კარიერა

კლასიკა, სიშიშვლე და პერფექციონიზმი - ლიზა ყენია Shotie BlackMore-ის ობიექტივში
სიშიშვლე - არ არის ტენდენცია, სექსუალურობა და სხეულის სრულყოფილი აღქმა სუბიექტურ ხედვაზეა დამყარებული.
კლასიკა, სიმკაცრე და პერფექციონიზმი - სწორედ ეს გახლავთ ქართველი ფოტოგრაფი Shotie BlackMore-ის „შემოქმედებითი იდენტობა“

ფოტოგრაფი არ ერიდება შავ-თეთრი ფილტრის გამოყენებას ფოტოებში და ყოველ პროექტზე ახალ ინტერპრეტაციებს გვთავაზობს.

Liza



PHOTO - SHOTIE BLACKMORE
MAKE UP - TAMTA BARAMIA
ყველაზე ახალგაზრდა მამა და 20 წლის წარმატებული მოდელი - ლაქი ბლუ სმიტი
ლაქი ბლუ სმიტი ერთ-ერთი ყველაზე წარმატებული მოდელი და ახალგაზრდა, 20 წლის მამაა. ლაქი პირველად მაშინ მოექცა ყურადღების ეპიცენტრში, როდესაც დებთან ერთად გადაიღო ცნობილმა ფოტოგრაფმა Hedi Slimane-მ "Vogue Homme Japan"-ისთვის.


ოდის კრიტიკოსები ამბობენ, რომ ყველაფერთან ერთად ლაქი ბლუ სმითის მთავარი კოზირი შეღებილი, ღია ფერის თმა იყო. დღესდღეობით ლაქი ყველაზე გავლენიანი დიზაინერების ჩვენებების პოდიუმს ამშვენებს. ყველასთვის ცნობილია, ვიდეორგოლოი ლედი გაგასთან “I want your love”, სადაც წარმატებულმა მოდელმა TOM FORD-ის სარეკლამო კამპანიაში მიიღო მონაწილეობა.


ლაქი ბლუ სმიტის რჩეული მსახიობი და მოდელი სტორმი ბრია. წყვილი ძალიან ბედნიერია ცხოვრების ახალი ეტაპით და სოციალურ ქსელებში სისტემატიურად ავრცელებენ ბავშთან ერთად გადაღებულ ფოტოებს




ანნა მარგველაშვილი - როგორია იყო პრეზიდენტის ქალიშვილი
ანნა მარგველაშვილი არაერთხელ აღმოჩენილა საზოგადოების ყურადღების ცენტრში. არაერთგვაროვანი დამოკიდებულების მიუხედავად, ყოველთვის გამოირჩეოდა თავისუფლებით და საკუთარი პოზიციის დაცვით. ეს თვისებები აქვს ჩვენს პრეზიდენტსაც. საპრეზიდენტო ვადა მალე იწურება. რა იქნება ჩვენს პოლიტიკურ ცხოვრებაში, უახლოეს მომავალში არჩევნები განსაზღვრავს. როგორ შეიცვლება პრეზიდენტის და მისი ქალიშვილის ცხოვრება?...
მარგველაშვილები, - პოლიტიკის, ინტრიგებისა და საპრეზიდენტო რეგალიებს მიღმა...

- ანნა, ბატონი გიორგი ყოველთვის იქცევდა საზოგადოების ყურადღებას, ჯერ როგორც პოლიტიკურ პროცესებში ჩართული პიროვნება, ხოლო შემდეგ, როგორც ჩვენი ქვეყნის პრეზიდენტი. შესაბამისად, თქვენც არაერთხელ აღმოჩნდით საზოგადოების ყურადღების სამიზნე. ხომ არ გაღიზიანებდათ მის ჩრდილში ყოფნა და თვითდამკვიდრების გზებს ხომ არ ეძებდით?

- არასდროს დამჭირვებია თვითდამკვიდრებისთვის ბრძოლა. შეიძლება იმიტომ, რომ თავისუფლად ვიზრდებოდი და ყოველთვის მქონდა საკუთარი პოზიცია და ხმა ოჯახში. მამა ყოველთვის მეამაყებოდა, ყოველთვის ვთვლიდი, რომ მამა ყველაზე ჭკვიანი იყო და ყველას ჯობდა. დღემდე ამ დამოკიდებულებას ვინარჩუნებ მის მიმართ. მგონია, რომ ოჯახის წევრებში ძალიან გამიმართლა.



- ვის და რა თვისებებით ჰგავხართ, ან განსხვავდებით მამისგან?

- გარეგნობით მას ვგავარ. ხასიათით, ალბათ უფრო დედას. მამას ვგავარ იმით, რომ ორივეს ემოციური, ფეთქებადი ხასიათი გვაქვს. ხდება ისეც, რომ ზოგჯერ ერთმანეთთან კომუნიკაცია გვიჭირს, კომპრომისზე მე მივდივარ. თავად პრინციპული ადამიანია, მისი აზრი ყოველთვის არგუმენტირებულია. ამდენად, თავის პოზიციას მყარად იცავს. ეს პოზიცია ეხება ყველას. ზოგადად, სამყაროს თუ ადამიანების მიმართ გაანალიზებული, ობიექტური, დასაბუთებული შეფასება აქვს. ცდილობს, ასე იყოს... თავის პრინციპებს არ ღალატობს.

- რა იყო თქვენი სასაუბრო თემა, რა საკითხს განიხილავდა თქვენთან?

- მახსენდება ის, რომ პირველივე წინააღმდეგობასა თუ პრობლემაზე მამას მივმართავდი. 15 წლის ასაკში, თუნდაც პირად ცხოვრებაში არსებული პრობლემების შესახებ მამამ ყველაფერი იცოდა. ჩემს აზრს ყოველთვის ვუზიარებდი. ყოველთვის მაძლევდა ჩემთვის მნიშვნელოვან რჩევას. დღემდე მახსოვს მისი ფრაზები, რომელსაც მიზიარებდა როგორც ცხოვრებისეულ კრედოს.

- ასეთი ფრაზებიდან რომელს გაიხსენებდით?

- მასწავლიდა პრინციპულობას. რაც ყველაზე მეტად ჩამრჩა გონებაში, თავმოყვარეობას ეხება - საკუთარი თავმოყვარეობა არასდროს არ უნდა შემელახა.

- ამასობაში თქვენს ცხოვრებაში პოლიტიკა შემოვიდა. როგორი გავლენა მოახდინა პოლიტიკამ თქვენს ცხოვრებასა და ურთიერთობაზე?

- პოლიტიკური ზეგავლენა ნაკლებად შეგვეხო... უფრო ის არის, რომ ურთიერთობისთვის ნაკლები დრო რჩება. მე თბილისში ვცხოვრობ, მამა დუშეთშია. ერთად ცოტა დროს ვატარებთ. თუმცა, როცა მასთან საუბარი მსურს, ყოველთვის გამოძებნის დროს. არაფერი შეცვლილა ჩვენ შორის.



- როგორ ფიქრობთ, პრეზიდენტის პოზიციაში რა იყო მისთვის მომხიბვლელი და თქვენ რას ელოდით?

- პოლიტიკაში უცებ არ აღმოჩენილა. პოლიტიკურ პროცესებში აქტიურად იყო ჩართული. წინა ხელისუფლების რეჟიმს ხშირად აკრიტიკებდა და ყოველთვის აფიქსირებდა თავის პოზიციას. ამ კითხვის ნაწილზე, ალბათ თავად უნდა გიპასუხოთ. ამ თემას არასდროს შევხებივართ. რაც შეეხება ჩემს მოლოდინს... ძალიან ნეგატიური რეაქცია მქონდა. პირდაპირ ვიტყვი, პოლიტიკური სიტუაციებიდან გამომდინარე, ძალიან შემეშინდა, მის სიცოცხლეს საფრთხე არ შეჰქმნოდა. მახსოვს, ბებიას დავურეკე და ვეუბნებოდი, რად გვინდა ეს ყველაფერი-მეთქი. ძალიან ვინერვიულე. მის გადაწყვეტილებას, რასაკვირველია, პატივს ვცემ და მას შემდეგ ამ საკითხს აღარ შევხებივარ, თუნდაც იმიტომ, რომ მის გადაწყვეტილებებში არასდროს შემიტანია ეჭვი. ეს ნაბიჯი გადადგა, რადგან ასე ჩათვალა საჭიროდ.

- რა შეიცვალა ანა მარგველაშვილის ცხოვრებაში?

- ამ კითხვას ყველაზე ხშირად სვამენ, რომელზეც პასუხი არასდროს მაქვს. რაღაც შეიცვალა იმ მხრივ, რომ უცებ ყურადღების ცენტრში აღმოვჩნდი. განსაკუთრებით ჟურნალისტების ყურადღება მივიქციე. თავიდან ძალიან არ მომწონდა, რომ ჩემი პირადი ცხოვრება განხილვის საგანი გახდა. მანამდე სოციალურ ქსელში აქტიურად ვიყავი ჩართული. ეს ყველაფერი იმდენად მოულოდნელი რაკურსით შემომიტრიალდა, რომ... ყველამ ჭკუის დარიგება დამიწყო. თავიდან ყველაფერი მაღიზიანებდა. მერე, მივეჩვიე. უფრო სწორად, ყურადღებას რადგან არ ვაქცევდი, თავისთავად განელდა ჩემ მიმართ ინტერესი. ვთვლი, რომ ჩემი თემა აღარ არის საზოგადოებაში აქტუალური.

- მოახდინა თუ არა საზოგადოებრივმა აზრმა თქვენზე გავლენა და შეზღუდა თქვენი თავისუფლება?

- არა. ადრეულ ასაკში მქონდა პერიოდი, როცა დავდიოდი კლუბებში, ვერთობოდი. ეს ყველაფერი ასაკობრივი იყო. შემდეგ გავთხოვდი, გამიჩნდა შვილი და სხვა ინტერესები გამიჩნდა. ვიდეოს ჩაწერის და სიმღერის სურვილმა გადამიარა. ამიტომ შედარებით მშვიდად დავიწყე ცხოვრება.

- ახლა რა ინტერესები გაქვთ, როგორია ანა პოლიტიკური რაკურსის და პრეზიდენტის ქალიშვილის იმიჯის გარეშე?

- ვმუშაობ. ამდენად, ჩემი ყოველი დღე სამსახურში წასვლით იწყება. შინ დაბრუნებული დროს შვილთან ვატარებ. ორი წლის გახდა. შესაბამისად, მეტი ყურადღება სჭირდება. მეც მეტ პასუხისმგებლობას ვგრძნობ. მინდა, მას არაფერი, მათ შორის ჩემი ყურადღება არ მოვაკლო. შაბათ-კვირას მეგობრებთან ვატარებ. ამ დღეებში ბავშვი მამას მიჰყავს და ახლაც, გადაღებაზე წამოსულმა ბებიასთან დავტოვე. ასეთია ჩემი ყოველდღიური ცხოვრება.



- ამასობაში, თავისუფლების სიყვარული, რაც თქვენში იგრძნობოდა, ხომ არ დაკარგეთ?

- სილაღეს არ ვიზღუდავ. საკუთარ პოზიციასაც ყოველთვის ვაფიქსირებ საზოგადოებაში. შეიძლება გავიზარდე. თქვენ თუ ჩაცმის გამომწვევ სტილს გულისხმობთ, ასე არასდროს მცმია. განა იმიტომ, რომ ვიღაცის აზრს ვითვალისწინებ, ასეთ სამოსში თავს კომფორტულად ვერ ვიგრძნობ. საცურაო კოსტიუმში გადაღებულ ფოტოებს დღემდე ვაზიარებ სოციალურ ქსელში. თუ ამას გულისხმობთ თავისუფლებაში...

- ტატუებს, რომელსაც ატარებთ, თავისი ისტორია აქვს?

- თითქმის ყველა ტატუ ორი წლის განმავლობაში გავიკეთე. ვფიქრობ, ტატუმ გამიტაცა და შევყევი... სიამოვნებით მოვიცილებდი ამ ჯვარს... თუნდაც იმიტომ, რომ ვერ ვხსნი, რატომ უნდა ვატარო. მეგობრებმა ერთნაირად გავიკეთეთ. მერე, იმან მოიცილა, მაგრამ მე დავიტოვე. ტატუს მოცილება ნაიარევს ტოვებსო და თავი შევიკავე. სხვა ტატუები ჩემი საყვარელი მულტფილმების გმირებია, რომლებიც მიყვარს. `არნოლდიდან~ მაქვს ჰელგა, რომელიც ჩემი საყვარელი პერსონაჟია. მაქვს მიკი მაუსებიც. მეორე ხელზე მამას ხელმოწერა გავიკეთე. რომელიც ყოველთვის მომწონდა. ერთხელაც მივედი მასთან და ხელი მოვაწერინე ისე, რომ არ იცოდა ჩემი ჩანაფიქრი. მეორე დღეს ტატუთი გამოვეცხადე.

- როგორი რეაქცია ჰქონდა?

- გაეცინა. ასეთ გადაწყვეტილებებში ჩემთვის წინააღმდეგობა არასდროს გაუწევია.

- ყოველთვის თავისუფლად გზრდიდათ?

- ყოველთვის მქონდა შეგრძნება, რომ ზრდასრული ვიყავი და ჩემი აზრი უნდა მქონოდა. თავად უნდა მიმეღო გადაწყვეტილებები.



- ასეთი მიდგომა დაგეხმარათ თუ ხელის შემშლელი აღმოჩნდა ცხოვრებაში?

- უფრო დამეხმარა, ასე გავიზარდე. მიჩვეული ვარ დამოუკიდებლობას. არც კი ვიცი, სხვანაირად რა უნდა ყოფილიყო. არასდროს გავუკონტროლებივარ ზედმეტი სატელეფონო ზარებით. მხოლოდ ერთი ამბავი მახსენდება... გარდატეხის ასაკში გამიბრაზდა და დამინიშნა დრო, რომლისთვისაც არ უნდა გადამეცილებინა. ეს იყო ღამის 11 საათი და ამ შეთანხმებას ყოველთვის ვიცავდი.

- საპრეზიდენტო ვადა იწურება... როგორ ხვდებით ახალ რეალობას?

- დაძაბული არაფერში ვარ, ვერ ვიტყვი, რომ რამე შეიცვლება. საპრეზიდენტო ვადა რომ იწურება, ძალიან მიხარია. პოლიტიკა მაინც პირადი ანგარიშსწორებისა და ინტრიგების სარბიელი მგონია. ეს განსაკუთრებით აშკარა ხდება, როცა საინფორმაციო საშუალებებს ისმენ. მამას მიმართ გამოთქმულ არასასურველ აზრს ყოველთვის ემოციურად აღვიქვამ, როგორც ყოველთვის, უსამართლოა. ისიც ვიცი, რატომ. აბსოლუტურად ყველა, ნებისმიერი მხარე პირადი ინტერესებიდან გამომდინარე მოქმედებს. ამ დროს ისეთი აგრესია მიჩნდება... ცუდად ვხდები. ეს რომ დასრულდება, მიხარია. დავისვენებ. მისი პოზიცია ნაკლებად ვიცი, არ მიკითხავს, რა ემოციით ტოვებს პრეზიდენტის სავარძელს. ეს მისი საზოგადოებრივი ცხოვრებაა და მისი გადასაწყვეტია. პოლიტიკაზე ჩვენ არასდროს გვისაუბრია. პოლიტიკით თავადაც არ ვარ დიდად დაინტერესებული. ისიც არ ვიცი, შემდგომ რას აპირებს, რისი გაკეთება სურს. მის გადაწყვეტილებას, ნებისმიერ შემთხვევაში, პატივს ვცემ. მე ვიქნები მისი პოზიციის გამტარებელი და ყოველთვის გვერდში ვეყოლები.

- რით იყო თქვენთვის მომხიბვლელი პრეზიდენტის ქალიშვილობა? როგორც ჩანს, არასდროს გამოგიყენებიათ ეს სტატუსი, რადგან არ დატოვებდა საზოგადოება უყურადღებოდ...

- ისევ მამას პიროვნებიდან გამომდინარე, მისი სტატუსი როგორ უნდა გამომეყენებინა, ვერც კი წარმომიდგენია. მის ირგვლივ, მგონი, არავის გამოუყენებია. არც არავის მოსვლია აზრად და არც თავად მისცემდა ამის უფლებას, არავის.



- როგორი სტილის სამოსი მოგწონთ, რაშიც თავს კომფორტულად გრძნობთ?

- მომწონს თავისუფალი სტილის სამოსი. უნდა იყოს აუცილებლად კომფორტული. ვერ ვიტყვი, რომ ეს ბოლომდე სპორტული სტილია... სამსახურისა და მამას ოფიციალური შეხვედრების გამო მიწევს კლასიკური სტილის სამოსის ტარებაც. ვფიქრობ, ეს სტილიც მოვიხდინე. კაბებს იშვიათად ვატარებ. რატომღაც, ვერ შევარჩიე. კლასიკური სტილიდან პიჯაკები, პერანგები და შარვლები მომწონს.

- როგორ ისვენებთ?

- ვისვენებ, ძირითადად, მეგობრებთან ერთად. ხშირად ერთად ვსეირნობთ, ხშირად ძაღლთან და ბავშვთან ერთად ვსეირნობ. უკან ჩამოვიტოვე აქტიური, კლუბური გართობა. აღარ მიზიდავს.

- არაჩვეულებრივი ხარისხის თმა გაქვთ. როგორ უვლით?

- არ ვიღებავ. ვცდილობ, არ მივიკარო უთოც. იყო პერიოდი, როცა სალონის ხშირი სტუმარი ვიყავი და სულ ვივარცხნიდი. შესაბამისად, ძალიან დავიზიანე. ახლა პირიქით, ბუნებრივად ვიშრობ და ზედმეტად არ ვეხები.

- სახის კანს როგორ უვლით?

- რა გითხრათ... საშინელებები მაქვს გადატანილი. მკურნალობის სპეციალური კურსის მერე მომიწესრიგდა. ახლა განსაკუთრებულად აღარც ვუვლი.

- თავს როგორ უვლით, სპორტით თუ ხართ დაკავებული? ფორმას როგორ ინარჩუნებთ?

- სპორტულ დარბაზებში სიარულის დრო არ მაქვს. მგონია, რომ დადგება ის ეტაპი, როცა სპორტული ცხოვრება დამაინტერესებს. რამდენიმე წელია, სწორი კვების რეჟიმს ვიცავ. როცა ასე ვიკვებები, ფიზიკურადაც თავს კარგად ვგრძნობ. ამოღებული მაქვს რაციონიდან ტკბილეული, ცომეული და გაზიანი სასმელები. როცა ამ რეჟიმს ვარღვევ, ძალიან ცუდად ვგრძნობ თავს, ორგანიზმი ვეღარ ეგუება.


ტექსტი: ქეთი დარჩია

Photo: Ika Khargelia
Mua/Style: Teko Shenken
Hair: Georege Eliadze
Apparel: Eloshi, Bessarion.



2018 წლის ყველაზე მაღალანაზღაურებადი მომღერლების სია ცნობილია!
Billboard-მა 2018 წლის ყველაზე მაღალანაზღაურებადი მომღერლების სია გამოავლინა. პირველობას შარშანდელის მსგავსად ჯგუფი U2 იკავებს, რომელმაც 54.4 მილიონი ამერიკული დოლარი გამოიმუშავა. მეორე ადგილს ქანთრი შემსრულებელი Garth Brooks იკავებს, რომელიც რამდენიმე წლიან ტურნეს ატარებდა. მან ჯამში 390 კონცერტი ჩაატარა და სახლში 52.2 მილიონი დოლარით დაბრუნდა. აღსანიშნავია ის ფაქტი, რომ ათეულში ერთადერთი ქალი შემსრულებელი Lady Gaga მოხვდა. ის სიაში მეექვსე ადგილს იკავებს და 2018 წლის ყველაზე მაღალანაზღაურებადი ქალი მომღერალია. იმის მიუხედავად, რომ მომღერალმა ტურნე სამწუხაროდ ვერ დაასრულა ჯანმრთელობის გაუარესების გამო, გაგამ 29.7 მილიონი დოლარი გამოიმუშავა.

ნახეთ ათეული.

თანხებს ჩამოკლებული აქვს დაბეგვრისა და სხვა გადასახადების ხარჯები, ჯამში 48,2 %.

1. U2 - 54.4M $



2. Garth Brooks - 52.2M $



3. Metallica - 43.2M $



4. Bruno Mars - 40.7M $



5. Ed Sheeran - 31.3M $



6.  Lady Gaga - 29.7M $



7. Billy Joel - 29.2M $



8. Guns N' Roses - 27.8M $



9. Roger Waters - 27.2M $



10. Coldplay - 26.5M $




ასევე დაგაინტერესებთ:

2018 წლის MTV-ის დაჯილდოების ნომინაციები ცნობილია!
როგორ იცვლება ანჯელინა ჯოლი 20 წლის მანძლზე

4 ივნისს ანჯელინა ჯოლი 43 წლის გახდა. მოდით, ვნახოთ, როგორ იცვლებოდა ვარსკვლავი ბოლო 20 წლის მანძილზე.

ინსტაგრამით გამომუშავებული მილიონობი - TOP 10
წარმოგიდგენთ მომღერლების ტოპ 10-ეულს რომლებსაც სოც. ქსელი ინსტაგრამი ყველაზე მეტს უხდის მხოლოდ 1 პოსტში.

1. სელენა გომეზი 207,000$ - 345,000$



2. არიანა გრანდე 184,000$ - 306,000



3. ბიონსე 173,000$ - 289,000$



4.ტეილორ სვიფტი 165,000$-275,000$



5. ჯასტინ ბიბერი 150,000$ - 250,000$



6. ნიკი მინაჟი 132,000$ - 221,000$



7. ჯენიფერ ლოპესი 114,000$ - 191,000$



8. მაილი საირუსი 114,000$ - 190,000$



9. ქეითი პერი 106,000$ - 176,000$



10. დემი ლოვატო 103,000$ - 172,000$



ლაშა ჟიჟიაშვილი
ალისია ვიკანდერი - ოსკაროსანი შვედეთიდან

ალისია ვიკანდერი შვედური წარმოშობის მსახიობია, სკანდინავიური და ჰოლივუდური კინოს ამომავალი ვარსკვლავი, რომლის დებიუტი დაიწყო დრამით - "ჩემი ბალზამირებული დედა". 2015 წლიდან, ტომ ჰულერის ფილმის, "გოგონა დანიიდან" პრემიერის შემდეგ, რომელმაც მას მეორეხარისხოვანი როლისთვის "ოსკარი" მოუტანა, მსახიობის პოპულარობა ერთიორჯერ გაიზარდა - უამრავ საინტერესო როლზე მიიღო შემოთავაზება.

ალისია დაიბადა 1988 წლის 3 ოქტომბერს, გოტებურგში, მრავალშვილიან ოჯახში. დედა, მარია ფალ-ვიკანდერი გოტებურგის თეატრის წამყვანი მსახიობია, მამა სვანტე ვიკანდერი კი - ფსიქიატრი. მარია მისი მეორე მეუღლე გახლდათ, პირველისგან ხუთი შვილი ჰყავს. სამწუხაროდ, სვანტე მეორე ცოლსაც გაშორდა, სწორედ მაშინ, როცა ალისია ხუთი თვისაც არ იყო.



შვედი ლამაზმანის აზრით, მას შესანიშნავი ბავშვობა ჰქონდა. დედის მხრიდან იგი ერთადერთი შვილი იყო, ამიტომ დედა ქალიშვილს უარს არაფერზე ეუბნებოდა. არც მამა აკლებდა ყურადღებას და როცა მის მრავალშვილიან ოჯახში სტუმრად ჩადიოდა, დიდი სიხარულით ხვდებოდნენ.

დედამ ადრეულ ასაკშივე შეაფასა ქალიშვილის მონაცემები - იგი არტისტული ნიჭით გამოირჩეოდა, ამიტომ ალისია შვედეთის სამეფო საბალეტო სკოლაში მოაწყო. გოგონა გულმოდგინედ სწავლობდა ბალეტს, მაგრამ რამდენიმე ტრავმის შემდეგ იძულებული გახდა, მიეტოვებინა. ამის მერე ჩააბარა სამართლის სკოლაში იურისპრუდენციის შესასწავლად, მაგრამ გული ვერ დაუდო, ამიტომ მალევე გადაწყვიტა, თავის ოცნებას გაჰყოლოდა და მსახიობი გამხდარიყო. თავიდან შვედურ მოკლემეტრაჟიან ფილმებში თამაშობდა, შემდეგ ითამაშა ერთ-ერთ შვედურ სერიალში, "დეკემბრის ოცნება", რომლის წყალობითაც, სკანდინავიაში ცნობილი გახდა. მაშინ ალისია 13 წლის იყო.
საბალეტო სკოლამ უდიდესი გავლენა მოხდინა გოგონაზე - მისი ბუნება გამოაწრთო.



2007 წელს ალისიამ ზედიზედ სამ მოკლემეტრაჟიან ფილმში ითამაშა: "სიბნელის ჭეშმარიტება", "წვიმა" და "ევა ჰიიოკი". ამ სურათებმა ამომავალ ვარსკვლავს ფართომასშტაბიანი პოპულარობა ვერ მოუტანა და შვედეთის ფარგლებს ვერ გასცდა, თუმცა მის კარიერაზე მაინც მნიშვნელოვნად იმოქმედა.

სამი წლის შემდეგ, ძველ მეგობართან შეხვედრის შემდეგ, რომელიც დამწყები რეჟისორი გახლდათ, დრამაში - "სისუფთავე" მთავარი როლი მიიღო. როლმა პირველი სერიოზული წარმატება მოუტანა - ჯილდო "ოქროს ხოჭო" - შვედური კინემატოგრაფის ყველაზე პრესტიჟული პრემია ნომინაციაში "წლის საუკეთესო მსახიობი".



2012 წელს ერთ-ერთ ევროპელ ამომავალ ვარსკვლავად დაასახელეს. ყურადღება მიიპყრო კირა ნაითლისა და ჯად ლოსთან ერთად "ანა კარენინაში" თამაშითაც, სადაც თავისი მსახიობური მონაცემები კიდევ ერთხელ გამოავლინა. სწორედ მაშინ მიიქცია ბრიტანული აკადემიის ყურადღება, როგორც მრავლისმეტყველმა ახალგაზრდა მსახიობმა და იგი სამუშაოდ ლონდონში გადავიდა. იმავე წელს ორ ფილმში ითამაშა - "სამეფო რომანი" და "სამეფო ძვირფასეულობა", რომლებშიც დედოფალ კეროლაინ მატილდეს როლი შეასრულა. ამ როლისთვის ალისიამ დანიური ენა შეისწავლა და ბერლინის კინოფესტივალის პრიზი დაიმსახურა.



2013 წელს ითამაშა ფილმში, "მეხუთე ძალაუფლება", სადაც მთავარი როლი ბენედიქტ კამბერბეჩთან ერთად შეასრულა. მოგვიანებით კიდევ ერთ შვედურ ფილმში, "ოტელი" გამოჩნდა.

2014 წელს ივენ მაკგრეგორთან ერთად მოუწია თამაშმა, ხოლო 2015 წელს ზედიზედ 6 ფილმში გადაიღეს. მისმა თამაშმა დიდი მოწონება დაიმსახურა. ითამაშა ასევე ჯეფ ბრიჯესა და ჯულიანა მურთან ერთად ფილმში, შევენტჰ შონ. დასამახსოვრებელი იყო X Machine, რომელმაც წარმატება მოუტანა და "ოქროს გლობუსის" ნომინაცია დაიმსახურა. შემდეგ ითამაშა გაი რიჩის, The Man From U.N.C.L.E.-ში, ეს გახლდათ 1964 წლის სერიალზე დაფუძნებული ფილმი.



2015 წელს ასევე მონაწილეობდა ფილმში,  Burnt -  ბრედლი კუპერთან ერთად. სცენარი მისთვის დაიწერა, ვინაიდან ფილმის პროდიუსერს ძალიან მოსწონდა ალისია ვიკანდერი.

ნახეთ სრულად ჟურნალი "ბომონდის" ივნისის ნომერში.

10 მსოფლიოში ყველაზე მაღალანაზღაურებადი მოდელი დასახელდა - ვინ გამოიმუშავებს ამ ლამაზმანებიდან ყველაზე მეტს?
ექსპერტებმა შეადგინეს სია, საიდანაც გაიგებთ, სუპერმოდელებს შორის ვინ გამოიმუშავებს ყველაზე მეტს საკუთარი სილამაზის წყალობით.
წარმატებული ქალის ყოველდღიური რუტინა - ჩვევები, რომლებიც აბედნიერებს
თქვენს ცხოვრებას თავად ქმნით, ამ მოსაზრებას არა ერთი წარმატებული ქალი ამტკიცებს. გთავაზობთ, თვითრეალიზებული და ბედნიერი ქალების ყოველდღიურ რუტინას, ანუ 7 ნაბიჯს, რომელიც აუცილებლად წარმატებამდე მიგიყვანთ.

1. ჩამოწერეთ გეგმა

დაფიქრდით და ჩამოწერეთ ყველაფერი, რასაც მთელი დღის განმავლობაში გეგმავთ. აღარაფერი დაგავიწყდებათ. თითოეულ დავალებაზე განსაზღვრეთ დრო და ეცადეთ მასში ჩაეტიოთ.

2. აკონტროლეთ დრო

ხშირად დახედეთ საათს. პუნქტუალურობა წარმატების ერთ-ერთი გასაღებია. მნიშვნელობა არ აქვს საქმიან შეხვედრაზე მიდიხართ თუ მეგობართან ერთად ვახშმობას აპირებთ.



3. იყავით თავაზიანი


ქალები დარწმუნებულები არიან, რომ კარიერული სიმაღლეების დასაპყრობად საჭიროა უხეშად და ქედმაღლურად იქცეოდნენ. ისე როგორც მირანდა ფილმიდან "ეშმაკი ატარებს პრადას." მსგავსი შემართებით ვერც ერთ კოლექტივში ვერ აგიტანენ და არც უფროსი მოითმენს თქვენს იმპერატიულ ტონს.

4. არ დაგავიწყდეთ ადამიანური ურთიერთობების ფასი

წარმატებული ქალები 24 საათს სამსახურს არ უთმობენ. წარმატებულად შეიძლება ჩაითვალოს ადამიანი, რომელიც ერთმანეთს იდეალურად უთავსებს ოჯახს, პირად სივრცესა და კარიერას.

5. პატივი ეცით საკუთარ სხეულს

თუ გსურთ რომ გონება კარგად გიმუშავებდეთ და ორიგინალურ იდეებს გაწვდიდეთ, სხეულზე ზრუნვა არ დაგავიწყდეთ. ძალიან გადატვირთულ რეჟიმშიც კი ვარჯიშისთვის დრო გამონახეთ.

6. გააგრძელეთ სწავლა

წარმატებული ქალები ყოველდღიურად ახალ ინფორმაციას სწავლობენ და უნარ-ჩვევებს ეუფლებიან. მონაწილეობა მიიღეთ კონფერენციებში, დაესწარით ტრენინგებსა და საჯარო ლექციებს.

7. არ მოდუნდეთ

კონკრეტული მიზნები დაისახეთ, როდესაც ერთ გეგმას ხორცს შეასხამთ არ მოდუნდეთ. შეადგინეთ თქვენი სურვილების სია. თუ ბრძოლას შეწყვიტავთ ვინმე თქვენს ადგილს დაიკავებს.
10 ფრაზა ქალებისთვის, მსოფლიოში ცნობილი ქალებისგან!

ადამიანებს შეუძლიათ გაპატიონ ჭკუა, ნიჭიც, მაგრამ სილამაზე - არასდროს!

პაპარაცებმა ანჯელინა ჯოლი ლოს-ანჯელესში ლანჩის დროს დააფიქსირეს.
მსახიობი ანჯელინა ჯოლი და მისი ვაჟი პაპარაცებმა ლოს ანჯელესში ლანჩზე მიმავალები დააფიქსირეს. მოგეხსენებათ 43 წლის მსახიობმა სავადმყოფო სულ ცოტა ხნის წინ დატოვა. ანჯელინას აწუხებს ანორექსია, რომელსაც რამდენიმე წელია მკურნალობს. ასევე შეგახსენებთ, რომ ანჯელინასა და მის ყოფილ მეუღლეს ბრედ ბიტს შორის მიმდინარეობს დავა შვილების აღზრდის შესახებ. გავრცელდა ინფორმაცია, რომ მომავალი თვისთვის მშობლებს შვილების აღზრდაში მონაწილეობის მიღება უკვე კანონით გადანაწილებული ექნებათ.

დაპირისპირება ანჯელინა ჯოლისა და ბრედ პიტს შორის ისევ გრძელდება!





2018 წლის MTV-ის დაჯილდოების ნომინაციები ცნობილია!
MTV-ის რიგით 35-ე დაჯილდოება 20 აგვისტოს ნიუ-იორკში გაიმართება. დაჯილდოებას წელს რადიო სითი მიუზიქ ჰოლი უმასპინძლებს. როგორც წესი დაჯილდოებამდე 1 თვით ადრე ხდება ცნობილი ნომინანტთა სრული სია. MTV გასული წლის ივნისიდან 2018 წლის ივნისამდე გამოშვებულ მუსიკალურ კლიპებს აჯილდოებს სხვადასხვა ნომინაციებში.



წელს ყველაზე მეტი ნომინაცია ახალბედა ქალმა ჰიპ-ჰოპ შემსრულებელმა Cardi B-მ მოიპოვა. მომღერალი 10 ნომინაციაშია წარდგენილი, როგორებიცაა: წლის საუკეთესო ვიდეო, წლის შემსრულებელი და წლის საუკეთესო სიმღერა.



8 ნომინაცია მოიპოვა Beyonce-სა და მისი მეუღლის, Jay Z-ს ერთობლივმა სიმღერამ “Apeshit”. წყვილი კონკურენციას გაუწევს წლის საუკეთესო ვიდეოს კატეგორიაში Drake-ს, Ariana Grande-ს, Bruno Mars-ს, Cardi B-სა და Childish Gambino-ს. ასევე აღსანიშნავია ის ფაქტიც, რომ წლევანდელ ცერემონიაზე MTV ახალგაზრდა შემსრულებლებს მიანიჭა უპირატესობა.



ასევე ნომიაცია მოიპოვა ყველასათვის საყვარელმა შემსრულებელმა Pink-მა, რომელსაც შარშან MTV-მ მაიკლ ჯექსონის სახელობის ჯილდო გადასცა. ჯერ-ჯერობით არ ვრცელდება ინფორმაცია თუ ვინ იქნება შოუს წამყვანი და წელს ვის გადაეცემა მაიკლ ჯექსონის სახელობის სპეციალური ჯილდო.



ხმის მიცემა MTV-ს ოფიციალურ საიტზე უკვე ხელმისაწვდომია აშშ-ს ტერიტორიაზე მყოფი ადამიანებისთვის.




ნომინაციების სრული სია:

წლის ვიდეო:

Ariana Grande – “No Tears Left to Cry”
Bruno Mars – “Finesse (Remix)” [ft. Cardi B]
Camila Cabello – “Havana” [ft. Young Thug]
The Carters – “APES**T”
Childish Gambino – “This Is America”
Drake – “God's Plan”

წლის შემსრულებელი:

Ariana Grande
Bruno Mars
Camila Cabello
Cardi B
Drake
Post Malone

წლის სიმღერა:

Bruno Mars – “Finesse (Remix)” [ft. Cardi B]
Camila Cabello – “Havana” [ft. Young Thug]
Drake – “God's Plan”
Dua Lipa – “New Rules”
Ed Sheeran – “Perfect”
Post Malone – “rockstar” [ft. 21 Savage]

საუკეთესო ახალი შემსრულებელი:

Bazzi
Cardi B
Chloe x Halle
Hayley Kiyoko
Lil Pump
Lil Uzi Vert

საუკეთესო კოლაბორაცია:

Bebe Rexha ft. Florida Georgia Line – “Meant to Be”
Bruno Mars – “Finesse (Remix)” [ft. Cardi B]
The Carters – “APES**T”
Jennifer Lopez – “Dinero” [ft. DJ Khaled & Cardi B]
Logic – “1-800-273-8255” [ft. Alessia Cara & Khalid]
N.E.R.D – “Lemon” [ft. Rihanna]

საუკეთესო პოპ ვიდეო:

Ariana Grande – “No Tears Left to Cry”
Camila Cabello – “Havana” [ft. Young Thug]
Demi Lovato – “Sorry Not Sorry”
Ed Sheeran – “Perfect”
P!nk – “What About Us”
Shawn Mendes – “In My Blood”

საუკეთესი ჰიპ-ჰოპ ვიდეო:

Cardi B – “Bartier Cardi” [ft. 21 Savage]
The Carters – “APES**T”
Drake – “God's Plan”
J. Cole – “ATM”
Migos – “Walk It Talk It” [ft. Drake]
Nicki Minaj – “Chun-Li”

საუკეთესო დენს ვიდეო:

Avicii – “Lonely Together” [ft. Rita Ora]
Calvin Harris & Dua Lipa – “One Kiss”
The Chainsmokers – “Everybody Hates Me”
David Guetta & Sia – “Flames”
Marshmello – “Silence” [ft. Khalid]
Zedd & Liam Payne – “Get Low (Street Video)”

საუკეთესო ლათინური ვიდეო:

Daddy Yankee – “Dura”
J Balvin – “Mi Gente” [ft. Willy William]
Jennifer Lopez – “Dinero” [ft. DJ Khaled & Cardi B]
Luis Fonsi – “Échame La Culpa” [ft. Demi Lovato]
Maluma – “Felices los 4”
Shakira – “Chantaje” [ft. Maluma]

საუკეთესო როკ ვიდეო:

Fall Out Boy – “Champion”
Foo Fighters – “The Sky Is A Neighborhood”
Imagine Dragons – “Whatever It Takes”
Linkin Park – “One More Light”
Panic! at the Disco – “Say Amen (Saturday Night)”
Thirty Seconds to Mars – “Walk On Water”

ვიდეო სოციალური მესიჯით:

Childish Gambino – “This Is America”
Dej Loaf and Leon Bridges – “Liberated”
Drake – “God’s Plan”
Janelle Monáe – “PYNK”
Jessie Reyez – “Gatekeeper”
Logic – “1-800-273-8255” [ft. Alessia Cara & Khalid]

საუკეთესო სინემატოგრაფია:

Alessia Cara – “Growing Pains”
Ariana Grande – “No Tears Left to Cry”
The Carters – “APES**T”
Childish Gambino – “This Is America”
Eminem – “River” [ft. Ed Sheeran]
Shawn Mendes – “In My Blood”

საუკეთესო რეჟისურა:

The Carters – “APES**T”
Childish Gambino – “This Is America”
Drake – “God's Plan”
Ed Sheeran – “Perfect”
Justin Timberlake – “Say Something” [ft. Chris Stapleton]
Shawn Mendes – “In My Blood”

საუკეთესო არტ დირექშენი:

The Carters – “APES**T”
Childish Gambino – “This Is America”
J. Cole – “ATM”
Janelle Monáe – “Make Me Feel”
SZA – “The Weekend”
Taylor Swift – “Look What You Made Me Do”

საუკეთესო ვიზუალური ეფექტები:

Ariana Grande – “No Tears Left to Cry”
Avicii ft. Rita Ora – “Lonely Together”
Eminem – “Walk On Water” [ft. Beyoncé]
Kendrick Lamar & SZA – “All The Stars”
Maroon 5 – “Wait”
Taylor Swift – “Look What You Made Me Do”

საუკეთესო ქორეოგრაფია:

Bruno Mars – “Finesse (Remix)” [ft. Cardi B]
Camila Cabello – “Havana” [ft. Young Thug]
The Carters – “APES**T”
Childish Gambino – “This Is America”
Dua Lipa – “IDGAF”
Justin Timberlake – “Filthy”

საუკეთესო ედითინგი:

Bruno Mars – “Finesse (Remix)” [ft. Cardi B]
The Carters – “APES**T”
Childish Gambino – “This Is America”
Janelle Monáe – “Make Me Feel”
N.E.R.D – “Lemon” [ft. Rihanna]
Taylor Swift – “Look What You Made Me Do”

Push Artist of the Year:

July 2018 – Chloe x Halle
June 2018 – Sigrid
May 2018 – Lil Xan
April 2018 – Hayley Kiyoko
March 2018 – Jessie Reyez
February 2018 – Tee Grizzley
January 2018 – Bishop Briggs
December 2017 – Grace VanderWaal
November 2017 – Why Don’t We
October 2017 – PRETTYMUCH
September 2017 – SZA
August 2017 – Kacy Hill
July 2017 – Khalid
June 2017 – Kyle
May 2017 – Noah Cyrus