ჰოროსკოპი

TOP 3 სახიფათო კონკურენტი კარიერაში ზოდიაქოს ნიშნის მიხედვით
ოცდამეერთე საუკუნე არამხოლოდ ინფორმაციული საუკუნე, იგი კონკურენციის საუკუნეც გახლავთ პირველ რიგში. შესაბამისად, პროფესიული შუღლი და ინტრიგები არაერთი ჩვენთაგანის ცხოვრებაშია ჩვეულებრივი მოვლენა. მინდა ასტროლოგიური რჩევა მოგცეთ საიმისოდ, რომ კოლეგებს შორის პროფესიული და არამარტო მეტოქეები ჯეროვნად შეაფასოთ. წარმოგიდგენთ ყველაზე სახიფათო მტრების TOP სამეულს:

კირჩხიბი – ერთი შეხედვით უწყინარი, მოსიყვარულე და მზრუნველი ტიპი გგონიათ? იქნებ იგი ასოციალური და ყველაზე მუდო თანამშრომლების სიაში გყავთ შეყვანილი... ჰოდა, აქ ცდებით ზუსტად... სწორედ ამ "ნაცრისფერ" ადამიანს შეუძლია თქვენთვის სამსახურეობრივ კიბეზე ოსტატური და რაც მთავარია, კარგად დაგეგმილი სარმის გამოდება... თანაც ისე, რომ კარგა ხნის მანძილზე აზრადაც ვერ მოხვალთ, რომ ეს ყველაფერი მისი ხელწერაა. შესაძლოა ზუსტად ვერც კი გაიხსენოთ, როდის, რა ან რატომ აწყენინეთ (ან აწყენინეთ კი საერთოდ?) კირჩხიბის შურისძიება მოულოდნელი და ხანგრძლივი იქნება.

ქალწული – მისგან შეიძლება ყველაზე ცივსისხლიანი მკვლელი დადგეს. თუმცა, საქმე თუ ესოდენ დიდ მასშტაბებამდე არ მივიდა, მას შეუძლია ნებისმიერი ადამიანი, რომელსაც აითვალწუნებს, მსხვილმასშტაბიან ბიუროკრატიულ დავიდარაბაში გახვიოს. ქალწულის ანტიპათია როგორც წესი არასოდესაა უმიზეზო ან აბსურდული; ამიტომ, როცა მისნაირი მტრად გადაგეკიდებათ კარგად გაიხსენეთ, ოდესმე ერთი შეხედვით ჩუმი და მოწესრიგებული კოლეგის სამუშაო მაგიდაზე ყავა ხომ არ დაგეღვარათ? ჰოო? აი, მიზეზიც გიპოვნიათ საიდან მოდის ძველი მტრობის ფესვები.

თევზები – ყველაზე სასაცილო ის ფაქტია, რომ ამ ადამიანებს როგორც წესი გულში ბოროტი განზრახვა არც არასოდეს უდევთ როცა ვინმეს რაიმე სახის დიდ დავიდარაბაში ხვევენ... თევზები დაბნეულები არიან. შესაბამისად, გამიზნულად მისი მტრობის ალბათ არც უნდა გეშინოდეთ, თუმცა წყენია და ბუტია თევზი თუ ოდესმე გაანაწყენეთ (და მის შემთხვევაში ეს კირჩხიბზე უფრო მარტივად მოსახერხებელი და საუკუნოდ გამოურკვეველი რამაა), შესაძლოა მან თავისდაუნებურად ჭორების გავრცელებით ან საჭირო ხალხთან თქვენი რეპუტაციის შელახვით გაგიფუჭოთ საქმე. მისი "სიმართლის" კი როგორც წესი ყველას სჯერა გარშემო.
სად უნდა დაისვენოთ თქვენი ზოდიაქოს ნიშნის მიხედვით
ფრანგული Vogue - ის ასტროლოგი ჟული პატრიატი გვირჩევს, სად სჯობს საზაფხულო არდადეგების გატარება მათთვის, ვისაც ასტროლოგიის სჯერა.

ვერძი
გაზაფხულის პირველი ნიშანი, დროის, როცა ბუნება ყვავის. არსებობს ერთი რამ, რაც ნამდვილად გსურთ: იპოვოთ ადგილი, სადაც დამშვიდდებით, დაკავდებით სპორტით და სუფთა ჰაერით ისიამოვნებთ.

სად გაემგზავროთ: ბრაზილიაში

კურო
რისთვის მიდიხართ დასასვენებლად? უსაქმურობისა და გემრიელი კერძების დასაგემოვნებლად, სასურველია საუკეთესო მეგობრების გარემოცვაში.

სად გაემგზავროთ: პროვანსში, კაპ-ფერაზე, კორსიკასა და კუნძულ რეზე (საფრანგეთი) ანტლანტიკის ოკეანეში.

ტყუპი
თქვენ დასასვენებელი ადგილის შეცვლა გიყვართ და ერთსა და იმავე ადგილას დაბრუნება არ გიყვართ. მარტო დასვენება თქვენთვის არ არის, სასურველი თანამოაზრეებთან ერთად დასვენება.

სად გაემგზავროთ: იტალიაში, საბერძნეთში, ეგვიპტეში ან მექსიკაში.

კირჩხიბი

ზაფხულობით ყველაზე მეტად სიმშვიდე გსურთ.

სად გაემგზავროთ: ბრეტანი, კუნძული რე, მაიორკა

ლომი
თქვენ გჭირდებათ მზე, თქვენი პლანეტა, რათა სრულფასოვნად შეძლოთ დასვენება. გიყვართ სითბო და წვეულებები, სადაც იმისთვის დადიხართ, რომ შეგამჩნიონ.

სად დაისვენოთ: იბიცაზე

ქალწული
არადადეგების წინასწარ და დეტალურად დაგეგმვა გიყვართ. არდადეგებზე თქვენი მთავარი მიზანი სტრესისგან განთავისუფლებაა.

სად დაისვენოთ: პროვანსაში კერძო ვილაზე

სასწორი
კურორტზე თქვენი ლეიტმოტივი სრულფასოვანი მშვიდობა და სიმშვიდეა. გსურთ, რომ ყველა, ყოველთვის ბედნიერი იყოს. დასასვენებლად ირჩევთ ლამაზ ადგილს, სადაც ყველაფერი კარგადაა მოწყობილი.

სად დაისვენოთ: ტოსკანაში

მორიელი

მოგწონთ აქტიური ცხოვრება, ყოველთვის ახალი აღმოჩენებისკენ ისწრაფვით. სიტყვა „არდადეგები“ თქვენთვის „გრძნობებთან“ ასოცირდება.

სად დაისვენოთ: კოსტა-რიკა, მოზამბიკა, შრი-ლანკა

მშვილდოსანი
თქვენი ცხოვრების მთავარი ვნება - თავგადასავლები და ახალი ადგილების აღმოჩენაა. თავისუფლება გწყურიათ, ახალი ჰორიზონტების გახსნა და გაფართოება.

სად დაისვენოთ: კამბოჯა, ვიეტნამი, ინდოეთი ან სტამბული

თხის რქა
თქვენ მთები და ღია სივრცეები გიზიდავთ, ათობით კილომეტრს მარტივად გადალახავთ იმისათვის, რომ სადმე მთებში სამლოცველო მოინახულოთ.

სად გაემგზავროთ: ნორვეგიის ფიორდები და ისლანდია, ტიბეტი ან ნებისმიერი სხვა მთები

მერწყული
მერწყული - ერთ-ერთი ყველაზე დამოუკიდებელი ნიშანი, თავისუფლების მოყვარული, ლიდერობის მსურველი.
სად გაემგზავროთ: ავსტრალიაში ან აშშ-ში

თევზები
არდადეგებზე თქვენს სიმშვიდე გსურთ, არავითარი სტრესი და შეზღუდვა. რა თქმა უნდა, თევზებმა წყლის სიახლოვეს უნდა დაისვენონ და რაც უფრო მეტი წყალი იქნება, მით უკეთესია.

სად დაისვენოთ: ლე-ლავანდა, სენ-ჟან-დე-ლუიზი ან კორსიკა


ანა ვერძაძე
TOP 3 ყველაზე რთული ზოდიაქოს ნიშანი
ცხოვრების თანამგზავრის, თუნდაც მეგობრის ვარსკვლავების მიხედვით შერჩევა რთულია, თუმცა რაღაცების გათვალისწინება ღირს, თუ რა თქმა უნდა, გჯერათ, რომ ვარსკვლავები არ მოგატყუებენ.

წარმოგიდგენთ ზოდიაქოს ტოპ-3 ყველაზე რთულ ნიშანს.

ვერძი
ვერძთან ურთიერთობა მთის მდინარეში ცურვას ჰგავს. მათ კამათი უყვართ, მარტივად ამსხვრევენ ნაშენებს და შედეგებზე საერთოდ არ ფიქრობენ. გსურთ ცხოვრება ზოდიაქოს ამ ნიშნის წარმომადგენელს დაუკავშიროთ ?! - გახდით ბუდისტი და დაე, ვერძის პატივმოყვარეობამ და მღელვარებამ გვერდი აგიაროთ. გარანტია, რომ ამ საფეხურს მიაღწევთ არ გაქვთ, თუმცა ცდა ღირს.

მორიელი
ახალი არაფერია - ის, რომ ამ ნიშნის წარმომადგენლები ბუნებით დემონები არიან ყველასთვის კარგად ნაცნობი ამბავია. არიან ფიცხები, შურისმაძიებლები, იღებენ იმას, რაც სურთ. ასევე არიან ლიდერები, კონცენტრირებული მხოლოდ იმაზე, რაც მათთვისაა მნიშვნელოვანი და ძალიან, ძალიან ჯიუტია. შესაძლოა მაშინვე არა, მაგრამ რამდენიმე დღის ან თუნდაც წლების შემდეგაც, აუცილებლად გადაგიხდით სამაგიეროს, თუ გაანაწყენეთ.

მერწყული
მერწყული ადამიანებთან საერთო ენას მარტივად პოულობს, სხვისი აზრის ყურადღებით მოსმენის უნარი აქვს, მაგრამ მხოლოდ საკუთარი პოზიცია აღელვებს. ისე მოიქცევიან, როგორც თავად ჩათვლიან საჭიროდ. თუ არ გამოვა, სხვას მარტივად გადააბრალებს, რადგან თავს დამნაშავედ არასდროს არაფერში სცნობს. მერწყული დიქტატორობისკენაა მიდრეკილი, ასევე ზედმეტად ემოციურია. თუ გაბრაზდა ყველაფერს ფინიშამდე ერთ ნაბიჯით ადრე მიატოვებს.

ანა ვერძაძე
ზოდიაქოს რომელი ნიშნით იბადებიან ყველაზე ლამაზი ქალები
ასტროლოგებს შორის ხშირად მიდის დავა იმის შესახებ, თუ კონკრეტულად რომელი ზოდიაქოს ნიშანი წარმოშობს ყველაზე მომხიბველ და ლამაზ ქალბატონებს.

მაგრამ მიჩნეულია, რომ ვიზუალურ მონაცემებზე მზის ზოდიაქოს ნიშნის გარდა კიდევ ბევრი ფაქტორი ახდენს გავლენას, მათ შორის ასცენდენტი - იგივე ინდივიდუალური ნიშანი, რომელიც ადამიანის დაბადების მომენტშია ცაზე დომინანტი. თუმცა, არსებობს გარკვეული და ძალზე საინტერესო სტატისტიკა იმის შესახებ თუ რომელი ზოდიაქოს ნიშნით იბადებიან მსოფლიოში ცნობილი და სახელგანთქმული ლამაზმანები ყველაზე დიდი დოზით.

1. პირველ ადგილზე ამ მხრივ ტყუპია 97% (მერილინ მონრო, ანჯელინა ჯოლი, ნატალი პორტმანი, ლიზ ჰარლი, ადრიანა ლიმა)



2. მეორე საპატიო ადგილი ერგოთ სასწორებს 88% (მონიკა ბელუჩი, ქეით უინსლეთი, მარიონ კოტიარი, ნაომი უოთსი, ალისია სილვერსთოუნი);



3. მესამე ადგილის მფლობელები მერწყული ქალები გახდნენ 78% (დენის რიჩარდსი, ჯენიფერ ენისტონი, ილსა ფიშერი, კერი ვოშინგტონი);



4. მეოთხე ადგილზე არიან ვერძი ქალბატონები 73% (კირა ნაიტლი, ემა უოთსონი, ქეით ჰადსონი, სარა მიშელ-გელარი);



5. მეხუთე ადგილი კირჩხიბებს ერგოთ70 % (მერილ სტრიპი, სოფია ვერგარა, ჟიზელ ბიუნდჰენი, დაიან კრუგერი, ლივ ტაილერი)

როგორ ქორწილზე ოცნებობენ ზოდიაქოს ნიშნები

სუსტი სქესის წარმომადგენლები ერთმანეთისგან ბევრი თვისებით განსხვავდებიან და ეს თვისებები, დიდწილად არის დამოკიდებული მათ ზოდიაქოს ნიშანზე.

მაშ ასე, როგორ უყურებენ დაოჯახების საკითხს ზოდიაქოს სხვადასხვა ნიშნით დაბადებული ქალები და კონკრეტულად როგორ საქორწინო კაბასა და ცერემონიალზე ოცნებობს თითოეული მათგანი.



ვერძი - დაბადებიდან კარიერისტი და აქტიურია, ძალიან უყვარს დამოუკიდებლობა, ამიტომ კაცი რომელიც მის დამოუკიდებლობას შეზღუდავს, ან ამ ფაქტით დაემუქრება მაინც, მისთვის მძიმე ბორკილებთან ასოცირდება. საიმისოდ რომ იგი თქვენს მახეში გააბათ, აუცილებელია ქორწინებამდე მაინც დაუფიქსიროთ ის, რომ პატივს სცემთ მის პირად თავისუფლებას და ბავშვების გაჩენის შემდეგაც არ დააძალებთ სახლში ჯდომას და დიასახლისის ფუნქციების შეთავსებას. საქორწინო კაბა ექსტრაორდინალური და გამორჩეული უნდა იყოს. უპირატესობას ანიჭებს არასტანდარტულ მოდელებს.



კურო - მისთვის ოჯახის დედობა და დიასახლისობა ორგანული და ბუნებრივი რამაა. მიუხედავად იმისა, რომ იგი კარიერასაც არანაკლები წარმატებით იკეთებს, საყვარელი მამაკაცის და მომავალი ოჯახის ინტერესებისთვის შეუძლია, უარი თქვას აქტიურ სოციალურ ცხოვრებაზე და სანიმუშო დიასახლისის როლი ოსტატურად მოირგოს. მოსწონს სტაბილური, ჩამოყალიბებული და სოლიდური მამაკაცები. ანუ ისინი, ვისაც მიწაზე მყარად დგომის პრობლემა არ გააჩნია. საქორწინო კაბა ტრადიციული, მდიდრული ფაქტურის მქონე და რაც მთავარია ისეთი უნდა იყოს რომ მის ქალურ ფორმებს ხაზი მაქსიმალურად გაუსვას და გამოკვეთოს.



ტყუპები - თავქარიანი, ცნობისმოყვარე, მრავალმხრივი და კომუნიკაბელურია. ქორწინება ამ სიტყვის ტრადიციული გაგებით, მასში ზრდასრულ ასაკამდე შოკურ-ფსიქოზურ მდგომარეობას იწვევს. ეს იმიტომ, რომ პანიკურად ეშინია ოჯახური რუტინის და ერთფეროვნების, რომელიც მისი აზრით თავად ქორწინების ფაქტს მოსდევს უკან და მხოლოდ იმ შემთხვევაში თანხმდება უღელში თავის გაყოფას, თუკი მეუღლე მასავით მრავალმხრივი და საინტერესო ადამიანი აღმოჩნდება. საქორწინო კაბა მაქსიმალურად კომფორტული უნდა იყოს, რათა ხელი არ შეუშალოს ტყუპ ქალს, საქორწინო ცერემონიალისას თავისუფლად გადაადგილებასა და ცეკვა-თამაშში.



კირჩხიბი - შეიძლება ითქვას, რომ მოწოდებით დედა, დიასახლისი და ცოლია. აქედან გამომდინარე, ქორწინება მისთვის ისეთივე ბუნებრივი და აუცილებელი რამაა, როგორც დილის ყავა ან ლანჩი შესვენებისას. ოჯახის გარეშე თავს სრულფასოვან ქალად იშვიათად მიიჩნევს და თუ წვრილშვილიანი დედის როლს, მაინც არჩევს კარიერა გაიკეთოს, ეს იმიტომ რომ მის გარშემო შესაფერისი „კანდიდატურა“ ჯერ არ გამოჩენილა. საქორწინო კაბას დიდი მონდომებით და პრეტენზიით არჩევს, ეს აუცილებლად უნდ იყოს მეუღლის, დედის, დეიდის, დედამთილის, მულის და სხვა დიდად პატივცემულ ნათესავებთან შეთანხმებული მოდელი, ტრადიციული გრძელი შლეიფით, ფატით და ა.შ



ლომი - მიუხედავად იმისა, რომ დაბადებიდან აღმერთებს ყოველგვარი სახის ხმაურიან დღესასწაულებს და ლამაზად გაფორმებულ, პომპეზურ ცერემონიებს, უღელში შებმას იშვითად ჩქარობს. ეს იმიტომ, რომ მისთვის აუცილებელია ცხოვრებაში რაიმე სახის სტატუსს მიაღწიოს, ხოლო მარტოოდენ ვიღაცის ცოლობა და შტამპი პასპორტში ნამდვილად არ არის ჭეშმარიტი ძუ ლომისთვის ოცნებების ზღვარი. აქედან გამომდინარე, თუ იგი უკვე შემდგარი კარეიერის მქონე გადაწყვეტს დაქორწინდეს საყვარელ მამაკაცზე, მისი ქორწილი აუცილებლად იქნება ხელოვნების შედევრი, როგორც ქორეოგრაფიული ისე სცენოგრაფიული თვალსაზრისით. საქორწინო კაბა კი, უძვირფასესი მასალის და ბრენდული ხარისხის.



ქალწული - მომავალი მეუღლის შერჩევის საკითხს ისე ეკიდება, როგორც მარკეტში საღი რძის პროდუქტის ყიდვის პროცედურას. ღმერთმა ნუ ქნას ვადაგასული, უხარისხო ან უგემური რომ შემოაჩეჩონ ხელში, მერე მთელი ცხოვრება უნდა დაიტანჯოს გულის რევის შეგრძნებით. აქედან გამომდინარე, თუ მას პოტენციური მეორე ნახევრის სიჯანსაღეში ეჭვი არ ეპარება, მთელი მონდომებით და მეთოდურობით შეუდგება მომავალი საქორწინო ცერემონიალისთვის მზადებას. საკუთარი ხელით მორთავს მაგიდებს სადღესასწაულოდ, იზრუნებს სუფრის სერვირებასა და ათასგვარ წვრილმან-მსხვილმან დეტალზე. მათ შორის კაბაზეც, რომლის ხარისხსაც ნაკერების სიზუსტით და ქსოვილის ფაქტურის ქიმიურ-ბიოლოგიური ექსპერტიზის ანალიზით გადაამოწმებს.



სასწორი - მისთვის პარტნიორული ურთიერთობების გარეშე ცხოვრება უფერული და მოსაწყენია. ამიტომ იგი ყოველთვის ცდილობს იყოს შეყვარებული, თუმცა ოჯახის შექმნის გადაწყვეტილებამდე ადვილად ვერასოდეს მიდის, საკუთარი მერყევი ხასიათის გამო. აქედან გამომდინარე, მისი მორიგი „ლოვ-სთორის“ წარმატებით დასრულების ალბათობა, მთლიანად პარტნიორის ინიციატივიანობას და პრინციპულობაზეა დამოკიდებული. სამაგიეროდ, თუ ეს პუნქტი უმტკივნეულოდ მოგვადრდა, სასწორის ნიჭი ყველაფერში ჰარმონია და სილამაზე ეძებოს, საქორწინო ცერემონიალის დაგეგვმასა და ჰაეროვანი, მოდის უკანასკნელი ტენდეცნიების გათვალისწინებული კაბის არჩევაში სრულფასოვნად გამოვლინდება.


ასევე დაგაინტერესებთ:

 ზოდიაქოს ყველაზე ბედნიერი ნიშნები

ზოდიაქოს ყველაზე ბედნიერი ნიშნები
"ნუ დაედევნები ბედნიერებას, ის ყოველთვის თქვენშია" - ამბობდა პითაგორა. ზოგს ეს დიდი დოზით ეძლევა, ზოგს კი ნაკლები.
თებერვლის სექსუალური ჰოროსკოპი
სიყვარულის დღე და აღმოსავლური ახალი წლის დასაწყისი ამჯერად ერთმანეთს თითქმის ემთხვევა.
ყველაფერი ნერვებზე: ზოდიაქოს ყველაზე რთული ნიშნები
ცხოვრების თანამგზავრის, თუნდაც მეგობრის ვარსკვლავების მიხედვით შერჩევა რთულია, თუმცა რაღაცების გათვალისწინება ღირს, თუ რა თქმა უნდა, გჯერათ, რომ ვარსკვლავები არ მოგატყუებენ.
რა ელით ზოდიაქოს ნიშნებს სიყვარულში 2018 წელს
ყვითელი ძაღლის წელიწადი საერთო ჯამში კარგ წელს გპირდებათ.