ჟურნალი "ბომონდი"

”ექსპერიმენტების არ მეშინოდა” - რა წვლილი მიუძღვის გიგა აგლაძეს ჟურნალ ”ბომონდის” რებრენდინგში

წლების წინ, საქართველოში ცნობილმა მუსიკოსმა - გიგა აგლაძემ ჟურნალ "ბომონდის" რებრენდინგი განახორციელა, თუმცა კინოსა და მუსიკაში მოღვაწეობა არ შეუწყვეტია. დღესდღეობით ხელოვნების ყველა ჟანრი ახალ ფილოსოფიაში გააერთიანა - ღვინის კონცეპტუალური ბრენდი AG შექმნა.

ფოტოები, რომლებიც ბრაიან გრიფინმა ჟურნალ "ბომონდს" აჩუქა

 ბრიტანელი ფოტოგრაფი, ბრაიან გრიფინი მსოფლიოსთვის ვარსკვლავებისა და უცნობი ადამიანების სახასიათო პორტრეტებით და მუშათა კლასის ცხოვრების ამსახველი ნამუშევრებითაა ცნობილი. 2015 წლის ივნისის თვეში, ის საქართველოს, ფოტოფესტივალ "ქოლგას" ფარგლებში სტუმრობდა. გრიფინმა ჟურნალ "ბომონდს" საჩუქრად თავისი ფოტოები გადასცა.

თბილისის მოდის კვირეულის სპეციალური სტუმარი, სილვია გობელი, რომელმაც ავთანდილის ჩვენებაში მიიღო მონაწილეობა

სილვია გობელი მსოფლიომ 1981 წელს გაიცნო, როდესაც ფრანგულ Vogue-ში ჰელმუტ ნიუტონის ფოტოსესია Big Nudesგამოქვეყნდა. ის თბილისს 2016 წლის Mercedes-Benz-ის მოდის კვირეულის ფარგლებში ეწვია და ავთანდილის ჩვენებაში მიიღო მონაწილეობა.

არა ნაადრევ ქორწინებას!

უყურებ ფოტოსესიას და გიკვირს - ლამაზი მოდელები, გემოვნებიანი საქორწინო კაბები, ნიჭიერი ფოტოგრაფის კადრები...

სტილის სიმბოლოდ აღიარებული თანამედროვე ქალები - ივანე ქეშიკაშვილის ბლოგი
ჩემი ბლოგის საშუალებით ხშირად მისაუბრია გასულ საუკუნეში მოღვაწე მოდისა და სტილის ლეგენდებზე. ადამიანებზე, რომლებმაც უდიდესი კვალი დატოვეს არა მხოლოდ თავიანთი პროფესიული უნარ-ჩვევებით, არამედ საკუთარი სტილითა და ჩაცმულობით. თითქოს, იმ ეპოქის ყველა მანდილოსანს საკუთარი სტილი და ნიშა ჰქონდა. დღესდღეობით ეს ყველაფერი იკარგება და ყველა ერთმანთს ემსგავსება. არ ვიცი, შესაძლოა ეს დღეს დამკვიდრებული ტენდენციების ბრალიც იყოს, რომ „მასთ ჰევ“ გახდა სხვადასხვა ნივთისა და სამოსის ტარება. მაგრამ მაინც არსებობენ ადამიანები, რომლებიც ტენდენციების კი არა, საკუთარი სტილის მიმდევრები არიან. ხშირად მათ მოდისა და სტილის თანამედროვე ქალღმერთებად ან მოდის გავლენიან ფიგურებად მოიხსენებენ. მინდა წარმოგიდგინოთ სხვადასხვა პროფესიის თანამედროვე მანდილოსნები, რომლებმაც საკუთარი ჩაცმულობითა და სტილით მთელი მსოფლიო აალაპარაკეს. ისინი ბოლომდე ინარჩუნებენ საკუთარ ხედვას და იმის მიხედვით ირჩევენ ამა თუ იმ დიზაინერის სამოსს. ისინი არ მოერგნენ ტენდენციებს და არ გახდნენ მისი მსხვერპლნი, არამედ საკუთარ ხედვასა და სტილს მოარგეს ტენდენციები იმ დოზით, რომ ინდივიდუალურობა და საკუთარი ხელწერა არ დაეკარგათ. ალბათ, ამიტომაც არიან სხვადასხვა ცნობილი გამოცემების ხშირად განხილვადი პერსონები, დიზაინერებისა და მოდის სახლის ინსპირაციის წყარო თუ მათი საპატიო სტუმრები.



მსგავსს ქალბატონებზე საუბრისას, ერთ-ერთი პირველი, წარმოშობით იტალიელი, ამერიკელი მომღერალი ლედი გაგა მახსენდება. გაგას სტილი და ჩაცმულობა, როგორც წესი, მთელი მსოფლიოს განხილვის საგანი ხდება ხოლმე. მომღერალი უკვე ათი წელია წარმატებით განაგრძობს კარიერას. მას ხშირად უგემოვნოდ ჩაცმულსაც უწოდებენ, მაგრამ ავიწყდებათ ის ფაქტი, თუ რამდენად ინდივიდუალური და განსხვავებულია. ხშირად განსხვავებული და არაორდინალური სტილი, უგემოვნოდ აღიქმება. ეს მარტივი ფსიქოლოგიის ბრალია და არა, მაგალითად, გაგას ალექსანდრ მაკქუინის ლუქის. ლედი გაგამ გამოჩენის პირველი დღიდან მსოფლიოს ყურადღება საკუთარი ვოკალური შესაძლებლობების გარდა, ჩაცმულობითაც მიიქცია. ექსპერიმენტების მოყვარული ხორცის კაბითაც კი წარმდგა წითელ ხალიჩაზე და დღეში შვიდჯერაც გამოუცვლია სამოსი.



გაგას ერთ-ერთი ყველაზე დასამახსოვრებელი ლუქი 2010 წლის MTV VMA-ის წითელი ხალიჩის ჩაცმულობაა, რომელზეც ალექსანდრ მაკქუინის იმჟამინდელი ბოლო კოლექციის კაბით წარდგა, ფეხზეც მაკქუინის ცნობილი “არმადილოს“ ფეხსაცმელი ეცვა და თავზე ცნობილი მექუდის, ფილიპ ტრეისის, აქსესუარით ებურა. რა თქმა უნდა, ეს არ იყო პირველი შემთხვევა, როდესაც გაგა მაკქუინის კაბით გამოჩნდა საზოგადოების წინაშე. მომღერალი გამოჩენის პირველივე დღიდან ბრენდის უდიდესი გულშემატკივარი და მოყვარულია. ასევე აღსანიშნავია ის ფაქტიც, რომ ალექსანდრ მაკქუინის ბოლო ჩვენება, ვიდრე დიზაინერი ტრაგიკულად დაასრულებდა სიცოცხლეს, სწორედ ლედი გაგას ჰიტებზე მიმდინარეობდა. გაგას სტილის საიდუმლო, უკავშირდება მის შემოქმედებასაც. მომღერალი საკუთარი ალბომების მიხვედით იმოსება, ანუ ის უკავშირებს სამოსს სიმღერებს. ამიტომაც აღიქმება, რომ გაგას შემოქმედება, როგორც მისი ჩაცმულობა „ერებად“ არის დაყოფილი.



ბოლოს მომღერალმა საზოგადოება ვენეციასა და ტორონტოში გააოცა. მოგეხსენებათ, მალე შედგება ლედი გაგასა და მსახიობ ბრედლი კუპერის ერთობლივი ფილმის “A Star is Born”-ის მსოფლიო პრემიერა. ვენეციის კინოფესტივალზე პრემიერის დროს, გაგა წითელ ხალიჩაზე ცნობილი იტალიური ბრენდის, ვალენტინოს „ოტ კუტურის“ ვარდისფერი კაბით გამოჩნდა. ფილმის ჩვენება არ იყო დასრულებული, რომ გაგას ლუქმა და პაპარაცულმა ფოტოებმა მთელი მსოფლიოსა და მოდის პრესის ყურადღება დაიმსახურა. რაც შეეხება ტორონტოს კინოფესტივალს, გაგამ კვალ შეძლო არმანი პრაივის ხავერდის შავი კაბით, სახელოებიდან ორგანზის დიდი ბურთით, რომლის ტრანსფორმაციაც მოახდინა და ბოლეროდ აქცია, გაეოცებინა მსოფლიო. ასევე ის ფაქტი, რომ გაგას სიმღერები აქვს მიძღვნილი ალექსანდრ მაკქუინისთვის „Alejandro“ და ” დონატელა ვერსაჩესთვის „Donatella“, კიდევ ამოწმებს და ამყარებს იმ ფაქტს, რომ მომღერლისთვის დიდი ინსპირაციაა მოდა და სტილი. თავადაც არაერთი ცნობილი ბრენდის სახე და კოლექციის ინსპირაცია გამხდარა.



მსოფლიო მოდის პრესა უკვე აქტიურად განიხილავს ცნობილი ამერიკელი ჩოგბურთელის სერენა უილიამსის სტილსა და ჩაცმულობას. 36 წლის სპორტსმენი მართლაც აოცებს საზოგადოებას საკუთარი ლუქებითა და სტილით. ის არაერთხელ მოხვდა ვოგისა და სხვა ცნობილი მოდის გამოცემების ყდაზე. მსოფლიო ჩემპიონი, რომელიც ახლა უკვე დედაც გახდა, ორსულობის დროსაც ბევრ გადაღებაში იღებდა მონაწილეობას. ის ყოველთვის ჩნდება სხვადასხვა ბრენდის ჩვენებასა თუ მოდურ წვეულებაზე და განსაკუთრებულ ყურადღებას იქცევს. სპორტსმენი თვით ამერიკული ვოგის რედაქტორის, ანა ვინტურის, ახლო მეგობარი და საყვარელი ქალი ჩოგბურთელია. წითელი ხალიჩის ლუქების გარდა, ყოველთვის გამორჩეულია სერენას ჩაცმულობა კორტებზე მატჩის დროს. სერენა კორტებზე სკანდალური ლუქით პირველად 2002 წელს ამერიკის ჩემპიონატზე წარდგა.



სპორტსმენი მოკლე შავი ლიკრის „Catsuit”-ით გამოჩნდა კორტებზე, რომელმაც მსოფლიო პრესაში დიდი ხმაურით ჩაიარა. მისი შემდეგი ეპატაჟური გამოსვლა 2004 წელს შედგა, როდესაც ის კორტებზე ჯინსის მოკლე კაბითა და მაღალი ჩექმებით გამოვიდა. ვერავინ იფიქრებდა, თუ ის ამ ფორმით ითამაშებდა, რადგან კორტებზე მაღალი ჩექმით თამაში აკრძალულია. ეს არაფერია იმასთან, როდესაც სერენა 2008 წელს თამაშზე თეთრი ტრენჩით მოვიდა. აღსანიშნავია ის ფაქტიც, რომ უილიამსს ჰქონდა სპეციალური ხაზი პუმასთან, ხოლო 2004 წლიდან მან ხელი მოაწერა 40 მილიონ დოლარიან შეთანხმებას ნაიკთან.



ჩოგბურთელმა 2009 წელს გამოუშვა ხელჩანთებისა და სამკაულების კოლექცია. 2015 წელს ის გახდა პირველი შავკანიანი ქალი ათლეტი, რომელიც მოხვდა ვოგის ყდაზე. ამავე წელს, ნიუ-იორკის მოდის კვირეულის ფარგლებში, სერენამ გაიმეორა სამკაულების ახალი კოლექცია. ბოლო ყველაზე ხმაურიანი აჟიოტაჟი მისი ჩაცმულობის გამო, გასულ მაისს საფრანგეთში 2018 წლის თამაშების გახსნაზე იყო. სერენა სხეულზე მჭიდროდ მომდგარი კოსტიუმით გამოჩნდა, რომელიც მისი ახალი ბრენდის Serena-ს კოლექციიდანაა. საფრანგეთის ჩოგბურთის ფედერაციის პრეზიდენტმა, ბერნარ გიუდიჩელიმ სერენას ჩაცმულობა დაბლოკა და კომენტარი გააკეთა „ეს მიღებელია. ის პატივს უნდა სცემდეს თამაშს და მის ლოკაციას“. პერსონალური ჩაცმის სტილი ყოველთვის მისაღები არ არის და მას კლიშეებში აქცევენ.



ნახეთ სრულად ჟურნალი "ბომონდის" ოქტომბრის ნომერში.

ასევე დაგაინტერესებთ: 
ივანე ქეშიკაშვილის ბლოგი - დღეს მოდაშია ყველაფერი
ძველი ჰოლივუდის გლამური - ივანე ქეშიკაშვილის ბლოგი
სინდი კროუფორდი - კლასიკური სილამაზე და ამერიკელი მამაკაცის ოცნება
მისი სიმაღლე 177 სმ-ია, ყავისფერი თვალები და წაბლისფერი თმა აქვს. პარამეტრები - 86-66-89.
1980-1990 წლებში ყველაზე პოპულარულ სუპერმოდელთა სიაში ირიცხებოდა და არაერთი ჟურნალის გარეკანზე ჩნდებოდა, იყო პოდიუმების დედოფალი და მოდური კომპანიების სახე. 1989 წელს კი "რევლონის" სახეც გახდა. ლაპარაკია სინდი კროუფორდზე, ამერიკელ მოდელზე. ის პირველი სუპერმოდელია, რომელმაც ჟურნალ "ფლეიბოისთვის" გაიხადა ფოტოგრაფ ჰერბ რიცთან მუშაობისას. სინდი კროუფორდი მსოფლიოში თითქმის 600 ჟურნალის გარეკანს ამშვენებდა, მათ შორის, ისეთებს, როგორიცაა:Vogue, W, People, Harper’s Bazaar, ELLE, Cosmopolitan და Allure.



საყვარელი საჭმელი: ყველი და შოკოლადი
ჰობი: მოგზაურობა, ვარჯიში, კითხვა, ცხობა
საყვარელი კოქტეილი: "მარგარიტა"
საყვარელი მუსიკა: 90-იანების
საყვარელი ბრენდი: პრადა'და გუჩი,
საყვარელი ქალაქი: მალიბუ
შეყვარებულები: Robert De Niro, John Enos III (1994), Jon Stewart (1994), John Kennedy Jr. (1995), Jon Bon Jovi (1995), Val Kilmer (1996),
ქმრები: Richard Gere (1987-1995) da Rande Gerber (1997-dRemde)
შვილები: ორი



სინდი კროუფორდი 1966 წლის 20 თებერვალს დექალბში, ილინოისის შტატში, ჯონ კროუფორდისა და ჯენიფერ სიუს ოჯახში დაიბადა. მისი ნამდვილი სახელია სინტია ენ კროუფორდი. მოდელის მამა ელექტრიკოსი, დედა კი მედდა იყო. ჰყავს აგრეთვე ორი და. უმცროსი ძმა სამი წლის ასაკში ლეიკემიით გარდაიცვალა, რამაც მთელი ოჯახი ხანგრძლივ დეპრესიაში ჩააგდო. მშობლები ბევრს არ გამოიმუშავებდნენ, თუმცა ამას ხელი არ შეუშლია სინდისთვის, სკოლაში ევლო და ბეჯითად ესწავლა. მასწავლებლები ხაზგასმით აღნიშნავდნენ მის შრომისმოყვარეობას.

მომხიბვლელმა გოგონამ დექალბის საშუალო სკოლა დაამთავრა, შემდეგ კი ჩიკაგოს გარეუბანში, დასავლეთის უნივერსიტეტში სამედიცინო ინჟინერიის ფაკულტეტზე ჩააბარა, თუმცა მხოლოდ ერთი მეოთხედი ისწავლა. მან უნივერსიტეტი მოდელობის გამო მიატოვა. თავდაპირველად ფოტოგრაფ ვიქტორ სკრებნესკისთან თანამშრომლობდა ჩიკაგოში, 1986 წელს კი მანჰეტენზე გადავიდა.



სინდის გამორჩეული ნიშანი ზედა ტუჩთან ხალია, რომლის წყალობითაც ის არაერთ სარეკლამო რგოლში გადაიღეს, დაწყებული შოკოლადის სარეკლამო კამპანიიდან, დასრულებული მოდური კოსმეტიკით. თუმცა, კარიერის დასაწყისში, უამრავი ჟურნალის გარეკანიდან მისი ხალი გამქრალია.
ათლეტური ფიგურა, გამომხატველი მზერა, მაღალი ღაწვები და საფირმო ხალი სამოდელო საქმეში მისი წარმატების გარანტი გახდა. იმ წლებში სინდი სილამაზის ეტალონად მიიჩნეოდა.

მალე სინდის მამა ავად გახდა და გოგონამ გადაწყვიტა, როგორმე შეშველებოდა ოჯახს. მან სიმინდის მოსავლის სეზონზე ჩვეულებრივ დამხმარედ დაიწყო მუშაობა, რამაც რადიკალურად შეცვალა მისი ცხოვრება. იგი სრულიად შემთხვევით გაზეთის ფოტოგრაფმა, ვიქტორ სკრებნესკიმ აღმოაჩინა, მაშინ, როდესაც 16 წლის გოგონა საზაფხულო სამუშაოზე ყანაში სიმინდის ტეხით იყო გართული და სურათი გადაუღო. ფოტო იმდენად შთამბეჭდავი იყო, რომ ვიქტორმა სინდის ფოტოობიექტივის დედოფალი შეარქვა. ერთი ფოტოც საკმარისი აღმოჩნდა, რომ სინდის სამოდელო სააგენტოდან შემოთავაზება მიეღო. მან ჯონ კასაბლანკას `წლის სახის - (Look of the Year) კონკურსში მიიღო მონაწილეობა და მეორე ადგილზე გავიდა.

1989 წლიდან 1995 წლამდე სინდის MTV-ზე გადაცემა "სახლის სტილი~ მიჰყავდა. 90-იანების შუა წლებში სინდი პეპსისა და პეპსის შუფუთვის რეკლამებში გადაიღეს. 1995 წელს კი მან პირველად შეასრულა ფილმში როლი, თანაც მთავარი; ფილმის სახელწოდებაა "პატიოსანი თამაში", სადაც მშვენიერ მოდელს პარტნიორობას მსახიობი უილიამ ბოლდუინი უწევს. მოდელის შესრულების მანერა კრიტიკოსებს არ მოეწონათ, ამიტომაც ფილმმა მკაცრი გაკიცხვა დაიმსახურა და გაქირავებებშიც ჩავარდა.



ფილმის გადაღებაზე დახარჯული 50 მილიონი დოლარიდან კი მხოლოდ 10 მილიონის ამოგება იქნა შესაძლებელი. მას მერე სინდიმ არაერთი მეორეხარისხოვანო როლი განასახიერა, თუმცა კრიტიკოსებს თავი ვერ მოაწონა და არც მოგების მომტანი ფილმები გამოდგა.

არადა, როგორ უნდოდა, რაღაცით დაკავებულიყო, მოზღვავებული ენერგია დაეხარჯა და ხალხისთვის თავი არ დაევიწყებინა. ერთხელაც მეგობარმა ურჩია, შენი არაჩვეულებრივი გარეგნობით შეგიძლია გამამხნევებელი ვარჯიშების სატელევიზიო შოუ გააკეთოო. სინდის რჩევა ჭკუაში დაუჯდა და საქმესაც ჩაუჯდა. დაუღალავმა შრომამ გაამართლა _ ყველაზე წარმატებული მისთვის სწორედ ვიდეოზე გადაღებული ვარჯიშები აღმოჩნდა და მილიონობით ეგზემპლარი გაიყიდა მთელ მსოფლიოში.



სინდი რამდენიმე მოდური სახლის სახეც იყო, მაგალითად:Gianne Versace, Escada და სხვა. ცნობილმა დიზაინერმა კარლ ლაგერფელდმა სინდიზე თქვა: "მასში თავმოყრილია კლასიკური სილამაზე და ყოველი ამერიკელი მამაკაცის ოცნება". მას თავის დროზე მეტსახელიც ჰქონდა; როდესაც სამოდელო ბიზნესში შეაბიჯა, მოდელ ჯია მარი კარანჯისთან მსგავსების გამო, "პატარა ჯიას" ეძახდნენ. ასევე ერთ-ერთი ყველაზე წარმატებული იყო წლები, როცა "რევლონის" სახედ მოიაზრებოდა. იგი 1989 წელს გახდა ამ ბრენდის სახე და 11 წელი არ შეუცვლიათ.

სინდი 1991 წელს მსახიობ რიჩარდ გირს გაჰყვა ცოლად, მათ ერთად 1995 წლამდე იცხოვრეს. ერთმანეთი ერთ-ერთი ფოტოგრაფის წვეულებაზე გაიცნეს. სინდი ოთხი წელი ხვდებოდა მას, სანამ 42 წლის რიჩარდმა არ "გარისკა" და ხელი არ სთხოვა 25 წლის სუპერმოდელს. მათი ოჯახური თანაცხოვრება ხანმოკლე აღმოჩნდა, ქმარი საჭიროზე მეტად ეჭვიანი აღმოჩნდა. მიუხედავად ამისა, სინდი გირს მთელი ცხოვრება თავის გურუს უწოდებდა.



1998 წლის 29 მაისს სინდი რენდი გერბერზე გათხოვდა, ვისთანაც ორი შვილი შეეძინა: პირველი — პრესლი უოლქერი 1999 წლის 2 ივლისს და მეორე — ქაია ჯორდანი 2001 წლის 3 სექტემბერს. ორივეს დღემდე წარმატებით იღებენ სარეკლამო რგოლებში. გოგონა სილამაზით დედას დაემსგავსა, მასავით იდეალური ფიგურა აქვს და ინსტაგრამზე მილიონობით ხელმომწერი ჰყავს. რენდი ბიზნესმენია, ფლობს რესტორნებისა და ღამის კლუბების ქსელს.

სინდი კროუფორდი ამჟამად კალიფორნიაში, მალიბუში ცხოვრობს. როგორც აღვნიშნეთ, სინდის ძმა ადრეულ ასაკში ლეიკემიით გარდაიცვალა, ამიტომ მოდელი ბოლო წლებში სპეციალურ ცენტრს უდგას სათავეში, რომელიც უპატრონო ბავშვებში ლეიკემიის გამოვლენასა და მკურნალობას ემსახურება.
2016 წელს, როდესაც სინდის 50 წელი შეუსრულდა, გამოუშვა ავტობიოგრაფიული წიგნი სახელწოდებით: "ცხოვრება და აღფრთოვანება" (Bეცომინგ), რომელიც თავისი ახალგაზრდობის იმ წლებს მიუძღვნა, როცა მოდელად მუშაობდა.

2005 წელს მან ცნობილ ფრანგ კოსმეტოლოგ დოქტორ ჟან-ლუი სებასთან ერთად კოსმეტიკური ფირმა დააარსა, რომელსაც
Meaningful Beauty  უწოდეს. იმავე წელს გამოჩნდა სინდის დიზაინით დაინტერესება და გამოუშვა კოლექციის პირველი ხაზი თავისი მოდის სახლისთვის - Cindy Crawford Home Collection, რომელიც სუპერმოდელის გემოვნების გათვალისწინებით იყო შექმნილი. "მერწმუნეთ, არავინ იცნობს თქვენს ბრენდს თქვენზე უკეთეს. სამუშაოზე ყოველთვის დროზე და მომზადებული მოდით. ისწავლეთ გუნდთან ერთად მუშაობა"  - აი, სამი კარიერული პრინციპი, რომელსაც სინდი გვირჩევს არა როგორც ლამაზმანი და სუპერმოდელი, არამედ როგორც წარმატებული ბიზნესვუმენი.



2018 წლის მსოფლიო საკრუიზო კოლექციები - რა უნდა ვატაროთ ზაფხულში?
საკრუიზო კოლექცია - ასეთი დასახელება ხშირად მოგვხვდება ხოლმე თვალში, მოდური ჟურნალების ან საიტების დათვალიერებისას. მაგრამ ვიცით კი, რით განსხვავდება საკრუიზო კოლექცია სხვა ბრენდებისგან? რატომ ჩნდება იგი მაინცდამაინც შემოდგომის დასაწყისში, მაგრამ გაზაფხული-ზაფხულის მიმართულების ნაწარმს გვთავაზობს, მაშინ, როცა ამ სეზონისთვის შესაფერისი სამოსის დრო კარგა ხნის გასულია? იმიტომ, რომ საკრუიზო კოლექცია ზღვის სეზონისთვისაა შექმნილი.

თუკი მოდის ისტორიას თვალს გადავავლებთ, შევამჩნევთ, რომ ცნება `საკრუიზო კოლექცია~ პირველად მეოცე საუკუნის 80-იან წლებში გაჩნდა და პიკს 90-იანებში მიაღწია. ეს ის დრო იყო, როცა მდიდარ ადამიანებში ჩამოყალიბდა ტენდენცია, ცივი და წვიმიანი შემოდგომის ამინდები თბილ ქვეყნებში გაეტარებინათ, თან ემოგზაურათ და თან დაესვენათ. განსაკუთრებით პოპულარული გახდა ხანგრძლივი კრუიზები მდიდრული თბომავლებით. აფრიკასა და აზიის ქვეყნებში მოდური სამოსის შეძენა ერთობ პრობლემური იყო, გარდერობში არსებული ძველი კოლექციის ტანსაცმლისა თუ ფეხსაცმლის ტარება კი სამოგზაუროდ არავის სურდა. სწორედ ეს გახდა მიზეზი, ამ ადამიანებს მიემართათ თავიანთი მოდელიერებისთვის თხოვნით, შეექმნათ ახალი, მდიდრული, განსხვავებული და მოდური, რაც ხაზს გაუსვამდა მათ სტატუსს და კომფორტული იქნებოდა მოგზაურობისას. მოდელიერებმა სწრაფად აიტაცეს ეს ტენდენცია და ყოველი წლის შემოდგომის დასაწყისში საზაფხულო საკრუიზო კოლექციების ჩვენება დაიწყო.



საკრუიზო კოლექციები მოიცავს როგორც საქმიან, სადღესასწაულო, ისე სპორტულსა და პლაჟისთვის განკუთვნილ კოსტიუმებს.
წლევანდელი, 2018 წლის საკრუიზო კოლექცია დიზაინერებს ერთობ ქალური, მკვეთრი, ჰაეროვანი და სტილდაცული გამოუვიდათ. ამასთან, მათ თანამედროვე ქალების ყველა სურვილი გაითვალისწინეს - ყველა ლუქი განსაკუთრებულია, მისაღები და მოსარგები ნებისმიერი ქალისთვის და ეს ყველაფერი ქალის სხეულზე დიდებულად გამოიყურება. გაგაცნობთ რამდენიმე მათგანს: საინტერესო იყო Dior-ის ახალი კოლექციის რესორტ 2018-ის სარეკლამო კამპანია. სურათებზე გამოსახული იყვნენ ბრენდის საკრუიზო კოლექციაში გამოწყობილი მოდელები, რომლებიც სეირნობენ მთებში და მოგზაურობენ ფურგონით - მათ Dior-ის ლოგოთი გაფორმებული თხელი კაბები და პალტოები აცვიათ, რასაც კოვბოის ქუდებსა და ეთნიკურ სამაჯურებს უხამებენ. დიზაინერმა მარია გრაცია კიურომ ჩვენება Dior-ის საკრუიზო კოლექციის შოუ ლას ვირხენესის კანიონზე, სანტა-მონიკას მთებში გამართა, სადაც ერთ-ერთი სტუმარი პოპვარსკვლავი რიანა იყო, რომელიც განსხვავებული იმიჯით წარდგა და კოლექციის სამოსიც მოირგო. დიზაინერის თქმით, კოლექცია ქალისა და ბუნების ურთიერთკავშირს ეძღვნება. სწორედ ეს გახდა სარეკლამო კამპანიის მთავარი თემა. ცნობილი ბრენდის ახალი სარეკლამო კამპანიის ფოტოები კეს ბერდს ეკუთვნის, კამპანიის სახეები კი მოდელები რუთ ბელი და გრეის ჰარცელი გახდნენ.

ჩვენება 8 მექსიკელმა ცხენოსანმა ქალმა გახსნა და დახურა, რომელიც მარია გრაცია კიურიმ ფოტოგრაფ დევინ დოილთან აღმოაჩინა. ცხენოსნების სამოსი კოლექციისგან დამოუკიდებლად შეიქმნა. მასში შევიდა Dior-ის საფირმო ჟაკეტები, მოცულობითი ქვედაბოლოები, რომლებიც კიურის კრეატიულ დირექტორად მოსვლის შემდეგ კოლექციებს არ ტოვებს და კრიტიკის მიზეზიც გახდა, მასიური ზონრიანი ფეხსაცმელი და ფართო ქამრები.
ხაკის, ქვიშისა და ბორდოსფერ ტანსაცმელში უხვად იყო გამოყენებული ფოლკლორული მოტივები, ანიმალისტური ნაქარგები და ტრადიციული ფრანგული პრინტი "ტუალ დე ჟუი".



ცნობილი ფრანგული ბრენდის Louis Vuitton-ის დიზაინერმა, ნიკოლა ჟასკიერმა ულამაზესი კოლექცია წარმოადგინა. ოქროსფერი ბოტფორტები, ბუმბულები და ფუტურისტიკა - ეს არის გარდერობი მომავლიდან.
მონაკოს, კალიფორნიული პალმ-სპრინგსის, ბრაზილიისა და იაპონიის ჩვენებების კვალდაკვალ, Louis Vuitton-მა, ნიკოლა ჟასკიერის ხელმძღვანელობით, საფრანგეთის პატარა ქალაქ სენ-პოლ-დე-ვანსში გამართა ჩვენება, რათა საკრუიზო კოლექცია გამოეფინა. მოდური შოუს ჩატარების ადგილად თანამედროვე ხელოვნების სამხატვრო ფონდის შენობა შეირჩა. ნიკოლა არც ამჯერად შემცდარა: თანამედროვე არქიტექტურის შედევრი ხმელთაშუა ზღვის ხედს ჰარმონიულად შეერწყა და კრუიზზეც ეფექტურად მიგვანიშნა.

ფრანგი დიზაინერი საკუთარ შემოქმედებაში საყვარელი თემის, რეტროფუტურიზმის პროვოცირებას განაგრძობს: მკაცრი ნაცრისფერი კუბოკრული, პლისირებული კოსტიუმები, აქცენტი მხრებზე, მეტალის ფაქტურა და 60-იანისა და 80-იანი წლების გაერთიანება...
იდეა პლანეტის ერთ-ერთ ყველაზე ნიჭიერ ილუსტრატორს, რედაქტორსა და კრეატიულ დირექტორ გრეის კოდინგტონს ეკუთვნის: "ცხოველების თემა მე და ნიკოლას დიდი ხანია გვაერთიანებს".
აქსესუარები, რომლებზეც ცხოველებია გამოსახული, მომავალ სეზონებზე ინსტაგრამის უდავო ლიდერი გახდება.
კოლექცია ინოვაციური და ფუტურისტული ბოტფორტებითაც დაგვამახსოვრდება.



Gucci-ს კრეატიული დირექტორმა, ალესანდრო მიკელემ თავისი ფანტაზია რელიგიისა და მოდის ურთიერთკავშირის თემად საკრუიზო კოლექციაში განავრცო. ალიკამპის ნეკროპოლში, რომელიც იმპროვიზებული პოდიუმი გახდა, დეკორაცია ჰორორ-ფილმისთვის გაამზადეს. ჩვენება მზის ჩასვლის შემდეგ დაიწყო, გარემო კი სანთლებით, პოდიუმზე დანთებული ცეცხლის ზოლებითა და ნისლით გაივსო.

"იდეა მნიშვნელოვან რამეს ითვალისწინებდა - საიქიო ცხოვრების სილამაზე მაქსიმალურად ყოფილიყო ნაჩვენები", – აღნიშნა მიკელემ და პოდიუმზე ბერები, ანგელოზები, მღვდლები და ჯადოქრები გამოიყვანა. ალესანდრომ კვლავ შეგვახსენა, რომ სილამაზე დეტალებშია დაGუცცი-ს კლასიკური ნივთები შეუხამა აქსესუარებს, რომლებიც ცალკე აღებული ბევრად უფრო ლამაზია.

ალესანდრო მიკელე Gucci-ს სახლთან თანამშრომლობამდე სამკაულების დიზაინერი იყო, ამიტომ მისი დეტალებისადმი ყურადღება არავის გაჰკვირვებია. ახალი საკრუიზო კოლექცია თითქოს საიქიოში მოგზაურობაა, კოლექციის აქსესუარები კი შუა საუკუნეების ევროპიდან შემორჩენილ სამუზეუმო ექსპონატებს მოგვაგონებს.



Emanuel Ungaro-ს საკრუიზო კოლექციის მთავარი თემა გახლდათ ყვავილების პრინტი, რომელიც აისახა კაბებზე, ქვედაკაბებზე, შარვლებსა და კოსტიუმებზე.
ბრენდმა ასეთი პრინტით კოლექციის დიდი სერია გამოუშვა.

Helmut Lang-მა ახალი საკრუიზო კოლექცია მსოფლიოს ტაქსის მძღოლებს მიუძღვნა. შეიძლება გაგეცინოთ, მაგრამ ჩვენება იმდენად შთამბეჭდავი გამოვიდა, მოდის მიმდევრები გააოგნა.
თავდაპირველად ბრენდმა Helmut Lang-ის კოლექციის Gლობალ თახი ნაწილი გვაჩვენა, რომლის რეკლამა ნიუ-იორკის ტაქსისტებთან თანამშრომლობით შეიქმნა. ახლა პროექტი ერთი ქალაქის ფარგლებს გასცდა და მას ჰონკონგის, ლონდონის, პარიზისა და ტოკიოს ტაქსისტებიც შეუერთდნენ.

ახალი კოლექციის ფერთა გამა სხვადასხვა ქალაქის ტაქსის ფერების მიხედვით შეირჩა: წითელი – ჰონკონგი, შავი – ლონდონი, ყვითელი და თეთრი – ნიუ-იორკი, თეთრი – პარიზი და მწვანე – ტოკიო. კოლექციის ფოტოები ახალგაზრდა პროფესიონალებმა გადაიღეს, რომლებზეც არა მარტო ტანსაცმელი, არამედ თითოეული ქალაქის დამახასიათებელი ნიშნები ასახეს.



Valentino-ს საკურორტო კოლექციისთვის დიზაინერი პიერპაოლო პიჩოლი გონებით 60-70-იანი წლების რომს დაუბრუნდა. შთაგონება კრეატიულმა დირექტორმა ფელინის, ვისკონტისა და პაზოლინის ფილმებში პოვა.
კოლექციაში შევიდა ყოველდღიური, თავსაფრის ფორმის კაბები და ჟაკეტები, ასევე შარვალი და პიჯაკი 70-იანი წლების სტილში. ახალ კოლექციაში დიზაინერმა წინა კოლექციის თემა – ლოგომანია განავრცო.



Alexander Mcqueen-მა კონტრასტების თამაშს მიმართა. სარა ბარტონმა წინასაშემოდგომო კოლექციის საკუთარი ვარიანტი წარმოადგინა, რომელიც აგვისტოში მაღაზიებს შეავსებს. Alexander Mcqueen-ის სახლის კრეატიულმა დირექტორმა აქცენტი კონტრასტებზე გააკეთა, რომლებიც ერთმანეთს მიიზიდავენ. დიზაინერმა ობრი ბერდსლეის ილუსტრაციების მოტივები გამოიყენა და ისინი კოსტიუმებად აქცია. კოლექციაში ერთმანეთის გვერდითაა ტყავი და გიპიური, ქალური და მამაკაცური სილუეტები, რომანტიკული მაქმანები და მეტალის დეტალები.

ნიუ-იორკში კი Prada-ს მეორე საკურორტო კოლექციის ჩვენება გაიმართა. "გავიხედოთ წინ, წარსულის უარყოფის გარეშე"  – მიუჩა პრადასთვის ეს დევიზი გახდა საფუძველი და ახალი კოლექცია დიზაინერმა 1990-იანებს მიუძღვნა.



მიუჩამ Prada-ს საარქივო კოლექციების ციტირება მოახდინა, აქცენტები კი ლოგომანიაზე, ქალურობასა და მრავალფენიანობაზე გააკეთა. პოდიუმზე გამოჩნდნენ შარვალპიჯაკიანები, ტყავის მინიბოლოკაბებიანი და მრავალფეროვნად დაპრინტულმაისურიანი მოდელები.

დღეს გავრცელებული ტენდენციით აქსესუარები უნდა იყოს უხეში, ულამაზო, ugly. ერთი შეხედვით, ასეთია კოლექციაში წარმოდგენილი გლუვცხვირიანი ფეხსაცმელი და გაფუებული "ყურებიანი" ქუდები.


ნახეთ სრულად ჟურნალი "ბომონდის" ივლისის ნომერში


ქეთი დარჩია



ასევე დაგაინტერესებთ:


ივანე ქეშიკაშვილის ბლოგი - დღეს მოდაშია ყველაფერი

მსოფლიოს ტრენდად ქცეული ემოციები - SOLD OUT !




Erdem - ბრენდი, რომელიც ნებისმიერ ქალს დაეხმარება გამოიყურებოდეს საუკეთესოდ
Erdem-ი მოდური ტანსაცმლის ბრიტანული ბრენდია. სახელი მარკას დამაარსებლის პატივსაცემად ეწოდა.



ბრენდი ერდემ მორალიოღლუმ 2005 წელს დააფუძნა და პირველივე ჩვენებიდან მიიპყრო პუბლიკის ყურადღება, დიდი მოწონება და კრიტიკოსების ქება დაიმსახურა. დიზაინერის პირველი კოლექცია ქალებს მიეძღვნა. მოდელები პოდიუმზე უზადოდ და რომანტიკულად გამოიყურებოდნენ, რამაც მაყურებელში დადებითი ემოციები გამოიწვია. გოგონები, რომლებიც ერდემის ტანსაცმლის დემონსტრირებას ახდენდნენ, განსაკუთრებულად ქალურები იყვნენ.

ერდემ მორალიოღლუ დაიბადა კანადაში, მონრეალთან ახლოს, სადაც ბავშვობა გაატარა. დედამისი ინგლისელია, მამა კი - თურქი. ერდემი მოდას, როგორც ხელოვნებას, კანადასა და დიდ ბრიტანეთში, სამეფო აკადემიის კოლეჯში სწავლობდა.



სკოლის დამთავრების შემდეგ, ტორონტოში რეიერსონის უნივერსიტეტში ჩააბარა, 2000 წელს კი ლონდონში გადასახლდა, რათა ვივიენ ვესტვუდის სახელოსნოში სტაჟირება გაევლო.
სამი წლის შემდეგ ერდემმა მაგისტრის ხარისხი მიიღო ქალის სამოსის პროექტირებისა და კერვის სფეროში.

ნიუ-იორკშიც გაემგზავრა, სადაც დიანა ფონ ფიურსტენბერგის ასისტენტად მუშაობდა. დაბრუნდა თუ არა ლონდონში, აქტიურად შეუდგა საკუთარი სავაჭრო მარკის ჩამოყალიბებას.
პირველი დამსახურებული ჯილდოს მიღების შემდეგ ლონდონის ოთხ მოდის კვირეულში მიიღო მონაწილეობა, 2007 წელს კი სვაროვსკის ბრიტანული მოდის პრემიით დაჯილდოვდა. 2009 წელს, ბრიტანული პორტალის გამოკითხვით, საუკეთესო ჩვენებების ათეულში ღირსეულად შევიდა.



როგორც მოდელიერი ამბობს, მისი შთაგონების წყარო სამი ცნობილი დიზაინერია - ივ სენ-ლორანი, მეინ ბოკერი და ჩარლს ჯეიმსი.
პირველი, რასაც ერდემის კოლექციებში ადამიანი ყურადღებას აქცევს, ქსოვილების ფერთა გამაა. ყვავილებით დახატული მოკრძალებული სილუეტი მარკის სავიზიტო ბარათია.

ერდემმა შემოიტანა მოდაში მაქმანები, ვიქტორიანული რუშები, ბრწყინვალე ფრანგული შიფონი და აბრეშუმი. მის კლიენტებს შორის არიან საყოველთაოდ ცნობილი პერსონები: კირა ნაიტლი, სიენა მილერი, მიშელ ობამა, კირსტენ დანსტი, ელ მაკფერსონი, კლაუდია შიფერი, კეიტ მიდლტონი და სხვები.



უნიკალური ქსოვილები - ეს არის ის, რაც ბრენდს სხვა მარკებისგან გამოარჩევს. ერდემ მორალიოღლუ თავად მოიაზრებს და ქმნის ქსოვილებს, ხატავს პრინტებს და ყოველ ფაქტურაში ფანტაზიას აქსოვს. ნაქარგები, ნახატები თუ ნაყშები, რომლებიც მის ქსოვილებზეა გამოყვანილი, ძველებურ ვიტრაჟებსა და ექსპრესიონისტთა ნამუშევრებს მოგაგონებთ. ამიტომ მის კოლექციებში წააწყდებით არ-დეკოსაც, ვინტაჟსაც, რომანტიკულ კლასიკასაც და ფუტურიზმსაც. უყურებ მის კაბებს და თვალწინ კლოდ მონე წარმოგიდგება... მისი ლარნაკები და კიდევ... ვანილის ცა. გეგონება ამ უზომო ფანტაზიის მქონე ადამიანის გონებაში ყველაზე გრძელი ზღაპრის იდეა მომწიფდა, რომელიც არა და არ მთავრდება.

ფერთა მკვეთრი პალიტრა ერდემის ძირითადი სტილია, ასევე - უზადო სილუეტები და ქსოვილთა ხარისხი. ყვავილების სამყარო მისთვის ამოუწურავი შთაგონების წყაროდ იქცა. ბრენდის მთავარ გმირ ქალს იგი მხოლოდ და მხოლოდ ორი სიტყვით ახასიათებს: "უნებლიეთ ლამაზი"და იქვე ამატებს, რომ ასეთი ქალები ჩვეულებრივ, ყვავილებით არ დადიან, გარდა ერდემის ყვავილებისა.



- ჩემი ყვავილები ზედმეტად ტკბილი და დაშაქრული არ არის, მასში წარმოჩნდება გრაფიკულობა და ძალაც კი! - ამბობს მორალიოღლუ.
იგი ინტერნაციონალურ ოჯახში დაიბადა, რამაც ბიძგი მისცა, თავის ნამუშევრებში შეეტანა როგორც აღმოსავლური, ისე დასავლური სამყაროს მოტივები.

- ყოველთვის მაინტერესებდა, როგორ გამოიყურება ქალი სხვადასხვა ქვეყანაში და რას აკეთებს იგი იმისთვის, რომ თავის სილამაზეს ხაზი გაუსვას. მაგალითად, დედაჩემი სენ ლორანის გარდა სხვა პომადას არ იკარებდა, სუნამოს კი მხოლოდ გერლენისას იპკურებდა. ამიტომაცაა, რომ ჩემთვის დღემდე ორივე მარკა ქალურობის კვინტესტენციად რჩება.



კლასიკური ხელოვნება კიდევ ერთი შთაგონების წყაროა მოდელიერისთვის. მის კოლექციებში არცთუ იშვიათად შეგხვდებათ პრერაფაელიტების და იმპრესიონისტების რეფერენსები. აკვარელის მოტივები ყველაზე ხშირად მისი გაზაფხული-ზაფხულის კოლექციებში ჩნდება, ხოლო პირქუში რომანტიკა შემოდგომა-ზამთრის კოლექციებისთვისაა დამახასიათებელი. თუმცა ერდემ მორალიოღლუ ბრმად როდი ციტირებს და მისი სამოსის ცალკეული დეტალები კონტექსტიდან ამოვარდნილი არასდროს არის. ყოველი მისი კოლექცია - ეს არის ცალკე ისტორია, რომელსაც თვითონ თავებად დაყოფილ რომანს უწოდებს, თითოეულ თავს კი Erdem-ი ჰქვია.

ერდემის სიყვარული ყვავილებისადმი მხოლოდ იმით არ შემოიფარგლება, რომ იგი ყვავილებიან ქსოვილებს ქმნის. პრინტის სახით იგი ხელით ნაქარგებს ანიჭებს უპირატესობას, ასევე მაქმანებს და ზემოდან დაკერებულ აპლიკაციებს.



სამშობლოდ ერდემ მორალიოღლუ ბრიტანეთს მიიჩნევს, მიუხედავად იმისა, რომ კანადაში დაიბადა და ნახევრად თურქია. ბრიტანეთსაც არანაკლებ უყვარს ერდემი, ამიტომაც დაიმსახურა მან უამრავი პრემია და ჯილდო. გარდა ამისა, 2014 წელს იგი წლის საუკეთესო დიზაინერადაც დაასახელეს. მანამ კი, 2010 წელს, როგორც ახალგაზრდა წარმატებულ დიზაინერს, `ვოგის~ მოდის ფონდმა ფულადი პრიზი - 200.000 გირვანქა სტერლინგი გადასცა.

ბრენდი გათვლილია ახალგაზრდა, მაგრამ ექსტრავაგანტური გოგონასთვის, რომელიც ცდილობს, ყოველთვის ნაზად და საყვარლად გამოიყურებოდეს. მაგრამ ნიჭიერი დიზაინერის მოდელების უნივერსალურობა იმაში მდგომარეობს, რომ მისი სამოსის ტარება მოწიფულ ქალსაც შეუძლია, მით უფრო, თუ იგი სულის სიღრმეში თავს ახალგაზრდად გრძნობს და ძლიერი სულისკვეთებით გამოირჩევა.



ერდემი - ეს არის ბრენდი, რომელიც ნებისმიერ ქალს დაეხმარება, ყოველთვის უზადოდ გამოიყურებოდეს.

ამჟამად ერდემ მორალიოღლუ ცხოვრობს და მუშაობს ბეტნალ-გრინში, ლონდონის ერთ-ერთ აღმოსავლეთ რაიონში. მკვეთრად გამოყვანილი სილუეტების, სამოსის ნოვატორული ფორმისა და ქსოვილების განსაკუთრებული შეფერილობის ერთობლიობა ბრენდის საოცრად რომანტიკულ და მგრძნობიარე სახეს აჩენს.

სვეტა კვარაცხელია

ვნების ინსტიქტი
ყოველთვის, როდესაც დამოუკიდებლად ვმოქმედებთ, ყველას გაგვაჩნია კონკრეტული მიზანი, რომელსაც პასუხისმგებლობა ახლავს თან.
თაკო ნაცვლიშვილის ტრიუმფი და ფიასკო პოდიუმზე
თაკო იმ ულამაზესი სამყაროს ნაწილია, ბავშვობაში Fashion TV-ს სიუჟეტებში რომ გვინახავს.
Carpe Diem! ვაჟა ქუჩულორია - თვითნასწავლი ფოტოგრაფი ინდივიდუალური ხედვით!
"ვფიქრობ, როცა რაღაც კარგად გამოგდის, არ უნდა გაჩერდე და ბოლომდე გამოცადო თავი.
ისტორია თანამედროვე ამორძალზე
შეგიძლია არაფერი ჰკითხო, მისი ნამუშევრები მოგიყვება იმ გამოცდილებებსა თუ შთაბეჭდილებებზე, რაც განუცდია-გადაუტანია.