ჯენიფერ ენოსტონმა და დევიდ შვიმერმა ერთმანეთი საკულტო სერიალის - "მეგობრების" გადასაღებ მოედანზე გაიცნეს და მას შემდეგ, უკვე მრავალი წელია, მათი სიყვარულისა და მეგობრობის ისტორია რეალურ ცხოვრებაშიც გრძელდება:

1994 წლის 22 ექტემბერს NBC-ზე "მეგობრების" პრემიერა შედგა და მას შემდეგ, რეიჩელისა და როსის წყვილი არაერთმა მაყურებელმა შეიყვარა. სერიალი 10 წლის განმავლობაში რეიტიგების სათავეში იყო და დღემდე მას ბევრი გულშემატკივარი ჰყავს. შოუს ბოლო ეპიზოდი 2004 წლის მაისში გამოვიდა და დასასრულს ზუსტად ისეთივე რეზონანსი მოჰყვა, როგორც სერიალის დასაწყისს.

ჯენიფერ ენისტონისა და დევიდ შვიმერის გმირებმა მაყურებელს არაერთი ამაღელვებელი სცენა შესთავაზეს და მათ სიყვარულს ბევრი ადამიანი გულშემატკივრობდა. გულშემატკივრობა კი იმდენად ძლიერი იყო, რომ ფანებს სურდათ, მსახიობებს ურთიერთობა რეალურ ცხოვრებაშიც გაეგრძელებინათ...

ფინალში რეიჩელი სამსახურის შეთავაზების გამო, პარიზში გადასასვლელად ემზადება. როსი კი მიხვდება, რომ შეყვარებულია და მისი გაშვება არ უნდა. აეროპორტში გაიქცევა, სიყვარული აუხსნის და სთხოვს, არ წავიდეს. რეიჩელი კი მაინც ჩაჯდება თვითმფრინავში და თითქოს, ყველაფერი სრულდება... თუმცა, ყველაფერი ბედნიერად დასრულდა, რადგან რეიჩელმა გამგზავრება ვერ შეძლო და როსს სიყვარულში თავადაც გამოუტყდა.

მას შემდეგ, რაც სერიალის გადაღებები დასრულდა, მთავარმა გმირებმა ერთმანეთთან მეგობრობა და სიყვარული შეინარჩუნეს და პერიოდულად, საზოგადოებაშიც ერთად ჩნდებოდნენ. მაგალითად, 2019 წელს ჯენიფერ ენისტონმა საკუთარ ინსტაგრამზე მეგობრებთან ერთად გადაღებული სელფი გამოაქვეყნა და უამრავი თბილი და დადებითი კომენტარი მიიღო.

"ახლა ჩვენც Instagram-ის მეგობრები ვართ. გამარჯობა, ინსტაგრამ." - დაწერა ენისტონმა.

2021 წლის 27 მაისს ჯენიფერმა და დევიდმა აღიარეს, რომ პირველ სეზონებში მათ ერთმანეთი რეალურად უყვარდათ, მაგრამ სრულყოფილი ურთიერთობის შესაქმნელად არაფერი გააკეთეს.

"პირველ სეზონში ჯენი ძალიან მიყვარდა და ვფიქრობ, რაღაც მომენტში ორივე შეყვარებულები ვიყავით." - თქვა შვიმერმა. მსახიობმა დაამატა, რომ ერთმანეთის მიმართ გრძნობებს არ გამოხატავდნენ, რადგან მარტო არ იყვნენ. "ეს თითქოს ორ პოლუსს ჰგავდა, რადგან ერთ-ერთ ჩვენგანს ყოველთვის ჰქონდა სხვა ურთიერთობა და ამ ზღვარს პატივს ვცემდით." - თქვა შვიმერმა. ენისტონმა კი რეიჩელისა და როსის პირველი კოცნა გაიხსენა და თქვა, რომ რეალური გრძნობაც თავიანთ გმირებს დაუტოვეს.

"ჩვენი რეალური გრძნობები, სიყვარული და პატივისცემა უბრალოდ ჩვენს გმირებს, როსსა და რეიჩელს დავუტოვეთ." - თქვა ჯენიფერ ენისტონმა.

"მახსოვს, პირველი ორი წელი, როდესაც რეპეტიციებს შორის შესვენებები გვქონდა, იყო მომენტები, როცა დივანზე ერთმანეთს ვეხუტებოდით და ვფიქრობდი, როგორ ვერავინ ხვდებოდა, რომ ერთმანეთი მართლა გვიყვარდა." - აღნიშნა ჯენიფერმა. სერიალის სხვა მსახიობებმა კი თქვეს, რომ ამ ურთიერთობის შესახებ იცოდნენ, თუმცა ხმამაღლა არ საუბრობდნენ.

მსახიობები ამბობდნენ, რომ იმ პერიოდში ორივეს სხვა ადამიანთან ჰქონდა ურთიერთობა ამიტომაც, თავიანთი სიმპათია და სიყვარული ეკრანზე დატოვეს და რეალურ ცხოვრებაში მეგობრობა განაგრძეს.

ჯენიფერ ენისტონი ამბობს, რომ დევიდ შვიმერს რეალურ ცხოვრებაში არასოდეს შეხვედრია და სერიალის შემდეგ სეზონებში მეგობრობა განაგრძეს, ერთმანეთს მხარს უჭერდნენ და ყველაფერში ეხმარებოდნენ.

2021 წელს ინსაიდერებმა ისიც დაწერეს, რომ მსახიობები ერთმანეთს ხვდებოდნენ და ძველი ურთიერთობა გაიხსენეს. მაშინ ანონიმური წყარო წერდა, რომ ჯენიფერი და დევიდი დიდ დროს ერთად ატარებდნენ, სეირნობდნენ და ერთად ცხოვრობდნენ, თუმცა ფაქტი არც ერთ მათგანს არ დაუდასტურებია.

მიუხედავად იმისა, რომ გავრცელებულ ინფორმაციას მსახიობების წარმომადგენლები პრესაში გამოეხმაურნენ და თქვეს, რომ სიცრუე და ფაბრიკაციაა, წყვილის თაყვანისმცემლები მაინც იმედოვნებდნენ, რომ მათი საყვარელი მსახიობები რეალურ ცხოვრებაში, ამდენი წლის შემდეგ მაინც გაერთიანდებოდნენ. ინფორმაციას იმდენად დიდი გამოხმაურება მოჰყვა, რომ ჯენიფერმა Entertainment Tonight-თან შემდეგი კომენტარი გააკეთა.

"მესმის, რომ ადამიანებს ძალიან უნდათ, თავიანთი ფანტაზიები და ოცნებები ახდეს, მაგრამ ჩვენ შემთხვევაში ასე არ მოხდება. დევიდი ჩემი მეგობარია."

დევიდ შვიმერმა 2007 წელს ბრიტანელ მხატვართან, ზოი ბაკმენთან დაიწყო ურთიერთობა და მასზე 2010 წელს იქორწინა. 2017 წელს წყვილი დაშორდა. მათ ერთი საერთო ქალიშვილი ჰყავთ.

ჯენიფერ ენისტონმა კი 2000 წელს ბრედ პიტზე იქორწინა. ეს ქორწინება 2005 წელს განქორწინებით დასრულდა. 2014 წელს კი ჯასტინ ტერუზე დაქორწინდა. წყვილი ერთმანეთს 2018 წელს დაშორდა.

ჯენიფერი და დევიდი კი მეგობრობას განაგრძობენ და დღემდე შესანიშნავი ურთიერთობა აქვთ.