ქართველი მსახიობი თორნიკე გოგრიჭიანი BBC-ის ერთ-ერთ ყველაზე წარმატებულ პროექტში Vigil მიიღებს მონაწილეობას
ბრიტანული სატელევიზიო დრამა Vigil, რომელიც BBCის ერთერთ ყველაზე წარმატებულ პროექტად იქცა და საერთაშორისო ემის მფლობელიც გახდა, მესამე სეზონით ბრუნდება. ახალი ეპიზოდების გადაღებები სექტემბერში დაიწყო შოტლანდიასა და არქტიკის რეგიონებში, სადაც სიუჟეტი ახალ, დრამატულ და ატმოსფერულ გარემოში გადადის. ყველაზე სასიამოვნო სიახლე კი ქართველი მაყურებლისთვის ის არის, რომ ახალ სეზონში მონაწილეობას იღებს ქართველი მსახიობი თორნიკე გოგრიჭიანი. გოგრიჭიანი ამჯერად საერთაშორისო პროექტში ერთერთ ახალ პერსონაჟს განასახიერებს. მისი სახელი უკვე გამოჩნდა ბრიტანული გამოცემების სიებში, მათ შორის Radio Times და Deadline, რომლებიც სერიალის მესამე სეზონის ახალ შემადგენლობაზე წერენ. მსახიობი ისეთ ცნობილ ბრიტანულ ვარსკვლავებთან ერთად მოხვდა, როგორებიც არიან სურან ჯონსი Suranne Jones და როუზ ლესლი Rose Leslie, რომლებმაც წინა სეზონებში დიდი აღიარება მოიპოვეს.