დიდი შემცველობა კანში და მის ბუნებრივ დანამატებში - თმასა და ფრჩხილებშია. იგი ხელს უწყობს ორგანიზმში კოლაგენისა და ელასტინის სინთეზის სტიმულირებას. თმის ძლიერი ცვენა, გუნება-განწყობის ცვალებადობა, მხედველობის გაუარესება, ასევე, ფარისებრი ჯირკვლის ზოგიერთი დაავადება შესაძლოა გამოწვეული იყოს სწორედ სილიციუმის დეფიციტით. მნიშვნელოვანია, რომ ორგანიზმის „შიმშილიც“, ხშირად ამ მიკროელემენტის დონის შემცირებას უკავშირდება. ასევე, თუ ტკბილზე მოთხოვნილება გვეზრდება, შეიძლება კიდევ ერთი მნიშვნელოვანი მიკროელემენტის დეფიციტზე ვივარაუდოთ, როგორიც არის თუთია, იგივე ცინკი. თუთია ორგანიზმის თითქმის ყველა მეტაბოლურ პროცესში არის ჩართული და მონაწილეობს 300-მდე ფერმენტისა და ჰორმონის რეგულირებაში. ვიღებთ საკვების მეშვეობით, რადგან მისი გამომუშავება ორგანიზმში არ ხდება. ხელს უწყობს კოლაგენის წარმოქმნას, რაც უზრუნველყოფს კანის, თმისა და ფრჩხილების რეგენერაციას. ასევე თუთია მონაწილეობს ნახშირწყლოვან ცვლაში. მნიშვნელოვანი კომპონენტია იმუნური სისტემის აქტივაციისთვის; თავისი ანტიბაქტერიული და ანტივირუსული მოქმედებით კანს იცავს სხვადასხვა დაავადებისგან, მათ შორის აკნეს ან ჰერპესის განვითარებისგან. ხელს უწყობს საჭმლის მონელებას და ნივთიერებათა ცვლის გაუმჯობესებას, ასევე კუჭ-ნაწლავის ტრაქტის ფუნქციობას. თუთია ასტიმულირებს სენსორულ იმპულსებს ტვინში და აუმჯობესებს მეხსიერებას. ასევე გამოვყოფ სპილენძს, რომელსაც აქვს ძლიერი ანტიოქსიდანტური თვისებები და ამცირებს დაბერების პროცესებს. მონაწილეობს ჩვენი ორგანოების ძირითადი სტრუქტურული კომპონენტების შენარჩუნებასა და სინთეზში.


- შეიძლება თუ არა რომ „ვიადერმმა“ გამოიწვიოს წონაში მატება ან მადის გაძლიერება?


- სხვა დადებით თვისებებთან ერთად „ვიადერმი“ თავისი შემადგენლობით იმიტომაც არის უნიკალური, რომ არ შეიცავს საფუარს, შესაბამისად არ იწვევს მადის მომატებას, არც ჭარბი წონის განვითარებას და საერთოდაც, მასში შემავალი ზოგიერთი კომპონენტი (სილიციუმი, თუთია, ფურისულას ზეთი) ააქტიურებს მეტაბოლიზმის სიჩქარეს და ხელს უწყობს წონის კორექციას. აქედან გამომდინარე, სწორი კვების პრინციპების დროს, როდესაც გვსურს ზედმეტი კილოგრამების მოცილება, თამამად შეგვიძლია მივიღოთ „სილამაზის კაფსულები“და გავიჯანსაღოთ ორგანიზმი. გვახსოვდეს, რომ სილამაზეზე ზრუნვა ჯანმრთელობაზე ზრუნვით იწყება.

like
1

კომენტარის დამატება
×
სახელი*
კომენტარი*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.