ირინა შეიკი ორსულობას მალავს?

ამერიკის ყველაზე სექსუალური წყვილის რომანი უკვე წელიწადზე მეტია გრძელდება. ირინა შეიკს თბილი ურთიერთობა აქვს ბრედლი კუპერის საახლობლოსთან და რაც მთავარია, ბოიფრენდის დედასთანაც მოახერხა დამეგობრება. როგორც ცნობილია, მსახიობი დიდ მნიშვნელობას ანიჭებს მშობლის აზრს. თავის მხრივ, კუპერმაც შეძლო და შეიკის დედის გული მოიგო. ცოტა ხნის წინ, პაპარაცებმა წყვილი ირინას დედასთან ერთად, ბიონსეს კონცერტზე მიმავალი დააფიქსირეს.


თუმცა, ეს არ აღმოჩნდა ჟურნალისტების ყურადღების ერთადერთი მიზეზი. მათი თქმით, ტოპ-მოდელს მომრგვალებული მუცელი აქვს, რომელსაც ფართე ტანსაცმლით მონდომებით მალავს. პაპარაცებმა ირინა კუპერის სახლთანაც დააფიქსირეს ბევერლი-ჰილზში, სადაც წყვილი

შვებულებისთვის ემზადებოდა. ბოლო დროს კი ირინა რაც შეიძლება თავისუფალი სტილის ტანსაცმელს ირჩევს, რაც კიდევ უფრო ამწვავებს ჭორებს მისი შესაძლო ორსულობის შესახებ.


როგორც ინსაიდერები იტყობინებიან, ურთიერთობის დაკანონებასა და შვილების ყოლაზე, წყვილი უკვე დიდი ხანია ლაპარაკობს. მათ უკვე მოიწყვეს ერთობლივი სახლი, სადაც საცხოვრებლად გადავიდნენ. შესაძლოა შემდეგი სერიოზული ეტაპი მათ ცხოვრებაში ბავშვი აღმოჩნდეს, თუმცა, ეს ინფორმაცია ჯერ-ჯერობით ოფიციალურად არ დაუდასტურებიათ. სხვათა შორის, ორივესთვის ეს პირველი შვილი იქნება.

like
0

კომენტარის დამატება
×
სახელი*
კომენტარი*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.