ბომონდ-NEWS

საქართველოში პირველად ფსაი-ტრანს სცენის საკულტო დუო Vini Vici ჩამოდის
ღონისძიებების სერია “ავიატორი”, 11 ოქტომბერს, საქართველოში პირველად, წარმოგიდგენთ მსოფლიო ფსაი-ტრანს სცენის ერთ-ერთ საკულტო დუოს - Vini Vici.
სად გაიმართება Oscar & the wolf-ის კონცერტი?
Monument-ის მოწვევით საქართველოში კიდევ ერთხელ ჩამოვა მაქს კოლომბის მიერ დაარსებული ბელგიური ჯგუფი Oscar & the wolf , რომელსაც საზღვრებს გარეთ მილიონობით თაყვანისმცემელი ჰყავს.
აზერბაიჯანის ტურიზმის საბჭო თბილისში ვიზიტორთა ცენტრ „Azerbaijan.Travel”-ს ხსნის
აზერბაიჯანში ტურიზმის განვითარების მხარდამჭერმა ეროვნულმა ორგანიზაციამ, აზერბაიჯანის ტურიზმის საბჭომ, დღეს თბილისის შუაგულში ვიზიტორთა ცენტრი „Azerbaijan.Travel” გახსნა. გახსნის ცერემონია, რომელსაც ესწრებოდნენ ტურიზმის სფეროს ხელმძღვანელები და მედიის წარმომადგენლები, მიზნად ისახავდა ორ ქვეყანას შორის მნიშვნელოვანი ურთიერთობების ჩამოყალიბებას.

აღნიშნული ცენტრი წარმოადგენს უნიკალურ კონცეფციას, რამეთუ ის ხალხს საშუალებას აძლევს, გაეცნონ იმ მრავალფეროვან გამოცდილებებს, რომლებსაც მათ სთავაზობს აზერბაიჯანი. საინფორმაციო სტენდებთან ერთად, ცენტრში განთავსდება ტურისტული სააგენტო, რომელიც ვიზიტორებს გააცნობს დეტალებს ტურებსა და მოგზაურობების შესახებ და მათ მისცემს აღნიშნული ღონისძიებების დაჯავშნის საშუალებას.

ვიზიტორთა ცენტრი, აზერბაიჯანულ მხარესთან, ერთად საზეიმო ვითარებაში საქართველოს ტურიზმის ეროვნული ადმინისტრაციის ხელმძღვანელმა მარიამ ქვრივიშვილმა გახსნა.

„ჩვენს ქვეყნებს აერთიანებს ის ღირებულებები, რომლებიც კარგ მეზობლებსა და მეგობრებს ერთმანეთთან აახლოვებს. დღეს დილით ჩვენ შევხვდით საქართველოს ტურიზმის ეროვნული ადმინისტრაციის ხელმძღვანელს, მარიამ ქვრივიშვილს. შეხვედრაზე ჩვენ განვიხილეთ არაერთი საკითხი, მათ შორის ისეთი რეგიონული ტურების ორგანიზების საჭიროება, რომლებიც მოიცავს როგორც საქართველოს, ისე აზერბაიჯანს ”,- განაცხადა აზერბაიჯანის ტურიზმის სახელმწიფო სააგენტოს თავმჯდომარემ ფუად ნაგიევმა.

როგორც აზერბაიჯანის ტურიზმის საბჭოს გენერალურმა დირექტორმა, ფლორიან ზენგსტშმიდმა აღნიშნა, აზერბაიჯანელები მოხარული იქნებიან, თუ ქართველ სტუმრებს თავის კულტურას გაუზიარებენ.

„ჩვენს ქვეყნებს ერთმანეთთან მჭიდრო ურთიერთობები აკავშირებს და „Azerbaijan.Travel”-ის გახსნით ჩვენ ვადასტურებთ ჩვენს მხარდაჭერას საქართველოსა და მისი მოსახლეობის მიმართ. აზერბაიჯანი ბევრი კუთხით იდეალური დესტინაციაა. ბაქო არის მდიდარი ქალაქი თანამედროვე ინფრასტრუქტურით, შესანიშნავი სატრანსპორტო სისტემებითა და გამოცდილებების მრავალფეროვნებით. აზერბაიჯანელები მოხარული იქნებიან, ქართველ სტუმრებს გაუზიარონ თავისი კულტურა, სამზარეულო და ქვეყანა”, - განაცხადა ფლორიან ზენგსტშმიდმა.

აღსანიშნავია, რომ აზერბაიჯანის ვიზიტორთა 22%-ს სწორედ საქართველოს მოქალაქეები წარმოადგენენ. თბილისიდან პირდაპირი ფრენების, გაუმჯობესებული სარკინიგზო და საგზაო მარშრუტებისა და უვიზო მიმოსვლის კვალობაზე ეს მაჩვენებელი 2020 წელს სავარაუდოდ კიდევ გაიზრდება. აზერბაიჯანი შეუერთდება იმ სახელმწიფოთა სიას, სადაც ტურიზმს მშპ-ში დიდი წილი უკავია. არსებული პროგნოზის თანახმად, შემდეგი 10 წლის განმავლობაში ეს წილი წელიწადში 6%-ს შეადგენს, რითიც აზერბაიჯანი მსოფლიოს მასშტაბით ყველაზე მაღალი პოტენციალის მქონე ქვეყანათა ოცეულში შედის.

ყოველივე ზემოაღნიშნულს წინ უძღვებოდა აზერბაიჯანის ტურიზმის საბჭოს მარკეტინგული კამპანია სახელად „შეხედეთ სხვა თვალით“, რომელიც მიზნად ისახავს აზერბაიჯანის დამალული მარგალიტების აღმოჩენის წახალისებას და 2023 წლისთვის ტურისტთა არსებული ნაკადის გაორმაგებას.

აზერბაიჯანი მდებარეობს აღმოსავლეთ ევროპისა და დასავლეთ აზიის გზაჯვარედინზე. მას გააჩნია ცხრა კლიმატური ზონა, რის შედეგადაც ის მოგზაურებს მთელი წლის განმავლობაში ხელმისაწვდომ ევროპულ გამოცდილებას სთავაზობს. დაწყებული ბაქოს თანამედროვე „ცეცხლოვანი კოშკებიდან“ და დამთავრებული მისი ძველი ქალაქით, რომელიც შეტანილია იუნესკო-ს სიაში, აზერბაიჯანის ღირსშესანიშნაობები მიმზიდველია ყველა ადამიანისთვის - როგორც ინდივიდუალური ტურისტებისთვის, ისე ჯგუფებისთვის. ქვეყნის ცხოვრება და ენერგია გადამდებია. მისი ბაზრებითა და ჯაზ-კლუბებით, ბაქო წარმოადგენს იდეალურ დესტინაციას როგორც უკვე ჩამოყალიბებული ოჯახებისთვის, ისე თაფლობის თვის გასატარებლად და დაქორწინებისთვის.

აზერბაიჯანის ტურიზმის საბჭოს შესახებ:

აზერბაიჯანის ტურიზმის საბჭო არის ეროვნული პოპულარიზაციის ორგანო, რომელიც ექვემდებარება აზერბაიჯანის რესპუბლიკის ტურიზმის სახელმწიფო სააგენტოს. მისი მთავარი ამოცანებია აზერბაიჯანში ტურიზმის ზრდის ხელშეწყობა და ქვეყნის მდიდარი კულტურისა და უძველესი მემკვიდრეობის აღმოჩენის წახალისება.

დამატებითი ინფორმაციისთვის გთხოვთ ეწვიოთ შემდეგ ბმულს: http://azerbaijan.travel/en/home ან „ინსტაგრამის“ გვერდს: @ExperienceAzerbaijan.
ქართველი მოდელის მორიგი წარმატება: ქეთა ლომაძე პარიზის მოდის კვირეულზე გამოვიდა
სამოდელო სააგენტო “IC Model Management”-ის წარმატებულმა მოდელმა ქეთა ლომაძემ ლომდონის მოდის კვირეულის შემდეგ მონაწილეობა მიიღო პარიზის გაზაფხული-ზაფხული 2020-ის მოდის კვირეულზე (Ready To Wear Spring Summer 2020 Paris).
იდეალური ქორწილი თბილისში - რომელია საუკეთესო ადგილი საქორწილო წვეულებისთვის?
ამბობენ, შემოდგომა საუკეთესო დროა ქორწილებისთვისო. მრავალფეროვანი და ლამაზი ფერებით დატვირთული სეზონი საუკეთესო განწყობას ქმნის ქორწილისთვის და წყვილების დიდი ნაწილიც სწორედ ამიტომ ამ მეტად განსაკუთრებულ დღეს სწორედ შემოდგომაზე გეგმავს.
საუკეთესოდ ჩაცმული ვარსკვლავები Emmys 2019-ის დაჯილდოების ცერემონიაზე
წითელი ხალიჩის სეზონი შეგვიძლია ოფიციალურად გახსნილად გამოვაცხადოთ.
იაპონურმა vogue-მ 20 წლის იუბილე მილანში აღნიშნა
იაპონურმა „vogue“-იმ ოცი წლის იუბილე, მილანის fashion week - ის ფარგლებში აღნიშნა.
ვარსკვლავები, ვისი ცნობაც მაკიაჟის გარეშე გაგიჭირდებათ

როგორ გამოიყურებიან ცნობილი ადამიანები მაშინ, 
როდესაც არც წითელ ხალიჩაზე პოზირებენ და არც გადაღებები აქვთ?

Avon - ქალი ანტრეპრენერების ყველაზე მასშტაბური ორგანიზაცია საქართველოში
“10 წლის წინ, მე გადავწყვიტე ვმდგარიყავი ყველაზე თამამი, წარმატებული და დამოუკიდებელი ქალების რიგში. მე არ მინანია ეს ნაბიჯი, რადგან მე ავირჩიე წინსვლა, წარმატება, გამოწვევები, სირთულეები და გამარჯვების ის განსაკუთრებული შეგრძნება, რომელიც მხოლოდ ჩვენ ვიცით. მიყვარს და მეამაყება გუნდის თითოეული წევრი და ბედნიერი ვარ, რომ შემიძლია ქართველი ქალის ცხოვრება უკეთესობისკენ შევცვალო“ – ამ სიტყვებით მიმართა კომპანია AVON-ის პირველმა ქართველმა დირექტორმა, ანა ცხადაძემ „შატო მუხრანში“ შეკრებილ სტუმრებს.

10 სექტემბერს ისტორიულ კომპლექს „შატო მუხრანში“, საერთაშორისო უმსხვილესი კოსმეტიკური ბრენდის – კომპანია AVON-ის კორპორატიული გაყიდვების მასშტაბური კონფერენცია გაიმართა, სადაც კომპანიამ გაყიდვების წლიური შედეგები წარადგინა, დააჯილდოვა საუკეთესო გაყიდვების მქონე ლიდერები და კიდევ ერთხელ განმარტა, თუ სად არის ის საქართველოს ბაზარზე დღეს და რა მიღწევები აქვს.

AVON-ი სილამაზისა და კოსმეტიკის ინდუსტრიის საერთაშორისო ბრენდია, რომელიც უკვე 130 წლიან ისტორიას ითვლის მსოფლიო ბაზარზე და ერთ-ერთი ყველაზე მყარი პოზიცია უჭირავს კოსმეტიკურ ინდუსტრიაში. საქართველოში კომპანია 10 წელზე მეტია წარმოდგენილია და საკმაოდ წარმატებულ მაჩვენებლებსაც ითვლის. მის გაყიდვების გუნდს საქართველოში ამ წლების განმავლობაში უამრავი ქალი შეუერთდა, რადგანაც კომპანია თანამშრომლობის ფარგლებში მათ ფინანსური დამოუკიდებლობის, პროფესიული ზრდისა და კარიერული განვითარების ფართო შესაძლებლობებს სთავაზობს.

“ჩვენი საქმიანობა ეფუძნება მიზანს, რომ თითოეულ ადამიანს, ვინც ჩვენთან თანამშრომლობს, ჰქონდეს ღირსეული შემოსავალი, ფინანსური დამოუკიდებლობის მოპოვებისა და წინსვლის შესაძლებლობა. თამამად შეიძლება ითქვას, რომ AVON-ი არის ქალი ანტრეპრენერების ყველაზე მასშტაბური ორგანიზაცია საქართველოში და ამას სწორედ იმით მივაღწიეთ, რომ ვართ ფოკუსირებული ჩვენი გაყიდვების ლიდერებისა და წარმომადგენლების მუდმივ სწავლებასა და განვითარებაზე. ჩვენი საქმიანობის მთავარი ღერძი ისაა, რომ ხელი შევუწყოთ საქართველოში ქალების ცხოვრების ხარისხის ამაღლებას და დავამსხვრიოთ სტერეოტიპები, რადგან ქალებს ნამდვილად ყველაფერი შეგვიძლია“ – განაცხადა ანა ცხადაძემ კონფერენციაზე.

აღსანიშნავია კომპანია AVON-ის სოციალური პასუხისმგებლობის კუთხით გადადგმული ნაბიჯებიც. AVON-მა ორგანიზაცია Europa Donna Georgia-სთან ერთად, შექმნა „ვარდისფერი სივრცე“ , რომლის მიზანსაც ძუძუს კიბოთი დაავადებული ქალების ფსიქო-სოციალური მხარდაჭერა და მკურნალობის შემდგომი ნაბიჯების შესახებ ინფორმირება წარმოადგენს. „ვარდისფერი სივრცე“ 2019 წლის მარტში გაიხსნა და ის უკვე 500-მდე ძუძუს კიბოსთან მებრძოლ ქალს დაეხმარა.
აღსანიშნავია, რომ ქალთა უფლებებისა და გაძლიერების კუთხით აქტიური საქმიანობისთვის, წელს კომპანია AVON-ი მიიწვიეს ორგანიზაცია WOMEN FOR TOMORROW-ს წევრად, რომელიც ქალ ბიზნესლიდერთა ფედერაციას წარმოადგენს და ბიზნესში ქალთა როლის გაძლიერებას ემსახურება.

კონფერენციაზე დაჯილდოვდა საქართველოს მასშტაბით კომპანიის გაყიდვების ერთ-ერთი ლიდერი ქალბატონი თამარ გვაჯაია.

„დღეს ჩვენ ერთ-ერთი ყველაზე წარმატებული გაყიდვების ლიდერი ზუგდიდიდან, ქალბატონი თამარ გვაჯაია ავტომობილით დავაჯილდოვეთ, რადგანაც ის არის მაგალითი მთელი ჩვენი ორგანიზაციისთვის, თუ როგორ შეიძლება იყო სამაგალითო დედა და საქმიანი ბიზნეს ლედი. ჩვენ გვჯერა, რომ შრომისმოყვარეობა და მიზანდასახულობა ქმნის წარმატებას“- ამბობს ანა ცხადაძე.

კონფერენციაზე ასევე დაანონსდა კომპანიის სამომავლო გეგმები და პროექტები, რომელთა უმრავლესობა ასევე ქალების მხარდაჭერისა და გაძლიერებისკენ იქნება მიმართული.


რატომ და როგორ აუმჯობესებს ბლოკნოტში წერა ადამიანის პროდუქტიულობას
სა­უ­კუ­ნე­ე­ბის გან­მავ­ლო­ბა­ში ადა­მი­ა­ნებ­მა სა­წე­რი სა­შუ­ა­ლე­ბე­ბი ქვი­დან და თი­ხი­დან პა­პი­რუ­სამ­დე და ეტ­რა­ტამ­დე გა­ნა­ვი­თა­რეს, მი­ვიდ­ნენ ქა­ღალ­დის გა­მო­ყე­ნე­ბამ­დე, დღეს კი ციფ­რულ ერა­ში ვართ და სა­მუ­შა­ოს ძი­რი­თად ნა­წილს კომ­პი­უ­ტე­რებ­ში ვას­რუ­ლებთ.