ბომონდ-NEWS

7 იდეალური ვარცხნილობა

ჩაგეძინა და ვერ ასწრებ ვარცხნილობის გაკეთებას? - არ ინერვიულო! ეს 7 გამოსავალი გადაგარჩენს.

იდეალური "კარეს" 5 წესი და ექსპერტის რჩევები

კარე მუდამ მოდაშია.  იცით თუ არა საიდუმლოებები, თუ როგორ უნდა აქციოთ უბრალო ვარცხნილობა სადღესასწაულოდ? ამ საიდუმლოებებს Wella Professionals-ის სტილისტი, მარიანა რიძანიჩი გვიზიარებს.

რატომ უნდა გაიწმინდოთ კბილები ქოქოსის ზეთით?
აიურვედას ძველებურ სწავლებაში არსებობდა ასეთი მეთოდი - „კბილების წმენდა“ სეზამის ზეთით, რასაც პირის ღრუს გამაძლიერებელი ეფექტი აქვს. სილამაზის თანამედროვე ხრიკებში კი ამ მეთოდის „ფორმირება“ მოახდინეს და სეზამის ზეთი ქოქოსის ზეთით შეცვალეს.



დილით ადრე, ვიდრე კბილის პასტას და ჯაგრისს აიღებთ, პირში ერთი სუფრის კოვზი არარაფინირებული ორგანული ქოქოსის ზეთი ჩაიდეთ. თქვენი დავალებაა მისი დახმარებით 5 წუთის მანძილზე პირის ღრუ კარგად დაიმუშაოთ ისე, რომ არ გადაყლაპოთ: ამოძრავეთ ის ენის საშუალებით კბილებს შორის, დაიმასაჟეთ ღრძილები. ზეთს ძლიერი ეფექტი აქვს, ახდენს დეტოქს-ეფექტს და ათეთრებს ემალს.



პროცესი მოგაგონებთ მედიტაციას - პროცედურის დროს თქვენ ვერ შეძლებთ საუბარს.

ანა ვერძაძე
7 რჩევა ზაფხულის საუკეთესოდ  გასატარებლად
1  აუცილებლად გამოიყენეთ მზისგან დამცავი კრემი. შესაძლოა, თამამად ირუჯებოდეთ და არ უჩიოდეთ მზისგან დამწვრობას, მაგრამ პირველ დღეებში ნებისმიერი სახის კანისთვის კარგია მზისგან დამცავი, თუნდაც დაბალპროცენტიანი კრემის გამოყენება. წლის მანძილზე, ზაფხულიდან ზაფხულამდე, კანი ხდება დაუცველი და დიდი რაოდენობით მზის სხივების მიღება ხშირ შემთხვევაში დამწვრობას ან გაუხეშებას იწვევს.


არასოდეს გაჩერდეთ სანაპიროსა ან აუზზე ე.წ. პიკ პერიოდში (11 საათიდან 4 საათამდე). დროის ამ მონაკვეთში, მზე ყველაზე რადიაციულ სხივებს გამოყოფს, რაც პირდაპირ ებრძვის არა მარტო კანს, არამედ კანქვეშა ორგანოებსაც. შუა დღის მზეზე წოლა უტოლდება სოლარიუმში 2 საათის გატარებას.


3  ეცადეთ, აირჩიოთ დასასვენებელი ადგილი ან ზაფხულის ის მონაკვეთი ზღვაზე ან აუზზე წასასვლელად, როცა ტემბერატურა 32-34 გრადუსს არ აღემატება.


4  ხშირ შემთხვევაში, საცურაო აუზი ან სანაპირო წითელ ხალიჩად ან პოდიუმად გადაიქცევა ხოლმე. თუ ატარებთ საცურაო კოსტიუმის ზემოდან შემოსაცმელ კიმონოს ან კაბა-ხალათს, გაქვთ ნაჭრის ჩანთა და ფერადი მინის სათვალე, შეიძლება ითქვას, რომ თქვენი ლუქი მთელი სანაპიროს ან საცურაო აუზის აღფრთოვანების საგანია.



5  ჯანსაღი კვება ყოველთვის მისასალმებელია, მაგრამ განსაკუთრებით კარგია თქვენი სხეულისთვის თუ ჯანსაღ საკვებს, როგორიცაა ბოსტნეული, ხილი, ნატურალური წვენები, უპირატესობას მიანიჭებთ ზაფხულის ცხელ დღეებში, როდესაც დღის დიდ ნაწილს ატარებთ მზის ქვეშ. არასოდეს მიირთვათ ნაყინი და რძის პროდუქტები მზეზე.


6  სვით დიდი რაოდენობით წყალი! ზაფხულში სხეული ხშირ შემთხვევაში დეჰიდრადაციას განიცდის, განსაკუთრებით მაშინ, როდესაც მზეზე ვატარებთ დიდ დროს. ამ პერიოდში, აუცილებელია მივიღოთ დღეში 8-9 ჭიქა წყალი, მინერალური სასმელი ან უშაქრო ნატურალური წვენი, ჩვენი ჯანმრთელობისთვისა და სხეულის სასურველი ფორმის შესანარჩუნებლად.



7  აუცილებლად წამოიწყეთ ახალი ჰობი. ზაფხული საუკეთესო წელიწადის დროა რაიმე ახლის წამოსაწყებად. წლის მანძილზე უმეტესად არ გვრჩება დრო საკუთარი ინტერესებისთვის, ზაფხული კი გვაძლევს ამის საშუალებას. ზღვაზე და საცურაო აუზზეც კარგი იქნება თუ დაკავდებით აქვა აერობიკით, იოგით, წაიკითხავთ წიგნს ან თუნდაც დაწერთ რაიმე ჩანახატს. ერთი სიტყვით, არც თუ ისე სასარგებლო რუჯის მიღების დროსაც კი, შეგვიძლია დავგეგმოთ ჩვენთვის სასარგებლო აქტივობები.



ივანე ქეშიკაშვილი
2018 წლის 7 საუკეთესო ვარცხნილობა
თავისუფლად შეგვიძლიათ ვთქვათ, რომ მოდური ზაფხული უკვე დადგა. 
საუკეთესო beauty-ტრენდები  „გრემი-2017“-ის დაჯილდოვებიდან

წითელი ხალიჩა სეზონის საუკეთესო სილამაზის ტენდენციების გამოსავლენად ყველაზე ხელსაყრელი ადგილია.

ყავის 3 თვისება, რაც აუცილებლად უნდა იცოდეთ

სტატისტიკის მიხედვით ყოველწლიურად მსოფლიოში 760 მილიარდზე მეტი ჭიქა ყავა ისმევა. ბევრმა შესაძლოა არ იცის, რომ ეს არომატული სასმელი ადამიანის გონებაზე და კანზე დადებითად მოქმედებს და მას მძიმე დაავადებებისგანაც იცავს.

სილამაზის 100 წელი - როგორ იცვლება ქალის ფიგურის "იდეალურობა"

მოდა გამუდმებით იცვლება. ზოგჯერ ძველი სტილი ბრუნდება და ახლიდან გვახსნებს თავს. წლების წინ მიმზიდველ სხეულად მრგვალი ფორმები ითვლებოდა, შემდეგ ის კაცურმა აღნაგობამ შეცვალა. განიერი თეძოები კი გამხდარმა სხეულმა.. მოკლედ, იმისთვის, რომ გავიგოთ, თუ რატომ და როგორ იცვლებოდა შეხედულებები იდეალურ ქალზე, წარსულში მოგზაურობა მოგვიწევს.

ტოპ 7 მარტივი ვარცხნილობა. დაიბანე, გაიშრე და წადი!

თუ ვერ იტან, ერთი საათი სარკის წინ თმის დაყენებას, იცოდე, რომ არსებობს ვარცხნილობები, რომლებსაც არ სჭირდება სტილისტი და ბევრი წვალება.

"სილამაზის" მოკლე ისტორია
სილამაზის ძიება ყოველთვის დიდ რისკს უკავშირდებოდა. მაკიაჟის ტრადიცია უძველესი დროიდან არსებობდა. ძველი ეგვიპტელები მიხვდნენ, რომ თავის მოვლა და მაკიაჟი აუცილებელი იყო. ისინი სახის მოვლის საშუალებად, არც მეტი, არც ნაკლები, სირაქლემის კვერცხის, ნიანგის ექსკრემენტებისა და ღვიის ფოთლების ნიღაბს იკეთებდნენ. ბოლო 4000 წლის განმავლობაში დიდად არ შეცვლილა ჩინელი ქალების მაკიაჟიც. ისინი დაფქული ბრინჯისა და მარგალიტის ფერ-უმარილით უხვად იფარავდნენ სახეს და მცენარეების ექსტრაქტისგან დამზადებულ ტუჩსაცხს ისვამდნენ.



სხვადასხვა სტილური მიმდინარეობა მაკიაჟმა უკვე გასული საუკუნის დასაწყისში შეიძინა. 1930 წელს „ლაშ რულმა“ მომწამვლელი ნივთიერებები წამწამების საღებავში გამოიყენა, რომელიც დიდხანს ძლებდა და ფერს ინარჩუნებდა. იმდროინდელი ქალები აქტიურად იყენებდნენ ამ კოსმეტიკას, რის შედეგადაც სიბრმავის 16 და სიკვდილის რამდენიმე შემთხვევაც დაფიქსირდა. მხოლოდ ამის შემდეგ აკრძალეს ამ ნაწარმის გაყიდვა. ალბათ, ყველასთვის არ არის ცნობილი, რომ პირველი დეპილატორი კრემი „კარემლუ“ ვირთხების საწამლავის გარკვეულ რაოდენობას შეიცავდა. ეს ფაქტები უფრო ამყარებს ყველასთვის ცნობილ მოსაზრებას, რომ „სილამაზე მსხვერპლს მოითხოვს!“ 1760 წელს ირლანდიელი დიდგვაროვანი მარია განინგი ბევრი პუდრის წასმის გამო სისხლის მოწამვლით გარდაიცვალა. პრესამ მას „კოსმეტიკის მსხვერპლი“ უწოდა.



თანამედროვე ადამიანი ხშირად იცვლის ვარცხნილობას, დღეს ეს უფრო მარტივი და ხელმისაწვდომია. ხანგრძლივი და ეფექტიანი სტილის შექმნა დიდ ძალისხმევას მოითხოვს. სტილსა და თავის მოვლაზე საუბრისას, პირველ რიგში, ალბათ გასული საუკუნის ვარსკვლავები, ერთი ეპოქის სრულიად განსხვავებული ქალები გაგვახსენდება – მერილინ მონრო, გრეის კელი, ოდრი ჰეპბერნი, რომლებმაც თავის მოვლისა და სტილის საკუთარი ნიშა შექმნეს.



როდესაც სრულყოფილ პროპორციებზე ვლაპარაკობთ, ყველას უჩნდება დიეტის, პლასტიკური ქირურგიის ან სპორტული დარბაზის ასოციაცია. ფიზიკური სრულყოფისკენ სწრაფვამ, XIX საუკუნის ბოლოს ტრენაჟორების გამოგონებას, უამრავი სამედიცინო პროცედურის დანერგვას დაუდო სათავე. დღესდღეობით თანამედროვე მედიცინა სხეულის ყველა ნაწილის სრულყოფილ კორექციას უზრუნველყოფს. მიუხედავად ამდენი შესაძლებლობისა, სასიხარულოა, რომ ფიზიკური ვარჯიში კვლავაც ტენდენციურია.




ივანე ქეშიკაშვილი