ბომონდ-NEWS

გაიგეთ სიმართლე შაქრის შესახებ

დღეისათვის, შაქრის მოხმარება 45%-ით მეტია, ვიდრე 30 წლის წინ. რა ზიანი შეიძლება მოგვაყენოს მადისაღმძვრელმა ტორტმა ან არომატულმა ტკბილმა ყავამ?

დემნა გვასალიას მორიგი პროვოკაციული კოლექცია
ემნა გვასალია ახალი კოლექციით დაბრუნდა პარიზის მოდის კვირეულზე და თქვენთვის ალბათ უკვე მომაბეზრებელი გახდა ის სიტყვები, რომლებსაც ახლა დავწერ: დემნამ მთელი ინტერნეტსივრცე აალაპარაკა! ყველა შევეჩვიეთ იმ ფაქტს, რომ ქართველი დიზაინერისთვის არ არსებობს სერიოზულობის ბარიერი. ყოველი კოლექციის შემდეგ ინტერნეტში მრავალ პოსტს შეხვდებით შინაარსით: „დემნა გვასალია ისევ „ეღადავება“ საზოგადოებას“, „დემნა გვასალიამ კიდევ ერთხელ დაგვტროლა“ და ასე შემდეგ, ჯობს აღარ გავაგრძელო. ყველაზე საინტერესოა ერთი რამ: რაც არ უნდა არასერიოზულად შეხედოთ მის შემოქმედებას, ფაქტია, რომ ბოლო წლების განმავლობაში მისი პროდუქტი ერთ-ერთი ყველაზე გაყიდვადია მსოფლიოს მასშტაბით. ხალხს როგორც ჩანს მოსწონს კიდეც ცინიზმის, ირონიისა და „დატროლვის“ შერწყმა მოდასთან. სამწუხაროდ, ქართველი საზოგადოების საკმაოდ დიდ ნაწილს ბევრი დრო დასჭირდა დიზაინერის შესაყვარებლად იმის გამო, რომ დემნა საჯაროდ დაინიშნა ბიჭზე. გვასალიამ ქართველი ხალხის გული გასულ ზაფხულს მოიგო. ალბათ ბევრ თქვენგანს ახსოვს საკმაოდ პატრიოტული კოლექცია, რომელიც მოიცავდა მაისურებს ქართული წარწერებით, ჯინსის კურტკას, რომელზეც გალაკტიონის ლექსი ეწერა და კიდევ სხვა მრავალს. ამ ჩვენების შემდეგ დემნას ორიენტაცია მეორეხარისხოვანი გახდა, რაც ნამდვილად სასიხარულოა. თუმცა, დროა მოვრჩეთ ზოგად მიმოხილვასა და ხალხის დამოკიდებულებაზე საუბარს. მინდოდა დამეწერა, დემნას ირონიულ ხასიათსაც შევეშვათ-მეთქი, მაგრამ მის ბოლო კოლექციაში მაინც უხვად შეხვდებით ამას, ამიტომ ჯობს პირდაპირ ჩვენებაზე გადავიდე.

ბაკა ალავიძის
ბლოგი   

“გაფრთხილება!! რასაც ახლა შეესწრებით, შეგძრავთ. შოკშიც კი ჩაგაგდებთ. არსებობს კაცობრიობის ბნელი მხარე, რომლის დანახვის საშუალებასაც ცენზურა არ გაძლევთ... მაგრამ ჩვენ მოგცემთ. ამის ნახვა სარისკოა.“

სწორედ ეს სიტყვები ეწერა მაისურზე იმ მოდელს, რომელმაც გასულ ღამეს დემნა გვასალიას ბრენდის, ვეტმონსის მორიგი ჩვენება გახსნა. ღორის გრიპი, სმარტფონები, სათამაშოები და ნიღბები მცირე ჩამონათვალია იმისა, რასაც ჩვენებაზე მოკრავთ თვალს. დემნა არ უფრთხის ხმამაღალ განცხადებებს, თუნდაც პოლიტიკურს და ეს გუშინდელ ჩვენებაზეც დავინახეთ. მაისურებზე გადატანილ საპრეზიდენტო პოსტერსა და ამოტრიალებულ ანარქიზმის სიმბოლოს ბევრი რამის თქმა შეუძლია დიზაინერის პოლიტიკურ ხედვაზე. აღსანიშნავია 90-იანების გავლენაც, რომელიც ნათლად გამოიხატება მაისურზე, წარწერით „კორპორატიული ჟურნალები ჯერ კიდევ დაბალი დონისაა“.

ჟურნალ „როლინგ სთოუნსის“ ძალიან ცნობილი ნომრის ყდაზე, რომელზეც ჯგუფი ნირვანაა დაბეჭდილი, კურტ კობეინს აცვია მაისური ზემოთნახსენები წარწერით. ეს ნომერი 1992 წელს გამოვიდა და როგორც ხედავთ, დღემდე ინარჩუნებს აქტუალობას.

გვასალია თანამედროვე ახალგაზრდებსაც საინტერესო სახით წარმოგვიდგენს. თავსაბურავიანი მოდელები (და ეს თავსაბურავები... საკმაოდ დიდია) ტელეფონებს უყურებენ და ისე დადიან პოდიუმზე და ვერ შევედავებით, მართლაც ზუსტად აღწერა მდგომარეობა. გარკვეული დატვირთვა აქვთ კოლექციაში გამოტანილ ნიღბებსაც, რომლებიც ჩვენს რეალურ სახესა და სისუსტეებს მალავენ და თავს უსაფრთხოდ გვაგრძნობინებენ. ზემოთხსენებული თავსაბურავი, ანუ კაპიუშონი, დემნამ კულისებში განიხილა ჟურნალისტებთან: „ისინი ჩვენს იდენტობას მალავენ და ასევე ჩემს ახლანდელ მდგომარეობას აღწერენ. მას შემდეგ, რაც წვეულებებსა და დალევას შევეშვი, უფრო ასოციალური გავხდი“, - ამბობს დიზაინერი.

წინა ბლოგში დავწერე, შესაძლოა, ნეონური ფერები გავლენიანი დიზაინერების ჩვენებაზე ვიხილოთ მომავალში-მეთქი და მოლოდინიც გამართლდა. ვეტმონსის პოდიუმზე ვარდისფერი ნეონის კომბინიზონი ვნახეთ, რომელიც, კიდევ ერთხელ ვიტყვი, 90-იანების გავლენას ადასტურებს. დემნა აგრძელებს სხვადასხვა ფერის ჯინსების ერთმანეთზე მიკერების ტრადიციას (რაც არც თუ ისე ორიგინალურია, მარჯიელას თუ გავიხსენებთ). რაც შეეხება დიზაინერის ცინიკურ ჩანართებს, ინტერნეტმა განსაკუთრებულად სწრაფად აიტაცა მაისურები, წარწერით: „ჩემი დაბადების დღეა და მხოლოდ ეს ზედმეტად ძვირი ვეტმონსის მაისური მაჩუქეს“ და „მე ღორის გრიპს გადავურჩი, ამიტომაც ვეგანი გავხდი“. ყურადღების გარეშე არ უნდა დავტოვოთ დუტის ქურთუკები და მათი ახალი სტილი. გვასალიამ საკმაოდ მიმზიდველი ცვლილება შეიტანა მათ დიზაინში-ისინი მხრებზეა გადმოსული.

კოლექციაში აუცილებლად ამოიკითხავთ თინეიჯერულ ამბოხს, განსხვავებულობის სურვილს, ასოციალურობას, თანამედროვე პრობლემებსა და კიდევ ძალიან ბევრ მესიჯს. დემნას კოლექციებს სწორედ ეს ახასიათებს-წარსულისა და აწმყოს კომბინაცია, ტანსაცმლის მეშვეობით ძველ და ახალ საზოგადოებათა აღწერა, ტკივილისა და ტრამვის ტრანსფორმაცია და მაყურებლისთვის განდობა.

საინტერესოა, რას გვიმზადებს დიზაინერი შემდეგი კოლექციისთვის?
აღმოაჩინე #ბიუთისაიდუმლო - ვახშამი ესთეტიური ნოტებით
გ ასულ კვირას ჟურნალმა ბომონდმა "პიანო ბარში" ცნობილ ქალბატონებს უმასპინძლა. მათ ულამაზესი გარემო, სასიამოვნო მუსიკა და უგემრიელესი კერძები დახვდათ. მე-7 სართულზე, ულამაზესი ხედის ფონზე განახლებული მენიუ და ცქრიალა ღვინო ყველასთვის საყავრელ კომბინაციას ქმნიდა.

ყველა ვთანხმდებით, რომ თანამედროვე ადამიანი სულ უფრო მეტად ზრუნავს სილამაზესა და ჯანმრთელობაზე, რაც უფრო მეტ ზიანს გვაყენებს გარემო პირობები, მით უფრო მნიშვნელოვანია ჯანსაღი ცხოვრების წესის დაცვა,რომელიც თავის მოვლის საშუალებებთან პირდაპირ კავშირშია.
ზამთარში კანს განსაკუთრებული მოვლა სჭირდება. სწორედ ამიტომ საღამოს პარტნიორმა, "ჯი პი სი-მ" NUXE-ის ახალი, ინოვაციური პროდუქტის "Aquabella"-ს შესახებ ამცნო ქალბატონებს.

მოცემული ნაკრები მოიცავს ნატურალურ ინგრედიენტებე დამზადებულ კანის განსაკუთრებული მოვლის საშუალებებს. ასევე, ჟურნალი ბომონდის მთავარმა რედაქტორმა, თეა აგლაძემ სასიამოვნო სიახლე დაანონსა; მომვალი წლიდან ჟურნალს მთავარ გამოცემასთან ერთად დაემატება ბომონდ-Beauty, რომელიც თქენთვის საინტერესო ადამიანების სილამაზის საიდუმლოებს გაგაცნობთ და გახდება გიდი, რათა უფრო კომფორტულად და ლამაზად იგრძნოთ თავი სილამაზის მარტივი და საინტერესო საშუალებებით.




ნიკი მინაჟის ახალი პარტნიორი უკიდურესად მძიმე წარსულით
ბოლო თვეების განმავლობაში ქალი რეპერები მრავალ სკანდალში ეხვევიან და რა თქმა უნდა, არც ნიკი მინაჟი ჩამორჩენილა ამ ტენდეციას. რეპერმა გუშინ სოიალურ ქსელში გამოაქვეყნა ვიდეო, რომელიც თავის დაბადების დღეზეა გადაღებული. ვიდეოში ნიკისთან ერთად ჩანს მამაკაცი, რომელზეც დადიოდა ჭორები, რომ რეპერის ახალი პარტნიორი იყო. ფანებმაც რა თქმა უნდა არ დააყოვნეს და მალევე გაარკვიეს უცხო მამაკაცის ვინაობაც. ნიკის ახალ რჩეულს კენეთ ფეთი ჰქვია და იგი 40 წლისაა. ~ როგორც ირკვევა, ისინი უკვე რამდენიმე თვეა ერთმანეთს ხვდებიან, მაგრამ ახალ სასიყვარულო ისტორიას თან ახლავს სკანდალიც.

ინტერნეტში გავრცელდა ფაქტები კენეთის კრიმინალური წარსულის შესახებ. სანდო წყაროები წერენ, რომ რეპერის ახალი პარტნიორი თორმეტჯერ არის ნაჯდომი ციხეში. ფეთი 16 წლის ასაკში გოგოს გაუპატიურებისთვის დააპატიმრეს, ამის შემდეგ მას მკვლელობისთვისაც იჭერენ 7 წლით. მოკლედ, მის მიერ ჩადენილი დანაშაულების სია საკმაოდ დიდია. გუშინდელიდან მოყოლებული, ნიკი და მისი ახალი რჩეული განხილვის საგნები არიან და ახალი რომანის მიმართ უარყოფით დამოკიდებულებას რეპერის ფანები არ მალავენ. ნეგატიურ კომენტარებს მალე თავად რეპერი გამოეხმაურა. ნიკიმ ინსტაგრამზე თავის პარტნიორთან ერთად გადაღებული რომანტიული ფოტოები ატვირთა სათაურით: „ოჰ, მათ ლაპარაკი უნდათ? მაშინ მივცეთ მიზეზი, რომ ილაპარაკონ.“
საინტერესოა, იქონიებს თუ არა გავლენას საზოგადოების დამოკიდებულება რეპერის ახალ ურთიერთობაზე.

ბაკა ალავიძე
Streetstyle-ი შანხაის მოდის კვირეულზე
მოდის კვირეული შანხაიში დასასრულს უახლოვდება და ესტაფეტას უთმობს სეულსა და ტოკიოს. მთელი ამ დღეების განმავლობაში მოდის მიმდევრები დაუღალავად ესწრებოდნენ ჩვენებებს და ფოტოგრაფების წინაშე ყველაზე წარმოუდგენელ ლუქებში გამოწყობილები პოზირებდნენ. ნეონის სამუშაო ქურთუკები, უჩვეულო ფეხსაცმელები და ჩანთები, მათ ეცვათ სეზონის ყველაზე მოდური სპორტული ფეხსაცმელები, მამაკაცის მხრებიანი პიჯაკები, აბრეშუმის ქალური კაბები და ტყავის საწვიმრები - ყველაფერი, რასაც მთელი მსოფლიოს მოდის მიმდევრები ატარებენ.

ანა ვერძაძე



















თბილისის მოდის კვირეული დღეს გაიხსნება!
თბილისის მოდის კვირეულის მე -18 სეზონი დღეს ქართული კულტურის ლეგენდის, ქართული სტილის კერპის ბელა მირიანაშვილისადმი მიძღვნილ ღონისძიებით -,,Style Icon” გაიხსნება, რომელსაც SOLO წარმოადგენს.

2019 წლის გაზაფხული - ზაფხულის სეზონის კოლექციების ჩვენებებს, შოურუმს და სხვა ღონისძიებებს ღვინის უბანი უმასპინძლებს.

კვირეულის 4 დღიანი პროგრამა 20-მდე ღონისძიებას მოიცავს, რომელთა შორისაა ქართველი და უცხოელი დიზაინერების: ლაშა ჯოხაძის, „მირო“-ს, „ეტერე“-ს, „მატურელი“-ს, „მაკმარი“-ს, „რუარუა“-ს, ლაშა დევდარიანის, „წითე“-ს და სხვათა ჩვენებები. 

კვირეული ქეთი ჩხიკვაძის ჩვენებით დაიხურება.

მოდის კვირეულის ეს სეზონი გამორჩეული იქნება, ვინაიდან ის განსხვავებული კონცეფციით წარდგება მაყურებლის წინაშე.
მოდის კვირეულის ფარგლებში მოეწყობა გლამურული ეკობაზარი, სადაც წარმოდგენილი იქნება ქართული ეკოპროდუქცია.

10 ფაქტი ქალის სხეულზე, რომელიც უნდა იცოდეთ!

1. ქალს გული უფრო სწრაფად უცემს, ვიდრე მამაკაცს.

საქართველოში „ლექსუსის“ პირველი ოფიციალური სადილერო ცენტრი გაიხსნა

ბოლო პერიოდში, საქართველოს საავტომობილო ბაზარი საგრძნობლად და აქტიურად იზრდება. ეს დინამიკა განსაკუთრებულად შეინიშნება საავტომობილო ბაზრის პრემიუმსეგმენტში, სადაც მოწოდებასთან ერთად მომხმარებელთა მოთხოვნებიც მატულობს.

გამომდინარე იქიდან, რომ „ლექსუსი“ უკვე დიდი ხანია, ქართველი მძღოლების რჩეულ ბრენდად ითვლება, კომპანიამ გადაწყვიტა, საქართველოში ოფიციალური წარმომადგენელი ჰყოლოდა. შესაბამისად, არსებულ და პოტენციურ კლიენტებს მალე საშუალება ექნებათ, „ლექსუსის“ ოფიციალური პროდუქცია უკვე უშუალო დილერისგან, თბილისშივე შეიძინონ.

„ლექსუს თბილისი“ 10 ოქტომბერს, აღმაშენებლის ხეივნის 160 ნომერში გაიხსნა და მომხმარებლებს ისეთ მოდელები წარუდგინა, როგორებიცაა: კროსოვერები - NX და RX, სედანები - ES და LS, მაღალი გამავლობის ავტომობილები - GX და LX და კუპე - LC. მათ შორის NX, RX, LS და LC ჰიბრიდული ძრავებითაც იქნება ხელმისაწვდომი. იქვე არის განთავსებული „ლექსუსის“ სერვისცენტრიც, სადაც მსურველებს გამოცდილი პროფესიონალები მოემსახურებიან.

„ლექსუსი“ არის ბრენდი მათთვის, ვისთვისაც სტილი და ხარისხი თანაბრად მნიშვნელოვანია. ჩვენი მომხმარებლები მანქანის მართვით სრულყოფილ სიამოვნებას იღებენ და თავადვე აღნიშნავენ, რომ კომფორტი, რომელსაც ის უქმნით, შეუცვლელია. – აღნიშნავს ლაშა ლომიძე, „ლექსუს თბილისის“ გენერალური დირექტორი, – „გვიხარია, რომ საქართველოს „ლექსუსის“ ოფიციალური დილერი ეყოლება და ქართველი მომხმარებლები ჩვენი ბრენდის პროდუქციის შეძენას უშუალო წარმომადგენლისგან შეძლებენ. აქ მომხმარებლებს ისე დახვდებიან, როგორც სახლში მოსულ სტუმრებს. სწორედ ესაა იაპონური სტუმართმოყვარეობის ფილოსოფია, რომელსაც „ომოტენაში“ ჰქვია და რომელიც თითოეული სტუმრის საჭიროების გათვალისწინებას, ყველა დეტალისათვის ყურადღების მიქცევასა და მადლიერების გამოხატვას გულისხმობს.“

„ლექსუსი“ იაპონური ბრენდია, რომელიც 1989 წელს შეიქმნა. დაარსების დღიდან ლექსუსი ორიენტირებულია არა უბრალოდ ავტომობილების წარმოებაზე, არამედ ახალი და განსხვავებული ცხოვრების სტილის შექმნაზე. ეს დამოკიდებულება ნათლად ჩანს როგორც ავტომობილის დეტალებში, ასევე იმ მიდგომაში, რომელიც მომხარებელს შოურუმში მოხვედრისთანავე ხვდება.

დღეს „ლექსუსი“მსოფლიოს 70-ზე მეტ ქვეყანაშია წარმოდგენილი.

მომღერალი XXXTentacion-ის მკვლელობის კადრები გავრცელდა !!!
ტელეკომპანია WPLG-მ ტრაგიკულად დაღუპული რეპერის, XXXTentacion-ის მკვლელობის ამსახველი კადრები გაავრცელა

კადრი პირველი : გავრცელებულ კადრში ჩანს, როგორ უახლოვდება ორი შეიარაღებული მამაკაცი XXXTentacion-ის ავტომობილს და იარაღის მუქარით მუსიკოსის გაძარცვას ცდილობს. ვიდეოში ვხედავთ აგრეთვე რეპერის თანმხლებ პირს, რომელიც მანქანიდან ხტება და გარბის.

კამერამ ერთ-ერთი ბოროტმოქმედის მიერ ცეცხლსასროლი იარაღიდან გასროლაც დააფიქსირა, რომლის შედეგადაც მუსიკოსი სასიკვდილოდ დაიჭრა. ამავე კადრებში ჩანს, როგორ იღებს მეორე მძარცველი მანქანიდან ჩანთას, რომელშიც 50,000 აშშ დოლარი ინახებოდა.



კადრი მეორე: კიდევ ერთ ვიდეოში ბრალდებულები დედრიკ უილიამსი და რობერტ ალენი არიან ნაჩვენები, რომლებიც მოტოციკლების მაღაზიაში შედიან. ჩანაწერში ვხედავთ ჰიპ ჰოპ არტისტსაც, რომელიც მომსახურე პერსონალს ესაუბრება.

სამეთვალყურეო კამერებიდან ამოღებული ვიდეომასალა ჰიპ ჰოპ არტისტის მკვლელობის საქმის განხილვისას სასამართლო დარბაზში აჩვენეს.

შეგახსენებთ, რომ 20 წლის მუსიკოსს 2018 წლის 18 ივნისს ფლორიდაში მოტოციკლების მაღაზიიდან გამოსვლის შემდეგ, გაძარცვის მცდელობისას ესროლეს.
თბილისი Mercedes-Benz Fashion Week-ის ოფიციალური თარიღი და ახალი ლოკაცია დაანონსდა!
თბილისი Mercedes-Benz Fashion Week-ის მომდევნო, გაზაფხული/ზაფხული 2019 წლის სეზონი 1-დან 5 ნოემბრამდე, ქართული სახვითი ხელოვნების მუზეუმში გაიმართება