30 წლის წინ კიანუ რივზი და სანდრა ბალოკი საკულტო ფილმის "სიჩქარე“ ("Speed") გადასაღებ მოედანზე გაერთიანდნენ და მას შემდეგ მათი მეგობრობა არაერთ ბედნიერ მოგონებასა და მხარდაჭერის ისტორიას აერთიანებს.

"კიანუსთან თავს ძალიან კომფორტულად ვგრძნობდი. მეჩვენებოდა, რომ ყველაფრის გაკეთება შემეძლო. მსახიობის მიმართ ასეთი ნდობის ჩამოყალიბება ძალიან იშვიათია." - გაიხსენა სანდრა ბალოკმა 50 MPH podcast-ის დროს, ფილმზე საუბრისას. (ასევე დაგაინტერესებთ: "ვიდრე მოვკვდები, ვიდრე ამ პლანეტას დავტოვებ, მინდა, რომ კიანუსთან ერთად კამერის წინ კიდევ ვითამაშო. არ აქვს მნიშვნელობა, როგორ მდგომარეობაში ვიქნები..." - სანდრა ბალოკი კიანუ რივზთან თანამშრომლობას იხსენებს და მასთან მეგობრობაზე საუბრობს)

პირველი თანამშრომლობის დროს, ეკრანზე მათი წყვილი მაყურებელს იმდენად მოეწონა, რომ 2006 წელს გადასაღებ მოედანზე კვლავ შეიკრიბნენ და რომანტიკულ კომედიაში "The Lake House“ მიიღეს მონაწილეობა.

მსახიობები ერთმანეთის შესახებ სხვადასხვა ინტერვიუში ხშირად საუბრობენ და ამბობენ, რამდენად გაუმართლათ, რომ მეგობრობენ. მაგალითად, Spike Guys Choice Awards-ზე კიანუმ სანდრა ბალოკს შემდეგი სიტყვებით მიმართა: "სანდრა, შენ კეთილი გული გაქვს. საოცარი, ლამაზი და არაჩვეულებრივი ქალი და ნიჭიერი მსახიობი ხარ. შენნაირი არავინაა ამქვეყნად!"

სანდრა ბალოკი კი ამბობს: "კიანუ არის ბიჭი, რომელიც, ვფიქრობ, მეგობრობს ყველა ქალთან, რომელსაც ოდესმე შეხვედრია. არ მგონია, ამქვეყნად ვინმეს მასზე ცუდის თქმა შეეძლოს. ძალიან გაგვიმართლა, რომ ერთმანეთს შევხვდით, ერთად ვმუშაობთ და ვვახშმობთ. რაც უფრო მეტი დრო გადის, მით უფრო აღფრთოვანებული ვარ ამ კაცით."- ამბობს ის.

გაგიზიარებთ კადრებს, რომლებიც კიანუ რივზისა და სანდრა ბალოკის მეგობრობის ისტორიას ასახავს: