რიზ უიზერსპუნი თითქმის ერთი წელია, ფინანსისტ ოლივერ ჰაარმანს ხვდება. ორი წარუმატებელი ქორწინების შემდეგ, 49 წლის მსახიობი სერიოზული ურთიერთობისთვის კვლავ მზადაა.

უარყოფითი გამოცდილების გამო, რიზ უიზერსპუნი დაქორწინებას არ ჩქარობს და როგორც წყვილთან დაახლოებული ანონიმური წყარო ამბობს, დაქორწინებამდე მათ ერთმანეთთან თავსებადობა უნდა შეამოწმონ.

აღსანიშნავია, რომ წყვილი ცოტახნის წინ საცხოვრებლად ნიუ-იორკში, მანჰეტენზე ერთად გადავიდა. ოლივერის საინვესტიციო კომპანიის შტაბ-ბინაც იქ მდებარეობს. ასევე, იქვეა სერიალის "დილის შოუს" გადასაღები მოედანი, სადაც უიზერსპუნი ერთ-ერთ მთავარ როლს ასრულებს.

"რიზი დაქორწინების კუთხით აჩქარებას არ აპირებს, მაგრამ საყვარელ მამაკაცთან ერთად ცხოვრებაში პრობლემას ვერ ხედავს. იმედოვნებს, რომ ერთად ცხოვრება და ოლივერთან რეგულარული შეხვედრები დაამტკიცებს, რომ მის მიმართ გრძნობები ჭეშმარიტია და რომ ის ნამდვილად ის მამაკაცია, ვისთან ერთადაც სურს, დარჩენილი ცხოვრება გაატაროს." - ამბობს ინსაიდერი.

რიზ უიზერსპუნმა და ოლივერმა ურთიერთობა 2024 წლის ზაფხულში დაიწყეს. შემოდგომაზე კი მსახიობმა ბიზნესმენს საკუთარი შვილები გააცნო. უიზერსპუნი ოლივერთან შეხვედრამდე დარწმუნებული იყო, რომ სერიოზულ ურთიერთობას აღარ დაიწყებდა, რადგანაც წინა ორი განქორწინება მისთვის ძალიან მტკივნეული აღმოჩნდა. თუმცა, როგორც ჩანს, ბიზნესმენმა მსახიობის გულის მოგება მაინც მოახერხა.

შეგახსენებთ, რომ უიზერსპუნის პირველი ქმარი მსახიობი რაიან ფილიპი იყო. რიზმა ის 1997 წელს, მისი 21-ე დაბადების დღის წვეულებაზე გაიცნო. ისინი 1999 წელს დაქორწინდნენ. თუმცა, შვიდწლიანი ქორწინების შემდეგ, დაშორება გადაწყვიტეს. მათ ორი საერთო შვილი - 25 წლის ავა და 21 წლის დიკონი ჰყავთ. (ასევე დაგაინტერესებთ: ვარსკვლავები და მათი შვილები, რომლებიც იმდენად ჰგვანან ერთმანეთს, რომ ხშირად არა დედა-შვილად, არამედ დებად მოიხსენიებენ)

განქორწინებიდან ერთი წლის შემდეგ რიზი წვეულებაზე ჯიმ ტოტს შეხვდა. 2011 წლის მარტში წყვილმა ოფიციალურად დაადასტურა, რომ ისინი ერთად იყვნენ. 2012 წლის ოქტომბერში კი ვაჟი, ტენესი შეეძინათ. ისინი ერთად ხშირად ჩანდნენ და გულშემატკივრები ფიქრობდნენ, რომ იდეალური ურთიერთობა ჰქონდათ. თუმცა, 2023 წელს დაშორების შესახებ განაცხადეს. ყოფილმა მეუღლეებმა დაშორების მიზეზებზე არ ისაუბრეს, მხოლოდ აღნიშნეს, რომ ისინი მეგობრებად დარჩნენ.

უიზერსპუნი ახალ ურთიერთობაზე საჯაროდ არ საუბრობს და პირად სივრცეს განსაკუთრებით უფრთხილდება.