მოსაწყენი ადამიანების 10 ჩვევა

ფსიქოლოგების უმრავლესობა მიიჩნევს, რომ თუ თქვენი ცხოვრება მოსაწყენია, მაშინ პრობლემა არა გარემოებებში, არამედ თქვენშია.

ამის გამოსავლენად კი არსებობს უამრავი მინიშნება.


არ უსმენენ მოსაუბრეს
ასეთ ადამიანთან დიალოგი რთულია, რადგან ის ან გამუდმებით დუმს და თქვენს საუბარზე მხოლოდ თავის დაქნევით რეაგირებს ან პირიქით, შეუჩერებლად ჰყვება ისტორიებს საკუთარი ცხოვრებიდან და სიტყვის თქმის საშუალებასაც არ გაძლევთ.


არ რეაგირებენ სხეულის ენაზე
თუ საქმე მოსაწყენ მოსაუბრესთან გაქვთ, არც კი ეცადოთ მისი გამოცოცხლება ჟესტიკულაციის ხარჯზე, რადგან მისგან საპასუხო რეაქციას ვერ მიიღებთ.


არ შეუძლიათ მოსაუბრის გაცინება

ადამიანის იუმორის გრძნობა

სინამდვილეში იმის მიმანიშნებელია, რომ მას აზრის სხვადასხვაგვარად შეფასება შეუძლია და მოვლენებს მრავალი კუთხით განიხილავს. მოსაწყენი ადამიანი კი, როგორც წესი ინფორმაციას ისე იღებს, როგორც მისამდე მიაღწევს და მისი „გადაკეთებით“ თავს არ დაიღლის.


ერთსა და იმავეს აკეთებენს
მოსაწყენ ადამიანებს კომფორტის ზონიდან გამოსვლა აშინებთ, ამიტომ გამუდმებით ერთსა და იმავე ადგილებს სტუმრობენ.


საუბარს მხარს არ უჭერენ
მოსაწყენი ადამიანისგან ამა თუ იმ სიტუაციაზე სხვადასხვა ვერსიას ვერასდროს მოისმენთ, რადგან მათი მოფიქრება უბრალოდ ეზარებათ.


არ აქვთ საკუთარი აზრი
მოსაწყენი ადამიანისგან ხშირად მოისმენთ ბანალურ ფრაზებს, რომლებიც მანამდეც გაგიგიათ. ისინი საკუთარი აზრის ფორმირებას არ ახდენენ და მომხდარზე მხოლოდ იმას იმეორებენ, რაც მოისმინეს.


არ აქვთ ისტორიების მოყოლის უნარი
თუ მოსაუბრე საკუთარი თხრობით ვერ დაგაინტერესებთ, მათ უბრალოდ დაავიწყდათ ემოციების განცდა და გარშემო მყოფების მიმართ თანაგრძნობის გამოხატვა.


არ შეუძლიათ საკუთარი თავის სხვის ადგილზე წარმოდგენა
სხვა ადამიანის მდგომარეობის გაგება ნიშნავს იმას, რომ ადამიანი მასშტაბურად აზროვნებს, მზადაა სხვადასხვა სოციალური როლი მოირგოს და არ იყოს საკუთარი ცრურწმენების ტყვეობაში.


მოსაყოლი არაფერი აქვთ
მათ ცხოვრებაში იშვიათად ხდება ისეთი რამ, რასაც სხვებს გაუზიარებენ. ამიტომ გასაკვირი არ არის, თუ არ ეცოდინებათ სად იყიდება ყველაზე გემრიელი ჰამბურგერი ქალაქში ან ვერ შეძლებენ თვის მთავარ კინოპრემიერებზე საუბარს.


საუბრობენ თემებზე, რომლებიც მხოლოდ მათთვისაა საინტერესო
მოსაწყენი ადამიანისთვის სულერთია ის, რომ თქვენ არ გაინტერესებთ მისი ისტორიები - როგორ ვერ შეძლო კვლავ მანქანის გარეცხვა, ვერ გადმოწერა სმარტფონისთვის პროგრამა და ა.შ. ჰყვება თემებზე, რაც მხოლოდ მისთვისაა საინტერესო.
ანა ვერძაძე

20 მარტივი რჩევა ბედნიერი ცხოვრებისთვის

რატომ იღლები ასე ძალიან და რა უნდა მოუხერხო ამ პრობლემას

like
0

კომენტარის დამატება

სახელი*
აღწერა*
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.